ഐഫോൺ 15 പ്രോ മാക്സ് 22 ന് എത്തും

ദുബൈ: ആപ്പിളിന്‍റെ ഐഫോൺ 15 പ്രോ മാക്സ്​ ആദ്യ ദിനം ലഭിക്കാൻ യഥാർഥ വിലയേക്കാൾ 1000 ദിർഹം വരെ നൽകാൻ തയ്യാറായി യു.എ.ഇയിലെ ഫോൺ പ്രേമികൾ. പുതിയ ​മോഡൽ വിപണിയിൽ എത്തും മുമ്പേ യു.എ.ഇയിലെ പ്രാദേശിക വിപണികളിൽ റെകോർഡ്​ ബുക്കിങ്​ ആണ്​ ലഭിച്ചിരിക്കുന്നത്​. ഈ മാസം 22 മുതൽ ഐഫോൺ 15 പ്രോ മാക്സ്​ വിപണിയിലെത്തുമെന്നാണ്​ വിവരം. ടൂറിസ്റ്റുകളേക്കാൾ നിവാസികളിൽ നിന്ന്​ ഫോണിനായി അപൂതപൂർവമായ പ്രതികരണമാണ്​ ലഭിക്കു​ന്നതെന്ന്​ ഔട്ട്​ലെറ്റുകൾ പറയുന്നു. ഫോൺ എപ്പോൾ എത്തുമെന്ന്​ അന്വേഷിച്ച്​ ദിവസം നിരവധി പേരാണ്​ വിളിക്കുന്നത്​. ചിലർ 1000 ദിർഹം വരെ അധികം നൽകാനും തയ്യാറാണ്​.- ദുബൈ പ്രമുഖ ഫോൺ ഔട്ട്​ലറ്റ്​ മാനേജറായ മൊയ്തീൻ മുസ്തഫ പറഞ്ഞു.