ദേശീയ ദിനാഘോഷം; ഇന്ത്യന്‍ ഇസ്ലാഹി സെന്‍റര്‍ ഖിസൈസ് ജേതാക്കള്‍
text_fields
യു.എ.ഇ ഇന്ത്യന്‍ ഇസ്ലാഹി സെന്‍റര്‍ സംഘടിപ്പിച്ച യു.എ.ഇയുടെ 51ാം ദേശീയ ദിനാഘോഷ പരിപാടി എ.പി. അബ്ദുസ്സമദ്
ഉദ്ഘാടനം ചെയ്യുന്നു
അജ്മാന്‍: യു.എ.ഇ ദേശീയദിനം വൈവിധ്യമാര്‍ന്ന പരിപാടികളോടെ യു.എ.ഇ ഇന്ത്യന്‍ ഇസ്ലാഹി സെന്‍റര്‍ ഇന്ത്യന്‍ ഇന്‍റര്‍നാഷനല്‍ സ്‌കൂള്‍ അജ്മാനില്‍ ആഘോഷിച്ചു. എ.പി. അബ്ദുസ്സമദ് ഉദ്ഘാടനം ചെയ്തു. ഇന്ത്യന്‍ ഇസ്ലാഹി സെന്‍റര്‍ ജനറല്‍ സെക്രട്ടറി പി.എ. ഹുസൈന്‍ ഫുജൈറ പതാക ഉയര്‍ത്തി. യു.എ.ഇയിലെ വ്യത്യസ്ത എമിറേറ്റ്സിലുള്ള പ്രവര്‍ത്തകരെയും ഇന്ത്യന്‍ ഇസ്ലാഹി സെന്‍ററിന്‍റെയും അല്‍മനാര്‍ സെന്‍ററിന്‍റെയും കീഴിലുള്ള വിവിധ മദ്റസ വിദ്യാർഥികളെയും ഉള്‍പ്പെടുത്തിയാണ് ദേശീയദിന പരിപാടികള്‍ സംഘടിപ്പിച്ചത്. കിഡ്‌സ്, ചില്‍ഡ്രന്‍സ്, സബ്ജൂനിയര്‍, ജൂനിയര്‍, സീനിയര്‍, യൂത്ത്, മെംബര്‍മാര്‍ എന്നീ വിഭാഗങ്ങളിയി നടന്ന മത്സരത്തില്‍ 650ഓളം മത്സരാർഥികള്‍ പങ്കെടുത്തു. ഖിസൈസ് ഇന്ത്യന്‍ ഇസ്ലാഹി സെന്‍റര്‍ ഓവറോള്‍ ചമ്പ്യന്മാരായി.
ബറാഹ അല്‍മനാര്‍ സെന്‍റര്‍ രണ്ടാം സ്ഥാനവും അജ്മാന്‍ ഇസ്ലാഹി സെന്‍റര്‍ മൂന്നാം സ്ഥാനവും കരസ്ഥമാക്കി. റിസ ഫാത്തിമ, അയിരിന്‍ യഹ്യ, അയിലിന്‍ ശാക്കിബ്, മുഅദ്ദബ്, മുഹമ്മദ് മുസ്തഫ, ഫൈസല്‍ സിറാജ്, ഹന ശിഹാബ്, ആദില്‍ അബ്ദുൽ ഖാദിര്‍, ഹബീബ്, ആയിഷ എന്നിവര്‍ വ്യക്തിഗത ചാമ്പ്യന്മാരായി. എം.എം. അക്ബര്‍, ഹുസൈന്‍ കക്കാട്, എ.ടി.പി. കുഞ്ഞുമുഹമ്മദ്, കോയകുട്ടി നൗഷാദ് എന്നിവര്‍ വിജയികള്‍ക്ക് ട്രോഫികള് വിതരണം ചെയ്തു. അബ്ദുൽ വാഹദ് മയ്യേരി, അലി അക്ബര്‍ ഫാറൂഖി, റഫീഖ് എറവറാംകുന്ന്, അബ്ദുൽ വാഹിദ് തിക്കോടി, റിനാസ് ചെട്ടിയങ്കണ്ടി, സക്കരിയ കല്ലങ്കൈ, ശിഹാബ് ഉസ്മാന്‍, പി.പി. റിനാസ് ഷാഫി, മുജീബ് എക്‌സല്‍, കെ.എ. ജലീല്‍, പി.പി. ഖാലിദ്, ഫാറൂഖ് ഹുസൈന്‍, ഇബ്രാഹിം കുട്ടി, ഫിറോസ്, റഷീദ് അജ്മാന്‍, ഫാത്തിമ ജലീല്‍, സലീന ഹബീബ്, റിഫാഅത്ത്, ജംഷി ഷാര്‍ജ, ആശ സഫീന എന്നിവര്‍ നേതൃത്വം നല്‍കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
