ഇന്ത്യയുടെ ഇമറാത്തി ഫെസ്​റ്റ്​

ഒന്നര മാസമായി യു.എ.ഇയുടെ ആഘോഷമായിരുന്നു ഐ.പി.എൽ. കോവിഡ്​ വ്യാപനത്തിനുശേഷം യു.എ.ഇ ഏറ്റെടുത്ത ഏറ്റവും വലിയ അന്താരാഷ്​ട്ര കായിക മാമാങ്കത്തിനാണ്​ ചൊവ്വാഴ്​ച​ കൊടിയിറങ്ങുന്നത്​. അത്​ നമ്മുടെ സ്വന്തം ഇന്ത്യൻ പ്രീമിയർ ലീഗാണ്​ എന്നത്​ ഓരോ പ്രവാസിക്കും അഭിമാന നിമിഷം കൂടിയാണ്​. അത്​ ഇത്ര മനോഹരമായി നടത്തിയ ഇന്ത്യൻ ക്രിക്കറ്റ്​ ബോർഡിനും എമിറേറ്റ്​സ്​ ക്രിക്കറ്റ്​ ബോർഡിനും അഭിമാനിക്കാം​. മത്സരം നേരിൽ കാണാൻ കഴിഞ്ഞില്ലെങ്കിലും അതി​െൻറ അലയൊലികൾക്കൊപ്പം ദുബൈയിൽ കഴിയാൻ സാധിച്ചത്​ എനിക്കും മറക്കാനാവാത്ത അനുഭവമാണ്​.മത്സരത്തി​െൻറ ഗുണനിലവാരം നോക്കിയാൽ ഇതുവരെ നടന്ന സീസണുകളിൽ ഏറ്റവും മികച്ച​ ഐ.പി.എല്ലിനാണ്​ യു.എ.ഇ വേദിയൊരുക്കിയത്​. മത്സരങ്ങളും അമ്പയർമാരും താരങ്ങളും മൈതാനങ്ങളും സാ​ങ്കേതിക വിദ്യയുമെല്ലാം ഒന്നിനൊന്ന്​ മികവുറ്റതായിരുന്നു. ​

േപ്ല ഓഫി​േ​ലക്ക്​ യോഗ്യത നേടുന്ന ആദ്യ ടീമിനെ നിർണയിക്കാൻ 47 മത്സരങ്ങൾ കാത്തിരിക്കേണ്ടിവന്നു എന്നത്​ ഈ ടൂർണമെൻറി​െൻറ വിജയത്തെ സൂചിപ്പിക്കുന്നു. ലീഗിലെ അവസാന മത്സരത്തിന്​ ടോസിടു​േമ്പാഴും ​േപ്ല ഓഫ്​ ചിത്രം വ്യക്തമായിരുന്നില്ല.അതുകൊണ്ടൊക്കെയാണ്​ ഐ.പി.എൽ ലോകത്തിലെ ഏറ്റവും മികച്ച ക്രിക്കറ്റ്​ ലീഗായി തുടരുന്നത്​. ഒരു മത്സരത്തിൽ രണ്ട്​ സൂപ്പർ ഓവർ നടത്തി ചരിത്രത്തി​െൻറ ഭാഗമാകാനും 13ാം സീസണിന്​​ കഴിഞ്ഞു.ഏറ്റവും മികച്ച സൗകര്യങ്ങളാണ്​ ഗ്രൗണ്ടിൽ ഒരുക്കിയിരുന്നത്​. മൂന്ന്​ ഗ്രൗണ്ടുകളിൽ ഇത്രയേറെ മത്സരങ്ങൾ നടത്തിയിട്ടും പിച്ചുകൾ മോശമായില്ല.

ലീഗ്​ റൗണ്ടിലെ അവസാന മത്സരങ്ങളിൽ പിച്ച്​ ​േസ്ലാ ആയതായി തോന്നിയെങ്കിലും ​േപ്ല ഓഫിലെത്തിയപ്പോൾ ഈ ആശങ്കകളെല്ലാം അസ്ഥാനത്തായി. ടൂർണമെൻറി​െൻറ തുടക്കത്തിൽ അത്ര നല്ല കാലാവസ്​ഥയായിരുന്നില്ല. എന്നാൽ, രണ്ടാം പകുതിയെത്തിയപ്പോൾ മത്സരത്തിന്​ അനുയോജ്യമായ കാലാവസ്ഥ രൂപപ്പെട്ടു.ഇത്ര വെല്ലുവിളി നേരിട്ട സമയത്ത്​ ടൂർണമെൻറ്​ നടത്താൻ കഴിഞ്ഞു എന്നതാണ്​ യു.എ.ഇയുടെയും ബി.സി.സി.ഐയുടെയും ഇ.സി.ബിയുടെയും വിജയം. യു.എ.ഇ ക്രിക്കറ്റിനും ഇത്​ ഗുണംചെയ്യും. ഇവിടെയുള്ള കുട്ടികൾക്കും ഐ.പി.എല്ലി​െൻറ ഭാഗമാകാൻ അവസരം ലഭിച്ചു. തൊട്ടടുത്ത്​ മത്സരം നടന്നിട്ടും കളി നേരിട്ട്​ കാണാൻ കഴിഞ്ഞില്ല എന്ന പരിഭവം ഒരുപാട്​ പേരിൽനിന്ന്​ കേട്ടു.ടി.വിയിലാണെങ്കിലും ആവേശം ചോരാതെ മത്സരം കാണാൻ കഴിഞ്ഞതിലും ഈ മഹാമാരിക്കാലത്ത്​ ടൂർണമെൻറ്​ നടന്നതിലും നമുക്ക്​ ആശ്വസിക്കാം.

ഇന്ന്​ തീപാറും

'മുംബൈയും ഡൽഹിയും ഏറ്റുമുട്ടിയ കഴിഞ്ഞ മത്സരത്തിലെ പോലെ ഏകപക്ഷീയമായ മത്സരമായിരിക്കില്ല ഫൈനൽ. രണ്ടു​ ടീമുകൾക്കും തുല്യ സാധ്യതയാണുള്ളത്​. ട്വൻറി20 ക്രിക്കറ്റി​െൻറ പ്രത്യേകതയും അതാണല്ലോ. അവരുടേതായ ദിവസങ്ങളിൽ ആരെയും മറിച്ചിടാൻ ഏത്​ ടീമിനും സാധിക്കും. ടോസ്​ നേടുന്ന ടീം ബാറ്റിങ്​ തിരഞ്ഞെടുക്കാനാണ്​ സാധ്യത. ഫൈനൽ മത്സരത്തിലെ അവസാന ഓവറുകളിലെ സമ്മർദം ഒഴിവാക്കാൻ അതാണ്​ നല്ലത്​. റിക്കി പോണ്ടിങ്ങിനെ പോലുള്ള പരിശീലകന്​ ഇത്​ കൃത്യമായി അറിയാം. ഓസീസ്​ താരങ്ങൾ സാധാരണ പിൻപറ്റുന്നത്​ ഈ തന്ത്രമാണ്​. ആദ്യം ബാറ്റ്​ ചെയ്​ത്​ പരമാവധി റൺസ്​ അടിച്ചെടുത്ത്​ എതിരാളികളെ സമ്മർദത്തിലാക്കാനായിരിക്കും ശ്രമം. മികച്ച ബൗളർമാർ തമ്മിലുള്ള ഏറ്റുമുട്ടൽ കൂടിയാകും ഇന്നത്തെ ഫൈനൽ.'