ആയുഷ് ചികില്‍സാരംഗത്ത്​  ഇന്ത്യ-യു.എ.ഇ ധാരണ

ദുബൈ: യു.എ.ഇയില്‍ ആയുഷ് ചികില്‍സാ കേന്ദ്രങ്ങളും ഫാര്‍മസികളും തുറക്കാന്‍ ധാരണയിലെത്തിയതായി ആയുഷ് മന്ത്രി ശ്രീപാദ് യെസോ നായിക് വാര്‍ത്താ സമ്മേളനത്തില്‍ അറിയിച്ചു. ബദല്‍ ചികില്‍സാ മാര്‍ഗങ്ങള്‍ പ്രോല്‍സാഹിപ്പിക്കാന്‍ ഇന്ത്യയിലെ ആയുഷ് മന്ത്രാലയവും യു.എ.ഇ സര്‍ക്കാറും കൈകോര്‍ക്കുകയാണ്​. ദുബൈ വേൾഡ്​ ട്രേഡ്​ സ​െൻററിൽ നടക്കുന്ന ആദ്യ അന്തര്‍ദേശീയ ആയുഷ് സമ്മേളനത്തി​​െൻറ ഭാഗമായി യു.എ.ഇ സര്‍ക്കാറുമായി നടത്തിയ ചര്‍ച്ചയിലാണ് ആയുഷ് ചികില്‍സാമാര്‍ഗങ്ങളുടെ വികസനത്തിന് പരസ്​പരം സഹകരിക്കാൻ തീരുമാനമായത്. ആയുഷ് മന്ത്രാലയത്തി​​െൻറ സഹകണത്തോടെ യു.എ.ഇയിലെ ഒരു സര്‍വകലാശാലയില്‍ ആയുഷ് ചെയര്‍ ആരംഭിക്കും. വിദേശവിദ്യാര്‍ഥികള്‍ക്ക് 100 ശതമാനം സ്കോളര്‍ഷിപ്പോടെ ഇന്ത്യയില്‍ ആയുഷ് ചികില്‍സാരീതികള്‍ പഠിക്കാനുള്ള സൗകര്യം യു.എ.ഇ. വിദ്യാര്‍ഥികള്‍ക്കും പ്രയോജനപ്പെടുത്താമെന്നും മന്ത്രി പറഞ്ഞു. ആയുഷ് മേഖലയിലെ ഡോക്​ടര്‍മാര്‍ക്ക് ഇന്ത്യയില്‍ തന്നെ യു.എ.ഇയുടെ യോഗ്യതാ പരീക്ഷയെഴുതാനുള്ള സൗകര്യം ഏര്‍പ്പെടുത്തുന്നതിനും ധാരണയായി. 2020 ൽ നടക്കുന്ന ദുബൈ എക്​സ്​പോക്ക്​ മുമ്പ്​ യു.എ.ഇയില്‍ ആയുര്‍വേദ ആശുപത്രികൾ ആരംഭിക്കുമെന്ന് പ്രമുഖ വ്യവസായിയും അന്താരാഷ്​ട്ര ആയുഷ്​ സമ്മേളനത്തി​​െൻറ സംഘാടക സമിതി ചെയർമാനുമായ ബി.ആർ. ഷെട്ടിയും പ്രഖ്യാപിച്ചു. ആയുര്‍വേദിക് സിറ്റി ആരംഭിക്കാനും ആയുര്‍വേദ മരുന്നുകള്‍ യു.എ.ഇയില്‍ തന്നെ നിര്‍മിക്കുന്നതിനുള്ള സൗകര്യം ഒരുക്കാനും പദ്ധതിയുണ്ടെന്ന്​ എന്‍.എം.സി ഗ്രൂപ്പ് ചെയര്‍മാന്‍ കൂടിയായ ഷെട്ടി പറഞ്ഞു. ആയുഷ് മന്ത്രാലയം സെക്രട്ടറി വൈദ്യ രാജേഷ് കോട്ടേച്ച, ഇന്ത്യന്‍ കോണ്‍സുലാര്‍ ജനറല്‍ വിപുല്‍ തുടങ്ങിയവരും വാര്‍ത്താസമ്മേളനത്തില്‍ പങ്കെടുത്തു.