ദുബൈ ഇന്ത്യയെ ചേർത്തു പിടിക്കുന്നു; ഹൃദയത്തോട്​ 

ദു​ൈ​ബ: ഇന്ത്യയും യു.എ.ഇയും തമ്മിലെ ഹൃദയബന്ധത്തിന്​ നൂറ്റാണ്ടുകളുടെ പഴക്കമുണ്ട്​. യു.എ.ഇയിൽ നിന്നുള്ള കുഞ്ഞുങ്ങൾക്ക്​ ഇന്ത്യൻ ആശുപത്രികളിൽ ഹൃദയം മാറ്റിവെക്കൽ ശസ്​ത്രക്രിയയും നടത്തിയിട്ടുണ്ട്​. ഇപ്പോഴിതാ നൂറിലേറെ ഇന്ത്യൻ കുട്ടികൾക്ക്​ സൗജന്യ ഹൃദയ ശസ്​ത്രക്രിയ നൽകാൻ ദുബൈ ആരോഗ്യ അതോറിറ്റി സംഘം മുംബൈയിലേക്ക്​ പുറപ്പെടുന്നു. മുഹമ്മദ്​ ബിൻ റാശിദ്​ ആൽ മക്​തൂം ഗ്ലോബൽ ഇനിഷ്യേറ്റിവി​​​​െൻറ മേൽനോട്ടത്തിൽ നടത്തുന്ന നബാദത്ത്​ (ഹൃദയമിടിപ്പ്​) പദ്ധതിയിലാണ്​ നിർധന കുഞ്ഞുങ്ങളുടെ ചികിത്സയും ശസ്​ത്രക്രിയയും സാധ്യമാക്കുന്നത്​. ​

ഹൃദയ ശസ്​ത്രക്രിയാ വിദഗ്​ധർ, അനസ്​ത്യേഷ്യ വിദഗ്​ധർ, നഴ്​സ്​മാർ, സാ​േങ്കതിക വിദഗ്​ധർ എന്നിവരുൾപ്പെടുന്നതാണ്​ സംഘം. നവജാത ശിശുക്കൾ മുതൽ 14 വയസുകാർ വരെ ചികിത്സ ലഭിക്കുന്നവരിലുണ്ട്​. ഫോർടിസ്​, എസ്​.എൽ. റഹേജ എന്നിവിടങ്ങളിലാണ്​ ശസ്​ത്രക്രിയ നടത്തുന്നത്​. ഇതിനു പുറമെ നിരവധി കുട്ടികൾക്ക്​ ഹൃദയാരോഗ്യ പരിശോധനയും നടത്തും. നാളെയുടെ പൗരൻമാരായ കുഞ്ഞുങ്ങൾക്ക്​ ആരോഗ്യകരമായ ജീവിതം ഉറപ്പാക്കുകയാണ്​ നബാദത്​ വഴി ലക്ഷ്യമിടുന്നതെന്ന്​ ഡി.എച്ച്​.എ ഡയറക്​ടർ ജനറൽ ഹുമൈദ്​ അൽ ഖതാമി വ്യക്​തമാക്കി.

ചികിത്സയുടെയും ഡോക്​ടർമാരുടെ യാത്രയുടെയും ചിലവും സാ​േങ്കതിക പിന്തുണയും ഇനീഷ്യേറ്റിവ്​ ആണ്​ വഹിക്കുന്നതെന്ന്​ ഡെ. ചെയർമാൻ ഇബ്രാഹിം ബു മിൽഹ അറിയിച്ചു.  ചികിത്സയിലുള്ള കുഞ്ഞുങ്ങളെ മുംബൈയിലെ യു.എ.ഇ കോൺസുൽ ജനറൽ സാലിഹ്​ അൽ തുനൈജി സന്ദർശിച്ചു.