ജുവൈസ  ഷാർജ ഇന്ത്യൻ സ്​കൂളിൽ 19 മുതൽ അധ്യയനം തുടങ്ങും

ദുബൈ: ഇന്ത്യൻ അസോസിയേഷൻ ഷാർജ ജുവൈസയിൽ പണിപൂർത്തിയാക്കിയ ഷാർജ ഇന്ത്യൻ സ്​കൂളിൽ ഇൗ മാസം 19 മുതൽ അധ്യയനം ആരംഭിക്കും. 
കഴിഞ്ഞ വർഷം മുഖ്യമന്ത്രി പിണറായി വിജയൻ ഒൗദ്യോഗിക ഉദ്​ഘാടനം നിർവഹിച്ച സ്​കൂളിന്​ എല്ലാ മന്ത്രാലയങ്ങളുടെയും അനുമതിയും ലഭിച്ചതായി അസോസിയേഷൻ പ്രസിഡൻറ്​ അഡ്വ. വൈ.എ. റഹീം, ജന.സെക്രട്ടറി ബിജു സോമൻ എന്നിവർ വാർത്താ സമ്മേളനത്തിൽ അറിയിച്ചു. ഗുബൈബ കാമ്പസി​ൽ ഇപ്പോൾ പ്രവർത്തിക്കുന്ന ആൺകുട്ടികളുടെ വിഭാഗം പൂർണമായി പുതിയ കെട്ടിടത്തിലേക്ക്​ മാറും. ഒന്നു മുതൽ12വരെ ക്ലാസുകളിലായി 5600 കുട്ടികൾക്കാണ്​ ഇവിടെ പ്രവേശനം ലഭിക്കുക.  

ഷാർജ ഭരണാധികാരി ശൈഖ്​ ഡോ. സുൽത്താൻ ബിൻ മുഹമ്മദ്​ അൽ ഖാസിമി സമ്മാനമായി നൽകിയ ഭൂമിയിൽ 10 ലക്ഷം ചതുരശ്ര അടി സ്​ലത്ത്​  5.70 കോടി ദിർഹം ചെലവിട്ടാണ്​ പുതിയ സ്​കൂൾ കെട്ടിടം ഉയർത്തിയത്​. 160 ക്ലാസ്​ മുറികൾ, 19 ലാംഗ്വേജ്​ റൂമുകൾ, 7 സയൻസ്​ ലാബുകൾ, 7 കമ്പ്യൂട്ടർ ലാബുകൾ, 16 ആക്​ടിവിറ്റി റൂമുകൾ, 11 സ്​റ്റാഫ്​ റൂമുകൾ, 4 ക്ലിനിക്കുകൾ, 2 ലൈബ്രറികൾ,   മൾട്ടി പർപസ്​ ഒാ​ഡിറ്റോറിയം തുടങ്ങി വിശാലമായ സൗകര്യമാണ്​ സ്​കൂളിലുള്ളത്​.  ജുവൈസ സ്​കൂൾ പ്രവർത്തനം തുടങ്ങുന്നതോടെ നിലവി​െല സ്​കൂളിൽ കൂടുതൽ പെൺകുട്ടികൾക്ക്​ ​ പ്രവേശനം നൽകാനാവും. ആൺകുട്ടികളുടെ സ്​കൂളിൽ​ പ്രവേശനം തുടരുകയാണ്​. 19 ന്​ ജുവൈസ സ്​കൂളിൽ ആക്​ടിവിറ്റി ഡേ ആചരിക്കും. ദുബൈ ഇന്ത്യൻ കോൺസുൽ ജനറൽ വിപുൽ ഉദ്​ഘാടനം ചെയ്യും. പ്രത്യേക പരിചരണം ആവശ്യമുള്ള കുഞ്ഞുങ്ങൾക്കായി ക്രിക്കറ്റ്​ സ്​റ്റേഡിയത്തിനു സമീപം പണി കഴിപ്പിച്ച സ്​കൂളിൽ ഏപ്രിൽ മാസം മുതൽ അധ്യയനം ആരംഭിക്കുമെന്നും ഭാരവാഹികൾ വ്യക്​തമാക്കി.ട്രഷറർ നാരായണൻ നായർ, മാത്യു ജോൺ, എസ്​.എം. ജാബിർ എന്നിവരും വാർത്താ സമ്മേളനത്തിൽ സംബന്ധിച്ചു.