ഐ.പി.എൽ മാമാങ്കം; കൂടുതൽ മത്സരങ്ങൾ ദുബൈയിൽ

ദുബൈ: യു.എ.ഇയിൽ ക്രിക്കറ്റ്​ ആവേശം വിതറി ഐ.പി.എൽ മത്സരങ്ങൾക്ക്​ വേദിയൊരുങ്ങു​േമ്പാൾ ഏറെ മത്സരങ്ങളും അരങ്ങേറുക ദുബൈയിൽ.

സെപ്​റ്റംബർ 19ന്​ ആരംഭിക്കുന്ന ആദ്യ മത്സരം മുതൽ ഒക്​ടോബർ 15​െൻറ ഫൈനൽ വരെ, ആകെ 13 മാച്ചുകളാണ്​ ദുബൈയിൽ നടക്കുക. 10 മത്സരങ്ങൾ ഷാർജ അന്താരാഷ്​ട്ര സ്​റ്റേഡിയത്തിലും എട്ട്​ എണ്ണം അബൂദബിയിലും അരങ്ങേറും. ഇന്ത്യയിൽ ആരംഭിച്ച ഐ.പി.എൽ 14ാം സീസൺ മത്സരങ്ങൾ കോവിഡി​െൻറ വ്യാപനത്തെ തുടർന്നാണ്​ യു.എ.ഇയിലേക്ക്​ മാറ്റിയത്​.യു.എ.ഇ സമയം ഉച്ച രണ്ടിനും വൈകീട്ട്​ ആറിനുമാണ് മത്സരങ്ങൾ അരങ്ങേറുക. ചൂട്​​ കാരണം കുറഞ്ഞ മത്സരങ്ങൾ മാത്രമാകും ഉച്ചക്ക്​ ആരംഭിക്കുന്നതായി ഉണ്ടാവുക. ആകെ 31 മത്സരങ്ങളാണ്​ യു.എ.ഇയിൽ നടക്കുന്നത്​.

ആദ്യ മത്സരത്തിൽ ചെ​െന്നെ സൂപ്പർ കിങ്​സും മുംബൈ ഇന്ത്യൻസും തമ്മിലുള്ള പോരാട്ടമാണ്​ ദുബൈയിൽ നടക്കുക. അബൂദബിയി​ലെ ആദ്യ മത്സരം കൊൽക്കത്ത നൈറ്റ്​ റൈഡേഴ്​സും ബാംഗ്ലൂർ റോയൽ ചല​േഞ്ചഴ്​സും തമ്മിലാണ്​.

ബംഗളൂരുവും ചെ​െന്നെയും തമ്മിലെ സെപ്​റ്റംബർ 24ലെ മത്സരമാണ്​ ഷാർജയിലെ ആദ്യ പോര്​. ഒക്​ടോബർ 10​െൻറ ഫസ്​റ്റ്​ ക്വാളിഫയർ മത്സരവും ദുബൈയിലാണ്​.

ലോകോത്തര താരങ്ങൾ അണിനിരക്കുന്ന എട്ടു ടീമുകൾ തമ്മിലുള്ള പോരാട്ടം യു.എ.ഇയിലെ പ്രവാസികൾക്കും ആവേശം പകരും. മത്സരം കാണാൻ​ സ്​റ്റേഡിയത്തിലേക്ക്​ കാണികളെ പ്രവേശിപ്പിക്കുന്നത്​ സംബന്ധിച്ച്​ ഇതുവരെ ഔദ്യോഗിക നിർദേശങ്ങൾ വന്നിട്ടില്ല.

എന്നാൽ വാക്​സിൻ സ്വീകരിച്ച നിശ്ചിത ശതമാനം കാണികളെ പ്രവേശിപ്പിക്കുമെന്നാണ്​ കരുതുന്നത്​. അങ്ങനെയെങ്കിൽ കോവിഡ്​ ആരംഭിച്ച ശേഷം മലയാളികളടക്കമുള്ള കാണികൾക്ക്​ കളി നേരിട്ട്​ കാണാൻ​ ലഭിക്കുന്ന അവസരവുമാകും ഇത്​.

ഐ.പി.എല്ലിന്​ ശേഷം ഒക്​ടോബർ 17ന്​ ആരംഭിക്കുന്ന ട്വൻറി 20 ലോകകപ്പിന്​ കൂടി ആതിഥേയത്വം വഹിക്കുന്നത്​ യു.എ.ഇയാണ്​.