ഇഷാ​െൻറ ഇഷ്​ടം പോലെ പിറന്നാളാഘോഷം ദുബൈ പൊലീസിനൊപ്പം

ദുബൈ: ഏതാണ്ട്​ ഒട്ടുമിക്ക കുട്ടികൾക്കുമെന്ന പോലെ ഇഷാൻ രാധാകൃഷ്​ണനും പൊലീസ്​ എന്ന്​ പറഞ്ഞാൽ വല്ലാത്ത ആവേശമാണ്​. അതുകൊണ്ടാണ്​ ദുബൈ പൊലീസ്​ മേധാവിയെ കാണാൻ അവസരം ലഭിക്കുമോ എന്നു ചോദിച്ച്​ അവൻ സന്ദേശമയച്ചത്​. എത്ര തിരക്കുകൾക്കിടയിലാണെങ്കിലും  ഇൗ മിടുക്ക​​​​െൻറ ആവശ്യം ദുബൈ പൊലീസ്​ മേധാവി നിരസിച്ചില്ല. മേജർ ജനറൽ അബ്​ദുല്ല ഖലീഫ അൽ മറ ഇഷാനെയും അമ്മയേയും ദുബൈ പൊലീസ്​ ആസ്​ഥാനത്തേക്ക്​ ക്ഷണിച്ചു. അതും അവ​​​​െൻറ ജൻമദിനത്തിൽ തന്നെ.

ഒപ്പമിരുന്ന്​  സ്​പോർട്​സ്​, പൊലീസ്​, പഠനം എന്നിങ്ങനെ ഒരുപാട്​ വിഷയങ്ങൾ സംസാരിച്ചു.  സന്നദ്ധ സേവന പ്രവർത്തനങ്ങളിലും മറ്റുള്ളവർക്ക്​ നൻമ ​ചെയ്യാനും മുന്നിട്ടറങ്ങണമെന്ന്​ ബാലനെ ഉണർത്താനും അദ്ദേഹം മറന്നില്ല. പിന്നീട്​ ദുബൈ പൊലീസി​​​​െൻറ ഉശിരൻ കാറുകളിലൊന്നിൽ കയറ്റി ദുബൈ നഗര സവാരി നടത്താനും സൗകര്യമൊരുക്കി.

അങ്ങിനെ ഇഷാ​​​​െൻറ 14ാം  പിറന്നാൾ സംഭവ ബഹുലമായി. ദുബൈ പൊലീസി​​​​െൻറ വാതിലുകൾ സദാസമയം പൊതുസമൂഹത്തിനായി തുറന്നിട്ടിരിക്കുകയാണെന്നും ഏവരുടെയും മുഖത്ത്​, വിശിഷ്യാ കുഞ്ഞുങ്ങളിൽ സന്തോഷം നിറക്കാൻ ആവുന്നതെല്ലാം ഉറപ്പുവരുത്തുമെന്നും മേജർ ജനറൽ അൽ മറി പറഞ്ഞു.