ഇസ്‌ലാമിക് പുതുവർഷം: അജ്മാനിൽ 15ന്​ പൊതുഅവധി

അജ്​മാൻ: ഇസ്‌ലാമിക് പുതുവത്സരത്തോടനുബന്ധിച്ച് (ഹിജ്‌റ 1448) ജൂൺ 15 തിങ്കളാഴ്ച അജ്മാനിലെ സർക്കാർ ജീവനക്കാർക്ക് ശമ്പളത്തോടെയുള്ള അവധി പ്രഖ്യാപിച്ചു. അജ്മാൻ ഗവൺമെന്‍റ്​ ഹ്യൂമൻ റിസോഴ്‌സ് ഡിപാർട്ട്‌മെന്‍റ്​ അറിയിച്ചതനുസരിച്ച്, എല്ലാ സർക്കാർ സ്ഥാപനങ്ങളും വകുപ്പുകളും അന്ന് അവധിയായിരിക്കും. ജൂൺ 16 ചൊവ്വാഴ്ച മുതൽ ഔദ്യോഗിക പ്രവൃത്തിദിനങ്ങൾ പുനരാരംഭിക്കും. ശനി, ഞായർ ദിവസങ്ങളിൽ വാരാന്ത്യ അവധി ലഭിക്കുന്ന ജീവനക്കാർക്ക്, തിങ്കളാഴ്ചത്തെ അവധി കൂടി ചേരുന്നതോടെ തുടർച്ചയായി മൂന്ന് ദിവസത്തെ വിശ്രമം ലഭിക്കും.