ഇന്ത്യയുടെ കയറ്റുമതി നിരോധനം: ഗോതമ്പിന്​ യു.എ.ഇയിൽ വിലകൂടി

ദു​ബൈ: ഇ​ന്ത്യ​യു​ടെ ഗോ​ത​മ്പ്​ ക​യ​റ്റു​മ​തി നി​രോ​ധ​നം യു.​എ.​ഇ​യി​ൽ വി​ല​വ​ർ​ധ​ന​ക്ക്​ കാ​ര​ണ​മാ​യ​താ​യി വ്യാ​പാ​ര രം​ഗ​ത്തെ വി​ദ​ഗ്​​ധ​ർ. ഉ​ൽ​പാ​ദ​നം കു​റ​ഞ്ഞ​തും റ​ഷ്യ-​യു​ക്രെ​യ്​​ൻ യു​ദ്ധ​വും കാ​ര​ണ​മാ​യി ആ​ഭ്യ​ന്ത​ര വി​പ​ണി​യി​ൽ വി​ല​ക്ക​യ​റ്റം ഉ​ണ്ടാ​കു​ന്ന​ത്​ ത​ട​യാ​നാ​ണ്​ മേ​യ്​ 14 മു​ത​ൽ ഇ​ന്ത്യ ക​യ​റ്റു​മ​തി ത​ട​ഞ്ഞ​ത്. യു​ക്രെ​യ്ൻ യു​ദ്ധം തു​ട​ങ്ങി​യ ശേ​ഷം ഈ ​വ​ർ​ഷം 10 മു​ത​ൽ 15ശ​ത​മാ​നം വ​രെ​യാ​ണ്​ യു.​എ.​ഇ​യി​ൽ വി​ല വ​ർ​ധി​ച്ചി​ട്ടു​ള്ള​ത്. യു​ക്രെ​യ്​​നും റ​ഷ്യ​യും ലോ​ക​ത്ത്​ ഏ​റ്റ​വും വ​ലി​യ ഗോ​ത​മ്പ്​ ക​യ​റ്റു​മ​തി രാ​ജ്യ​ങ്ങ​ളാ​ണ്. ഇ​വി​ടെ നി​ന്ന്​ ക​യ​റ്റു​മ​തി പൂ​ർ​ണ​മാ​യും ത​ട​സ്സ​പ്പെ​ട്ട​തോ​ടെ ഇ​ന്ത്യ​യ​ട​ക്ക​മു​ള്ള പ്ര​ധാ​ന രാ​ജ്യ​ങ്ങ​ളെ​യാ​ണ്​ മി​ക്ക രാ​ജ്യ​ങ്ങ​ളും ആ​ശ്ര​യി​ച്ച​ത്. ഇ​തോ​ടെ​യാ​ണ്​ ഇ​ന്ത്യ​ൻ ആ​ഭ്യ​ന്ത​ര വി​പ​ണി​യി​ലും വി​ല​ക്ക​യ​റ്റ​മു​ണ്ടാ​യ​ത്.

എ​ന്നാ​ൽ യു.​എ.​ഇ​യും സൗ​ദി അ​റേ​ബ്യ​യും അ​ട​ക്ക​മു​ള്ള രാ​ജ്യ​ങ്ങ​ൾ​ക്ക്​ നി​രോ​ധ​നം ബാ​ധി​ക്കാ​തെ ഇ​ന്ത്യ​യി​ൽ നി​ന്ന്​ ഗോ​ത​മ്പ്​ ല​ഭ്യ​മാ​ക്കു​മെ​ന്ന്​ റി​പ്പോ​ർ​ട്ടു​ണ്ട്. സ​ർ​ക്കാ​റു​ക​ൾ ത​മ്മി​ലു​ള്ള ധാ​ര​ണ പ്ര​കാ​രം ഗോ​ത​മ്പ്​ ക​യ​റ്റു​മ​തി​ക്ക്​ സാ​ധ്യ​ത അ​ട​ച്ചി​ട്ടി​ല്ലെ​ന്ന്​ ക​ഴി​ഞ്ഞ ദി​വ​സം കേ​ന്ദ്ര വാ​ണി​ജ്യ-​വ്യ​വ​സാ​യ മ​ന്ത്രി പി​യൂ​ഷ്​ ഗോ​യ​ൽ ലോ​ക​സാ​മ്പ​ത്തി​ക ഫോ​റ​ത്തി​ൽ പ്ര​സ്താ​വി​ച്ചി​ട്ടു​ണ്ട്. അ​ങ്ങ​നെ​യെ​ങ്കി​ൽ വി​ല കു​റ​യാ​നും സാ​ധ്യ​ത​യു​ണ്ട്. യു.​എ.​ഇ ഗോ​ത​മ്പി​ന്‍റെ ഇ​ന്ത്യ​യി​ലെ മൂ​ന്നാ​മ​ത്തെ വ​ലി​യ ക​യ​റ്റു​മ​തി വി​പ​ണി​യാ​ണ്. ഇ​ന്ത്യ​യി​ൽ നി​ന്ന്​ 2020-21ൽ 3,30,707​മെ​ട്രി​ക് ട​ൺ ഗോ​ത​മ്പാ​ണ്​ യു.​എ.​ഇ​യി​ലേ​ക്ക്​ ഇ​റ​ക്കു​മ​തി ചെ​യ്ത​ത്. ആ​സ്​​ട്രേ​ലി​യ, പാ​കി​സ്താ​ൻ എ​ന്നീ രാ​ജ്യ​ങ്ങ​ളി​ൽ നി​ന്നും യു.​എ.​ഇ ഗോ​ത​മ്പ്​ ഇ​റ​ക്കു​മ​തി ചെ​യ്യു​ന്നു​ണ്ട്​.

പാ​കി​സ്താ​നി​ൽ നി​ല​വി​ൽ ത​ന്നെ ഗോ​ത​മ്പ്​ ആ​വ​ശ്യ​ത്തി​ന്​ ല​ഭ്യ​മ​ല്ലാ​ത്ത സാ​ഹ​ച​ര്യ​മാ​ണ്. ഈ ​സാ​ഹ​ച​ര്യ​ത്തി​ൽ ആ​സ്​​ട്രേ​ലി​യ മാ​ത്ര​മാ​ണ്​ ബ​ദ​ലാ​യി​ട്ടു​ള്ള​ത്. ആ​ഗോ​ള ത​ല​ത്തി​ൽ ത​ന്നെ ഭ​ക്ഷ്യ വ​സ്തു​ക്ക​ളു​ടെ ക​യ​റ്റു​മ​തി​യി​ലും ഇ​റ​ക്കു​മ​തി​യി​ലും മാ​റ്റ​മു​ണ്ടാ​യെ​ങ്കി​ലും യു.​എ.​ഇ വി​പ​ണി​യി​ലെ ല​ഭ്യ​ത​യെ ഇ​ത്​ ബാ​ധി​ച്ചി​ട്ടി​ല്ല.