ഗ്ലോബൽ വില്ലേജിന് ഐ.എസ്.ഒ 41001 സർട്ടിഫിക്കേഷൻ

ദുബൈ: വിവിധ ​രാജ്യങ്ങളുടെ സംഗമവേദിയും വിനോദ സഞ്ചാര കേന്ദ്രവുമായ ദുബൈ ഗ്ലോബൽ വില്ലേജിന്​ ഐ.എസ്​.ഒ 41001:2018 സർട്ടിഫിക്കേഷൻ. ഈ നേട്ടം കൈവരിക്കുന്ന മിഡ്​ൽ ഈസ്റ്റിലെ ഏക വിനോദ സഞ്ചാര കേന്ദ്രമാണ്​ ഗ്ലോബൽ വില്ലേജ്​.

കാര്യക്ഷമവും ഉൽപ്പാദനക്ഷമവുമായ സംയോജിത സൗകര്യങ്ങൾ ഒരുക്കിയത്​ പരിഗണിച്ചാണ്​ സർട്ടിഫിക്കേഷൻ നൽകിയത്​. സന്ദർശകർക്ക്​ പുതിയ അനുഭവം നൽകുന്ന സംവിധാനങ്ങളും സാ​ങ്കേതിക വിദ്യയും വൈദഗ്ദ്യവുമെല്ലാം ഗ്ലോബൽ വില്ലേജ്​ ഒരുക്കിയത്​ വിലയിരുത്തി.

ഏഴ്​ മാസത്തിന്​ ശേഷം കഴിഞ്ഞ ഏഴിനാണ്​ ദുബൈ ഗ്ലോബൽ വില്ലേജ്​ അടച്ചത്​. സന്ദർശകരെ അത്​ഭുതപ്പെടുത്തുന്ന സേവനങ്ങളാണ്​ ഓരോ സീസണിലും ഗ്ലോബൽ വില്ലേജ്​ സമ്മാനിക്കുന്നത്​. ആദ്യമായി പെരുന്നാൾ ദിവസവും ഗ്ലോബൽ വില്ലേജ്​ ഇക്കുറി പ്രവർത്തിച്ചിരുന്നു.