മതവിദ്വേഷം വളർത്തുന്ന എഫ്​.ബി പോസ്​റ്റ്​; ഇന്ത്യൻ പ്രവാസിക്ക് ജോലി പോയി

ദുബൈ: മതവിദ്വേഷം വളർത്തുന്നതും മതത്തെ അവഹേളിക്കുന്നതുമായ തരത്തിൽ സമൂഹമാധ്യമത്തിൽ പോസ്​റ്റിട്ട ഇന്ത്യൻ പ്ര വാസിക്ക് ജോലി നഷ്​ടമായി. കർണാടക സ്വദേശി രാകേഷ് ബി. കിത്തുർമഥിനാണ് ജോലി നഷ്​ടമായത്. ദുബൈ ആസ്ഥാനമായി പ്രവർത്തിക് കുന്ന ഇൻറഗ്രേറ്റഡ് ഫെസിലിറ്റി മാനേജ്‌മ​​െൻറിലെ (എഫ്.എം) എമ്രിൽ സർവീസസിൽ ടീം ലീഡറായി പ്രവർത്തിക്കുന്ന രാകേഷിന െ പിരിച്ചുവിട്ട് ഇദ്ദേഹത്തെ ദുബൈ പൊലീസിന് കൈമാറുമെന്ന് എമ്രിൽ സർവീസസ് സി.ഇ.ഒ സ്​റ്റുവർട്ട് ഹാരിസൺ പറഞ്ഞു.

കൊറോണ വൈറസ് സംബന്ധിച്ച് ഒരു ഫേസ്ബുക്ക് പോസ്​റ്റിന് പ്രതികരണമായാണ്​ രാകേഷ് ബി. കിത്തുർമഥ് ഇസ്​ലാം മതവിശ്വാസികളെ പരിഹസിച്ചത്. ഇതി​​െൻറ സ്ക്രീൻഷോട്ട് സമൂഹ മാധ്യമങ്ങളിൽ വൈറലാവുകയും ചെയ്​തു. പരാതി ശ്രദ്ധയിൽപ്പെട്ടയു​ടനെ കിത്തുർമഥിനെതിരെ സ്​ഥാപനം നടപടി സ്വീകരിക്കുകയായിരുന്നു.

‘കിത്തുർമഥി​​​െൻറ സേവനം ഉടനടി അവസാനിപ്പിക്കാനാണ്​ തീരുമാനം. കിത്തുർമഥ്​ യു.എ.ഇയിൽ തന്നെയുണ്ടെങ്കിൽ അയാളെ കണ്ടെത്തി ദുബൈ പൊലീസിന്​ കൈമാറും. ഇത്തരം വിദ്വേഷ പ്രചാരണങ്ങൾ ഒട്ടും അനുവദിക്കാനാവി​െല്ലന്ന നിലപാടാണ്​ സ്​ഥാപനത്തിനുള്ളത്​. ദേശീയത, മതം എന്നിവക്കപ്പുറത്ത്​ എല്ലാവരെയും ഉൾക്കൊള്ളുന്ന ഒരു സംസ്​കാരം കെട്ടിപ്പടുക്കാനും വൈവിധ്യങ്ങളെ ചേർത്തുനിർത്താനുമുള്ള താൽപര്യങ്ങളെ സ്വാഗതം ചെയ്യുകയും ആ​േഘാഷിക്കുകയും ചെയ്യുന്ന സ്​ഥാപനമാണ്​ ഞങ്ങളുടേത്​. സ്​ഥാപനത്തിന്​ അകത്തും പുറത്തും ഞങ്ങളുടെ മൂല്യങ്ങളോടുള്ള ബഹുമാനം ഉറപ്പുവരുത്തുന്ന രീതിയിൽ കർശനമായ സോഷ്യൽ മീഡിയ പോളിസി ജീവനക്കാർക്ക്​ നിഷ്​കർഷിച്ചിട്ടുണ്ട്​.’ -സ്​റ്റുവർട്ട്​ ഹാരിസൺ പറഞ്ഞു.

മുസ്​ലിംകൾ സംഘടിതമായി രോഗം പടർത്തുന്നുവെന്ന്​ ഗ്രാഫിക് ചിത്രം സഹിതം ഫെയ്സ്ബുക്കിൽ പോസ്​റ്റിട്ട ഇന്ത്യൻ മാനേജർക്ക് കഴിഞ്ഞ ദിവസം അബുദാബിയിൽ ജോലി നഷ്​ടമായിരുന്നു. അബൂദബിയിലെ സ്വകാര്യ കമ്പനിയിൽ ഫിനാൻഷ്യൽ മാനേജരായ മിതേഷ് ഉദേഷി എന്നയാൾക്കാണ് യു.എ.ഇയിൽ ജോലി നഷ്​ടമായത്.