ഇന്ത്യ-യു.എ.ഇ പങ്കാളിത്ത ഉച്ചകോടി; പരസ്പര സംരംഭകത്വത്തിന്‍റെ സുവർണകാലം -പീയൂഷ്​ ഗോയൽ

ദു​ബൈ: ഇ​ന്ത്യ-​യു.​എ.​ഇ സം​രം​ഭ​ക​ത്വ​ത്തി​ന്‍റെ സു​വ​ർ​ണ​കാ​ല​മാ​ണി​തെ​ന്ന്​ ഇ​ന്ത്യ​ൻ വ്യ​വ​സാ​യ, വാ​ണി​ജ്യ വ​കു​പ്പ്​ മ​ന്ത്രി പീ​യൂ​ഷ്​ ഗോ​യ​ൽ. സ​മ​ഗ്ര സാ​മ്പ​ത്തി​ക സ​ഹ​ക​ര​ണ പ​ങ്കാ​ളി​ത്ത ക​രാ​ർ (സെ​പ) ഒ​പ്പു​വെ​ച്ച​ത്​ പ്ര​തീ​ക്ഷി​ച്ച​തി​നേ​ക്കാ​ൾ മി​ക​ച്ച ഫ​ല​മു​ണ്ടാ​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ദു​ബൈ ചേം​ബ​ർ ദു​ബൈ​യി​ൽ സം​ഘ​ടി​പ്പി​ക്കു​ന്ന ഇ​ന്ത്യ-​യു.​എ.​ഇ പ​ങ്കാ​ളി​ത്ത ഉ​ച്ച​കോ​ടി​യി​ൽ ഓ​ൺ​ലൈ​നാ​യി സം​സാ​രി​ക്കു​ക​യാ​യി​രു​ന്നു മ​ന്ത്രി. ഉ​ച്ച​കോ​ടി ഇ​ന്ന്​ സ​മാ​പി​ക്കും.

ഭ​ക്ഷ്യ​സു​ര​ക്ഷ​ക്ക്​ സെ​പ ക​രാ​ർ ഉ​പ​ക​രി​ക്കും. ഇ​രു രാ​ജ്യ​ങ്ങ​ളും മു​ൻ​ഗ​ണ​ന ന​ൽ​കു​ന്ന മേ​ഖ​ല​യാ​ണ്​ ഭ​ക്ഷ്യ​സു​ര​ക്ഷ. സെ​പ യാ​ഥാ​ർ​ഥ്യ​മാ​​യ​തോ​ടെ ഇ​ന്ത്യ​യി​ൽ നി​ന്ന്​ യു.​എ.​ഇ​യി​ലേ​ക്കു​ള്ള കാ​ർ​ഷി​ക ഉ​ൽ​പ​ന്ന​ങ്ങ​ളു​ടെ ക​യ​റ്റു​മ​തി​ക്ക്​ ഉ​ത്തേ​ജ​ന​മു​ണ്ടാ​യി. ഇ​ത് ഭ​ക്ഷ്യ​മേ​ഖ​ല​യി​ലെ​ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നും ഊ​ർ​ജം പ​ക​ർ​ന്നു. സെ​പ ക​രാ​ർ ഗു​ണം ചെ​യ്യു​ന്ന ര​ണ്ടാ​മ​ത്തെ മേ​ഖ​ല ആ​ഭ​ര​ണ മേ​ഖ​ല​യാ​ണ്. ഈ ​മേ​ഖ​ല​ക്ക്​ കൂ​ടു​ത​ൽ പ്രോ​ത്സാ​ഹ​നം ന​ൽ​കു​ന്ന​തി​ന്​ ജെം ​ആ​ൻ​ഡ് ജ്വ​ല്ല​റി എ​ക്‌​സ്‌​പോ​ർ​ട്ട് പ്ര​മോ​ഷ​ൻ കൗ​ൺ​സി​ൽ ദു​ബൈ​യി​ൽ ഇ​ന്ത്യ​ൻ ജ്വ​ല്ല​റി എ​ക്‌​സ്‌​പോ​സി​ഷ​ൻ സെ​ന്‍റ​ർ സ്ഥാ​പി​ച്ചി​ട്ടു​ണ്ട്. സ്വ​ർ​ണ​ത്തി​ന്‍റെ​യും വ​ജ്ര​ത്തി​ന്‍റെ​യും ആ​ഗോ​ള വ്യാ​പാ​ര കേ​ന്ദ്ര​മെ​ന്ന ഇ​ന്ത്യ​യു​ടെ സ്ഥാ​നം ഉ​റ​പ്പി​ക്കാ​ൻ ഈ ​നീ​ക്കം സ​ഹാ​യി​ക്കും. ഹ​രി​തോ​ർ​ജം, വെ​ർ​ച്വ​ൽ വ്യാ​പാ​ര ഇ​ട​നാ​ഴി, മാ​ലി​ന്യ​സം​സ്ക​ര​ണം തു​ട​ങ്ങി​യ മേ​ഖ​ല​ക​ളി​ലും ഇ​രു രാ​ജ്യ​ങ്ങ​ളും ത​മ്മി​ൽ സ​ഹ​ക​രി​ക്കു​ന്നു.

ഇ​ന്ത്യ​യെ സം​ബ​ന്ധി​ച്ചി​ട​ത്തോ​ളം യു.​എ.​ഇ പ്ര​ധാ​ന പ​ങ്കാ​ളി​യാ​ണ്. മി​ഡി​ൽ ഈ​സ്റ്റി​ലേ​ക്കും ആ​ഫ്രി​ക്ക, യൂ​റോ​പ്പ് തു​ട​ങ്ങി​യ പ്ര​ദേ​ശ​ങ്ങ​ളി​ലേ​ക്കും ത​ന്ത്ര​പ്ര​ധാ​ന​മാ​യ ക​വാ​ട​മാ​ണി​ത്. ബം​ഗ​ളൂ​രു, മും​ബൈ, ന്യൂ​ഡ​ൽ​ഹി, അ​ബൂ​ദ​ബി, ദു​ബൈ തു​ട​ങ്ങി​യ ബി​സി​ന​സ് ഹ​ബു​ക​ളി​ൽ നി​ന്നും സം​രം​ഭ​ക​ത്വ​ത്തി​ന്‍റെ സു​വ​ർ​ണ കാ​ല​ഘ​ട്ട​മാ​ണ്​ ഉ​യ​ർ​ന്നു​വ​രു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സെ​പ ക​രാ​ർ ഇ​ന്ത്യ​ൻ ക​മ്പ​നി​ക​ളു​ടെ വ്യാ​പാ​ര മേ​ഖ​ല വ്യാ​പി​പ്പി​ക്കു​മെ​ന്ന്​ ദു​ബൈ ചേം​ബ​ർ പ്ര​സി​ഡ​ന്‍റും സി.​ഇ.​ഒ​യു​മാ​യ മു​ഹ​മ്മ​ദ്​ ലൂ​ത്ത പ​റ​ഞ്ഞു. ഇ​ന്ത്യ​ൻ ക​മ്പ​നി​ക​ൾ​ക്ക്​ യു.​എ.​ഇ​യി​ലേ​ക്ക്​ വ​രാ​നു​ള്ള അ​വ​സ​രം ക​രാ​ർ ഒ​രു​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.