Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightവാക്​സിനെടുത്തവർക്ക്​...

വാക്​സിനെടുത്തവർക്ക്​ ആഗസ്റ്റ്​ അഞ്ച്​ മുതൽ യു.എ.ഇയിൽ തിരിച്ചെത്താം

text_fields
bookmark_border
വാക്​സിനെടുത്തവർക്ക്​ ആഗസ്റ്റ്​ അഞ്ച്​ മുതൽ യു.എ.ഇയിൽ തിരിച്ചെത്താം
cancel

ദുബൈ: യു.എ.ഇയില്‍നിന്ന്‌ വാക്​സിനെടുത്ത താമസ വിസക്കാർക്ക്​ യു.എ.ഇയിൽ മടങ്ങിയെത്താം. യു.എ.ഇയിൽ നിന്ന്​ രണ്ട്​ ഡോസ്​ വാക്​സിൻ സ്വീകരിച്ചവർക്കാണ്​ അനുമതി. ഇതിനായി ആഗസ്​റ്റ്​ അഞ്ച്​ മുതൽ യു.എ.ഇ ഫെഡറൽ ​അതോറിറ്റിയു​െട (ഐ.സി.എ) വെബ്​സൈറ്റ്​ വഴി അപേക്ഷ നൽകാം.

ഐ.സി.എ അനുമതി ലഭിക്കുന്നവർക്കായിരിക്കും യാത്ര ചെയ്യാൻ കഴിയുകയെന്ന്​ യു.എ.ഇ ദുരന്ത നിവാരണ സമിതി അറിയിച്ചു. രണ്ടാമത്തെ ഡോസ്​ എടുത്ത്​ രണ്ടാഴ്ച പൂർത്തീകരിച്ചിരിക്കണം.

അതേസമയം, ചില വിഭാഗത്തിൽപെട്ടവർക്ക്​ വാക്​സിനെടുത്തില്ലെങ്കിലും യാത്ര ചെയ്യാൻ അനുമതി നൽകിയിട്ടുണ്ട്​. ആരോഗ്യ മേഖലയിൽ പ്രവർത്തിക്കുന്ന ഡോക്​ടർമാർ, നഴ്​സുമാർ, ടെക്​നീഷ്യൻ, വിദ്യാഭ്യാസ മേഖലയിൽ പ്രവർത്തിക്കുന്നവർ (സ്​കൂൾ, കോളജ്​, യൂനിവേഴ്​സിറ്റി) എന്നിവർക്കാണ്​ ഇളവ്​ നൽകിയിരിക്കുന്നത്​.

വിദ്യാർഥികൾ, മാനുഷിക പരിഗണന അർഹിക്കുന്ന കേസുകൾ, സർക്കാർ ജീവനക്കാർ, ചികിത്സ അത്യാവശ്യമുള്ളവർ എന്നിവർക്കും ഇളവുണ്ട്​. ഇന്ത്യക്ക്​ പുറമെ പാകിസ്ഥാന്‍, ശ്രീലങ്ക, നേപ്പാള്‍, നൈജീരിയ, ഉഗാണ്ട എന്നീ രാജ്യങ്ങളില്‍ നിന്നുളളവർക്കാണ്​ അനുമതി.

Show Full Article
TAGS:india-uae covid uae 
Next Story