ഐ.പി.എൽ: ഷാർജയിൽ ടിക്കറ്റ്​ നിരക്ക്​ കുറച്ചു

ഷാർജ: ഇന്ത്യൻ പ്രീമിയർ ലീഗിൽ ഷാർജയിലെ മത്സരങ്ങളുടെ നിരക്കിൽ വൻ കുറവ്​. നേര​േത്ത 150-200 ദിർഹമായിരുന്നത്​ 60 ദിർഹമായാണ്​ കുറച്ചത്​. ഇതോടെ മലയാളികൾ അടക്കം നിരവധി പേർക്ക്​ കളി കാണാൻ അവസരമൊരുങ്ങും. എന്നാൽ, 16 വയസ്സിനു​ മുകളിലുള്ളവർക്കു​ മാത്രമാണ്​ പ്രവേശനം എന്ന നിബന്ധന തുടരും. വാക്​സിനെടുത്തവർക്കും 48 മണിക്കൂറിനുള്ളിൽ കോവിഡ്​ പരിശോധന നടത്തിയവർക്കും മാത്രമായിരിക്കും പ്രവേശനം. ചൊവ്വാഴ്​ച കൊൽക്കത്തയും ഡൽഹിയും തമ്മിലാണ്​ ഷാർജയിലെ അടുത്ത മത്സരം. മു​ംബൈയും ചെന്നൈയും തമ്മിൽ നടന്ന ഷാർജയിലെ ആദ്യ മത്സരത്തിൽ കാണികളുടെ മികച്ച പങ്കാളിത്തമുണ്ടായിരുന്നു. അബൂദബി ശൈഖ്​ സായിദ്​ സ്​റ്റേഡിയത്തിലും 60 ദിർഹമാണ്​ നിരക്ക്​. ദുബൈയിൽ രണ്ടു​ പേർക്ക്​ 200 ദിർഹമാണ്​ ടിക്കറ്റ്​. ഒരാൾക്കു​ മാത്രമായി ടിക്കറ്റെടുക്കാൻ കഴിയില്ല. ചില മത്സരങ്ങളിൽ 150 ദിർഹമിനും ടിക്കറ്റ്​ നൽകുന്നുണ്ട്​.