യു.എ.ഇ ഭരണകൂടം പ്രഖ്യാപിച്ച സ്വദേശിവത്​കരണം കൂടുതൽ മേഖലകളിലേക്ക്​

ദുബൈ: സ്വകാര്യ സ്ഥാപനങ്ങളിലെ വിദഗ്​ധ തൊഴിലിടങ്ങളിൽ സ്വദേശികൾക്ക്​ കൂടുതൽ അവസരങ്ങൾ ലക്ഷ്യമിട്ട്​ യു.എ.ഇ ഭരണകൂടം പ്രഖ്യാപിച്ച സ്വദേശിവത്​കരണം കൂടുതൽ മേഖലകളിലേക്ക്​ വ്യാപിപ്പിക്കുന്നു. 50 ജീവനക്കാരുള്ള സ്ഥാപനങ്ങളിൽ മാത്രം നടപ്പിലാക്കിയ നിയമം ചെറുകിട സ്ഥാപനങ്ങളിലേക്കുമാണ്​ വ്യാപിപ്പിച്ചത്​.

20 മുതൽ 49 വരെ ജീവനക്കാരുള്ള സ്വാകാര്യ സ്ഥാപനങ്ങളേയും സ്വദേശിവത്​കരണത്തിൽ ഉൾപ്പെടുത്തിയതായി മാനവിഭവശേഷി, സ്വദേശിവത്​കരണ മന്ത്രാലയം കഴിഞ്ഞ ദിവസം പ്രഖ്യാപിച്ചു. വിദ്യാഭ്യാസം, നിർമാണം, റിയൽ എസ്​​റ്റേറ്റ്​, ആരോഗ്യം തുടങ്ങി 14 സാമ്പത്തിക മേഖലകളിലാണ് നിയമം വ്യാപിപ്പിച്ചത്​​.

20 മുതൽ 49 വരെ ജീവനക്കാരുള്ള സ്ഥാപനങ്ങൾ 2024, 2025 വർഷങ്ങളിൽ ഓരോ സ്വദേശിയെ വീതം നിയമിക്കണമെന്നാണ്​ നിർദേശം.