ശൈഖ്​ ഡോ. അലി ബിൻ അബ്​ദുറഹ്​മാൻ ഇസ്​ലാമിക വ്യക്​തിത്വം

ദുബൈ: ഇൗ വർഷത്തെ ഇസ്​ലാമിക വ്യക്​തിത്വമായി പ്രമുഖ ഇസ്​ലാമിക പണ്ഡിതനും മസ്​ജിദുന്നബവിയിൽ ദീർഘകാലമായി ഇമാമായി സേവനമനുഷ്​ഠിക്കുകയും ചെയ്യുന്ന ​ൈശഖ്​ ഡോ. അലി ബിൻ അബ്​ദുറഹ്​മാൻ അൽ ഹുദൈഫിയെ തെരഞ്ഞെടുത്തു. 22ാമത്​ ദുബൈ അന്താരാഷ്​ട്ര വിശുദ്ധ ഖുർആൻ പുരസ്​കാര (ഡി.​െഎ.എച്ച്​.ക്യു.എ) വേദിയിൽ വെള്ളിയാഴ്​ച രാത്രി ദുബൈ ഭരണാധികാരിയുടെ സാംസ്​കാരിക-ജീവകാരുണ്യ ഉപദേഷ്​ടാവും ഡി.​െഎ.എച്ച്​.ക്യു.എ സംഘാടക സമിതി മേധാവിയുമായ ഇബ്രാഹിം മുഹമ്മദ്​ ബൂ മെൽഹയാണ്​ ഇസ്​ലാമിക വ്യക്​തിത്വത്തെ പ്രഖ്യാപിച്ചത്​.

ചൊവ്വാഴ്​ച വൈകുന്നേരം ഡി.​െഎ.എച്ച്​.ക്യു.എ സമാപന ചടങ്ങിൽ പുരസ്​കാരം സമ്മാനിക്കും. അൽ അസ്​ഹർ സർവകലാശാലയിൽനിന്ന്​ പി.എച്ച്​.ഡി നേടിയ ൈശഖ്​ ഡോ. അലി ബിൻ അബ്​ദുറഹ്​മാൻ മദീന ഇസ്​ലാമിക സർവകലാശാലയിൽ ശരീഅത്ത്​ ശാസ്​ത്രം, ഖുർആൻ പാരായണ കല തുടങ്ങി നിരവധി വിഷയങ്ങളിൽ അധ്യാപനം നടത്തുന്നുണ്ട്​. മദീന മുസ്​ഹഫിലെ ഖുർആൻ പകർപ്പ്​ പരിഷ്​കരിച്ച ശാസ്​ത്ര കമ്മിറ്റി അധ്യക്ഷൻ, കിങ്​ ഫഹദ്​ ഹോളി ഖുർആൻ അച്ചടി സമുച്ചയത്തിലെ മുസ്​ഹഫ്​ റെക്കോർഡുകളുടെ ചുമതലയുള്ള കമ്മിറ്റയിലെ അംഗം തുടങ്ങിയ നിലകളിൽ സേവനം ചെയ്​തിട്ടുണ്ട്​. 

ഖുർആനുമായി ബന്ധപ്പെട്ട്​ ചെയ്യുന്ന സേവനങ്ങൾ പരിഗണിച്ച്​ പ്രമുഖ പണ്ഡിതർക്കും സ്​ഥാപനങ്ങൾക്കും നൽകുന്ന ഇസ്​ലാമിക വ്യക്​തിത്വ അവാർഡ്​ ഇസ്​ലാമിക ലോകത്തെ ഏറ്റവും പ്രമുഖമായ ബഹുമതിയാണ്​. കഴിഞ്ഞ വർഷം സൗദി രാജാവ്​ സൽമാൻ ബിൻ അബ്​ദുൽ അസീസിനാണ്​ ഇൗ പുരസ്​കാരം ലഭിച്ചത്​. ബോസ്​നിയൻ പ്രസിഡൻറ്​ അലി ഇസ്സത്ത്​ ബെഗോവിച്ച്​, അൽ അസ്​ഹർ ഗ്രാൻഡ്​ ഇമാം ഡോ. അഹ്​മദ്​ അൽ ത്വയ്യിബ്​, മക്ക പള്ളി ഗ്രാൻഡ്​ ഇമാം ഡോ. അബ്​ദുറഹ്​മാൻ ബിൻ അബ്​ദുൽ അസീസ്​ അൽ സുദൈസ്​ തുടങ്ങിയവരും മുൻ വർഷങ്ങളിൽ ഇൗ അവാർഡിന്​ അർഹരായിട്ടുണ്ട്​. 

ലോകത്തെ പ്രമുഖ ഇസ്​ലാമിക പണ്ഡിതരിൽ ഒരാളായ ​ൈ​ശഖ്​ ഡോ. അലി ബിൻ അബ്​ദുറഹ്​മാൻ നാല്​ പതിറ്റാണ്ടിലേറെയായി മദീനയിലെ മസ്​ജിദുന്നബവിയിൽ പ്രാർഥനക്ക്​ നേതൃത്വം നൽകി വരുന്നു. അദ്ദേഹത്തി​​​െൻറ മനോഹരവും ആഴത്തിലുള്ളതുമായ ഖുർആൻ പാരായണം ആകർഷകവും വിശ്വാസികൾക്ക്​ പ്രോത്സാഹന ജനകവുമാണെന്ന്​ അന്താരാഷ്​ട്ര വിശുദ്ധ ഖുർആൻ മത്സരം നടക്കുന്ന ദുബൈ ചേംബറിൽ നടത്തിയ വാർത്താസമ്മേളനത്തിൽ ഇബ്രാഹിം മുഹമ്മദ്​ ബൂ മെൽഹ പറഞ്ഞു. വിവിധ തലങ്ങളിൽ ഖുർആനിനും ഇസ്​ലാമിനും ചെയ്​ത സേവനങ്ങ​ൾ പരിഗണിച്ച്​ ​ശൈഖ്​​ അലി ബിൻ അബ്​ദുറഹ്​മാനെ തങ്ങൾ ആദരിക്കുകയാണ്​. ഇൗ ആദരവ്​ തീർച്ചയായും എല്ലാ മുസ്​ലിംകൾക്കും സന്തോഷം നൽകുമെന്നും അദ്ദേഹം കൂട്ടിച്ചേർത്തു.