ഹൃദയം മാറ്റിവെച്ച മലയാളി യുവാവിന്​ 23 ലക്ഷം നൽകാൻ വിധി

ദുബൈ: ഹൃദയം മാറ്റിവെക്കൽ ശസ്​ത്രക്രിയക്ക്​ വിധേയനായ മലയാളി യുവാവിന്​ മെഡിക്കൽ ഇൻഷുറൻസ്​ കമ്പനി 23 ലക്ഷം രൂപ ചികിത്സാ ചെലവ്​ നൽകണമെന്ന്​ അബൂദബി കോടതി വിധിച്ചു. കൊല്ലം അഞ്ചൽ സ്വദേശിയായ കരീം അബ്​ദുൽ റസാഖിനാണ്​  (44) പണം നൽകേണ്ടത്​. ചെ​​െന്നെയിലെ അപ്പോളോ ആശു​പത്രിയിൽ 2015 ജനുവരി 17നാണ്​ കരീം ഹൃദയമാറ്റ ശാസ്​ത്രക്രിയക്ക്​ വിധേയനായത്​​. അബൂദബിയിലെ പ്രമുഖ എണ്ണയുൽപ്പാദന കമ്പനിയിലെ ജീവനക്കാരനായിരുന്ന ഇദ്ദേഹത്തി​​​െൻറ​ ഹൃദയത്തി​​െൻറ പ്രവർത്തനത്തിന്​ തകരാറുണ്ടെന്ന്​  2010 ലാണ്​ മനസിലായത്​.​ ആ വർഷം ഡിസംബറിൽ അബൂദബി ഷെയ്​ഖ്​ ഖലീഫാ ആശുപ്രതിയിൽ നിന്ന്​ പേസ്​ മേക്കർ ഘടിപ്പിച്ചു. എന്നാൽ 2014 സെപ്​റ്റംബറിൽ രോഗം വഷളായി. ​ ജീ

വൻ നിലനിർത്താൻ പ്രതിദിനം 20 ഗുളികകൾ കഴിക്കണമായിരുന്നു. എന്നാൽ  പ്രതിദിനം 20 മില്ലി ലിറ്റർ വെള്ളം മാത്രമല്ല കുടിക്കാൻ കഴിയുമായിരുന്നുള്ളൂ. കൂടുതൽ വെള്ളം കുടിച്ചാൽ ശ്വാസോച്​ഛാസം തകരാറിലാകുമായിരുന്നു. സമീപിച്ച എല്ലാ ഡോക്​ടർമാരും  ഹൃദയം മാറ്റി വെക്കുകയെല്ലാതെ മറ്റു മാർഗങ്ങൾ  ഇല്ലായെന്ന്​ ഉറപ്പ്​ പറഞ്ഞു. തുടർന്ന്​​ ചെന്നെയിലെ അപ്പോളോ ആശുപത്രിയിൽ പേര്​ രജിസ്​റ്റർ ചെയ്​തു​. പിന്നീട്​ മസ്​തിസ്​ക മരണം സംഭവിച്ച  20 വയസുകാര​​െൻറ ഹൃദയം കരീമി​​െൻറ ശരീരത്തിൽ തുന്നിച്ചേർത്തു​. തുടർന്ന്​ കരീം ആരോഗ്യ സ്​ഥിതി വീണ്ടെടുത്തു.

ചികിത്സക്ക്​ ചെലവായ തുക തിരിച്ചു കിട്ടുന്നതിന്​ മെഡിക്കൽ ഇൻഷുറൻസ്​ കമ്പനിയിൽ ​അപേക്ഷ സമർപ്പിച്ചുവെങ്കിലും തള്ളി​. തുട​ർന്ന്​ ദുബൈ അൽ കബ്ബാൻ അസോസിയേറ്റ്​സിലെ സീനിയർ ലീഗൽ കൺസൾട്ടൻറായ അഡ്വ. ഷംസുദ്ദീൻ കരുനാഗപ്പളി മുഖേന നിയമനടപടി തുടങ്ങി. എന്നാൽ ഇൻഷുറൻസ്​ കമ്പനി തുക നൽകാനാവില്ല എന്ന്​ വാദിച്ചു.  കരീമി​​െൻറ ഇൻഷുറൻസ്​ കാർഡ്​ ഉപയോഗിച്ച്​ യു.എ.ഇയിൽ മാത്രമാണ്​ ചികിത്സ തേടാവുന്നതെന്നും  യു.എ.ഇക്ക്​ പുറത്ത്​ അടിയന്തിരമായി വരുന്ന ചികിത്സാക്കു മാത്രമെ​ ​​െക്ലയിം നൽകേണ്ട ബാധ്യതയുള്ളൂവെന്നുമായിരുന്നു അവരുടെ നിലപാട്​. കരീമി​​െൻറ ഹൃദയം മാറ്റിവെക്കൽ  അടിയന്തിരമായി ചെയ്യേണ്ട ഒന്നല്ലായിരുന്നു എന്നതായിരുന്നു ​ൈക്ലയിം നിരസിക്കാൻ ഇൻഷുറൻസ്​ കമ്പനി ഉയർത്തിയ വാദം. ഇത്​ തള്ളിക്കൊണ്ടാണ്​ അബൂദബി കോടതി ചികിത്സാ ചെലവ്​ നൽകാൻ വിധിച്ചത്​.