പരസ്​പര സഹകരണം ശക്​തമാക്കി ഇന്ത്യ-യു.എ.ഇ നയതന്ത്ര സംഭാഷണം

അബൂദബി: അബൂദബിയിൽ നടന്ന രണ്ടാമത്​ ഇന്ത്യ-യു.എ.ഇ നയതന്ത്ര സംഭാഷണത്തിൽ ഇന്ത്യൻ വിദേശകാര്യ സഹമന്ത്രി എം.ജെ. അക്​ബറി​​െൻറ നേതൃത്വത്തിലുള്ള ഉന്നതതല സംഘം പ​െങ്കടുത്തു. എം.ജെ. അക്​ബറിനെ യു.എ.ഇ വിദേശകാര്യ സഹമന്ത്രി ഡോ. അൻവർ ബിൻ മുഹമ്മദ് ഗർഗാശ് സ്വീകരിച്ചു. 
പ്രതിരോധം, നിക്ഷേപം, സുരക്ഷ, കോൺസുലർകാര്യം, ഭീകരത, ഉൗർജം, സാ​േങ്കതികവിദ്യ സഹകരണം തുടങ്ങിയ വിഷയങ്ങളെ കുറിച്ച്​ ഇരു വിഭാഗവും ചർച്ച നടത്തി. ഇന്ത്യയും യു.എ.ഇയും തമ്മിലുള്ള ഉഭയകക്ഷി ബന്ധത്തിലെ പുരോഗതിയിൽ സംതൃപ്​തി രേഖപ്പെടുത്തി.

 പ്രതിരോധ സഹമന്ത്രി മുഹമ്മദ് ബിൻ അഹ്മദ് അൽ ബുവാരിദിയുമായും എം.ജെ. അക്​ബർ കൂടിക്കാഴ്​ച നടത്തി. യു.എ.ഇയുമായുള്ള വളരുന്ന ബന്ധത്തിൽ നയതന്ത്ര സംഭാഷണം വളരെ പ്രധാനമാണെന്ന്​ എം.ജെ. അക്​ബർ പറഞ്ഞു. സമഗ്രമായ സംഭാഷണങ്ങളിലെ കാര്യങ്ങൾ വിലയിരുത്താൻ ചർച്ചയിലൂടെ സാധിച്ചുവെന്നും അദ്ദേഹം കൂട്ടിച്ചേർത്തു. യു.എ.ഇയുടെ പുരോഗതിക്കും സമൃദ്ധിക്കുമുള്ള ഇന്ത്യൻ സമൂഹത്തി​​െൻറ സംഭാവനകളെ പ്രകീർത്തിക്കുന്നതായി ഡോ. അൻവർ ബിൻ മുഹമ്മദ് ഗർഗാശ് പറഞ്ഞു. മൂന്നാമത്​ നയതന്ത്ര സംഭാഷണം സൗകര്യപ്രദമായ തീയതിയിൽ ന്യൂഡൽഹിയിൽ സംഘടിപ്പിക്കാനും തീരുമാനമായി.