ഇന്ദിരാ അനുസ്​മരണവും പ്രസംഗമത്സരവും

ഷാർജ: ഇന്ത്യൻ അസോസിയേഷൻ ഷാർജ ഇന്ദിരാഗാന്ധി അനുസ്​മരണ സമ്മേനവും വിദ്യാർത്ഥികൾക്ക്​ പ്രസംഗ മത്സരവും സംഘടിപ്പിച്ചു.പ്രസിഡൻറ്​ അഡ്വ.വൈ.എ.റഹീം മുഖ്യ പ്രഭാഷണം നടത്തി.സെക്രട്ടറി ബിജു സോമൻ, ട്രഷറർ വി.നാരായണൻ നായർ, ഷാർജ ഇന്ത്യൻ സ്​കൂൾ പ്രിൻസിപ്പൽമാരായ പ്രമോദ് മഹാജൻ,ആൻറണി ജോസഫ് എന്നിവർ പ്രസംഗിച്ചു. ഇംഗ്ലീഷിലും മലയാളത്തിലുമായി  നടത്തിയ പ്രസംഗ മത്സരത്തിൽ ജോയൽ ജോസഫ്,അശ്വിൻ പി.പ്രകാശ്,അവന്തിക പ്രസാദ്, ആലിയ ഫാത്തിമ ഷഫീക്ക് എന്നിവർ ഒന്നാം സ്​ഥാനം നേടി.സ്​റ്റെഫിൻ ഇമ്മാനുവൽ പ്രകാശ്, ഋഷികേഷ് ബാബുരാജ്,അഫ്ര ഗഫൂർ,ആര്യ ശ്രീ എന്നിവരാണ്  രണ്ടാം സ്​ഥാനക്കാർ. വിജയികൾക്കുള്ള ക്യാഷ് അവാർഡുകൾ അഡ്വ.വൈ.എ.റഹീം സമ്മാനിച്ചു. വൈസ്​ പ്രിൻസിപ്പൽമാരായ മുഹമ്മദ് അമീൻ,മിനിമേനോൻ,അഡ്മിനിസ്​േട്രറ്റർ ഡോ.മുരളി മുല്ലക്കര എന്നിവർ വിധികർത്താക്കളായി.