ഇന്ത്യ-യു.എ.ഇ കരാർ; വ്യാപാരവും നിക്ഷേപവും വർധിക്കും

ദു​ബൈ: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ യു.​എ.​ഇ സ​ന്ദ​ർ​ശ​ന​ത്തി​ൽ ഒ​പ്പു​വെ​ച്ച ക​രാ​റു​ക​ൾ ഇ​രു രാ​ജ്യ​ങ്ങ​ളു​ടെ​യും വ്യാ​പാ​ര ബ​ന്ധ​ത്തി​ൽ ഗു​ണ​ക​ര​മാ​യ മാ​റ്റ​ങ്ങ​ൾ​ക്ക്​ തു​ട​ക്ക​മാ​കും. രൂ​പ​യി​ലും ദി​ർ​ഹ​മി​ലും വ്യാ​പാ​രം ന​ട​ത്തു​ന്ന​തി​നു​ള്ള ധാ​ര​ണ വ്യാ​പാ​രി​ക​ൾ​ക്ക്​ വ​ലി​യ രീ​തി​യി​ൽ സ​ഹാ​യ​ക​മാ​കു​ന്ന​താ​ണെ​ന്ന്​ ബി​സി​ന​സ്​ രം​ഗ​ത്തെ വി​ദ​ഗ്​​ധ​ർ അ​ഭി​പ്രാ​യ​പ്പെ​ടു​ന്നു. ഇ​രു രാ​ജ്യ​ങ്ങ​ളി​ലെ​യും ക​യ​റ്റു​മ​തി​ക്കാ​ർ​ക്കും ഇ​റ​ക്കു​മ​തി​ക്കാ​ർ​ക്കും അ​തി​വേ​ഗ​ത്തി​ൽ പേ​യ്​​മെൻറ്​ പൂ​ർ​ത്തി​യാ​ക്കാ​ൻ സ​ഹാ​യ​ക​ര​മാ​ണി​ത്.

മാ​ത്ര​മ​ല്ല, രാ​ജ്യാ​ന്ത​ര ത​ല​ത്തി​ൽ പ​ണ​മി​ട​പാ​ട്​ ന​ട​ത്തു​മ്പോ​ൾ വി​നി​മ​യ നി​ര​ക്കി​ലു​ണ്ടാ​കു​ന്ന മാ​റ്റ​ങ്ങ​​ൾ കാ​ര​ണ​മാ​യി സം​ഭ​വി​ക്കു​ന്ന ന​ഷ്ട​ങ്ങ​ൾ​ക്ക്​ പ്ര​തി​രോ​ധ ക​വ​ചം തീ​ർ​ക്കാ​നും പു​തി​യ സം​വി​ധാ​ന​ത്തി​ന്​ സാ​ധ്യ​മാ​കും. ഇ​രു രാ​ജ്യ​ങ്ങ​ളി​ലും നി​ക്ഷേ​പ​വും പ​ണ​മ​യ​ക്ക​ലും വ​ർ​ധി​ക്കാ​നു​മി​ത്​ വ​ഴി​യൊ​രു​ക്കും. രൂ​പ​യും ദി​ർ​ഹ​മും വ്യാ​പാ​ര​ത്തി​ന്​ ഉ​പ​യോ​ഗ​​പ്പെ​ടു​ത്തു​ന്ന​ത്​ പ​ണ​മി​ട​പാ​ടു​ക​ളു​ടെ ചെ​ല​വും സ​മ​യ​വും കു​റ​ക്കു​മെ​ന്നും വി​ല​യി​രു​ത്ത​പ്പെ​ടു​ന്നു.

റ​ഷ്യ-​യു​െ​ക്ര​യ്​​ൻ യു​ദ്ധ​ത്തി​ന്‍റെ പ​ശ്ചാ​ത്ത​ല​ത്തി​ൽ ഡോ​ള​റി​ൽ അ​ല്ലാ​തെ വ്യാ​പാ​രം ന​ട​ത്തു​ന്ന​തി​ന്​ ലോ​ക​ത്തെ വി​വി​ധ രാ​ജ്യ​ങ്ങ​ൾ ആ​രം​ഭി​ച്ച ശ്ര​മ​ങ്ങ​ളു​ടെ ഭാ​ഗ​മാ​യാ​ണ്​ ക​രാ​ർ രൂ​പ​പ്പെ​ട്ട​ത്. ഇ​ന്ത്യ​ക്ക്​ ​ക്രൂ​ഡ്​ ഓ​യി​ൽ ന​ൽ​കു​ന്ന നാ​ലാ​മ​ത്തെ വ​ലി​യ രാ​ജ്യ​മാ​ണ്​ യു.​എ.​ഇ. അ​തോ​ടൊ​പ്പം, എ​ൽ.​പി.​ജി, എ​ൽ.​എ​ൻ.​ജി എ​ന്നി​വ ന​ൽ​കു​ന്ന ര​ണ്ടാ​മ​ത്തെ വ​ലി​യ രാ​ജ്യ​വു​മാ​ണ്. ഈ ​സാ​ഹ​ച​ര്യ​ത്തി​ൽ ക​രാ​ർ ഇ​ന്ത്യ​ക്ക്​ വ​ലി​യ സ​ഹാ​യ​ക​മാ​കു​ന്ന​താ​ണ്. ക​രാ​ർ ഒ​പ്പു​വെ​ച്ച്​ വൈ​കാ​തെ ത​ന്നെ രൂ​പ​യി​ലെ ആ​ദ്യ വ്യാ​പാ​ര​വും ന​ട​ന്നി​ട്ടു​ണ്ട്. 25 കി.​ഗ്രാം സ്വ​ർ​ണം വാ​ങ്ങു​ന്ന​തി​ന്​ മും​ബൈ​യി​ലെ യെ​സ്​ ബാ​ങ്കാ​ണ്​ 128.4 ദ​ശ​ല​ക്ഷം രൂ​പ​യു​ടെ ധാ​ര​ണ​യാ​യ​ത്. ഇ​ക്കാ​ര്യം യു.​എ.​ഇ​യി​ലെ ഇ​ന്ത്യ​ൻ എം​ബ​സി​യാ​ണ്​ ട്വി​റ്റ​റി​ൽ അ​റി​യി​ച്ച​ത്.

ഇ​ന്ത്യ​യു​ടെ ഡി​ജി​​റ്റ​ൽ പേ​മെ​ന്‍റ്​ സം​വി​ധാ​ന​മാ​യ യു.​പി.​ഐ​യും (യൂ​നി​ഫൈ​ഡ്​ പേ​​മെ​ന്‍റ്​ ഇ​ൻ​റ​ർ​ഫേ​സ്) യു.​എ.​ഇ​യു​ടെ ഐ.​പി.​പി​യും (ഇ​ൻ​സ്റ്റ​ന്‍റ്​ പേ​​മെ​ന്‍റ്​ പ്ലാ​റ്റ്​​ഫോം) ബ​ന്ധി​ക്കു​ന്ന​തി​നു​ള്ള ധാ​ര​ണ​പ​ത്ര​വും പ്ര​വാ​സി​ക​ൾ​ക്ക്​ ഗു​ണം​ചെ​യ്യു​ന്ന​താ​ണ്. ക​രാ​ർ അ​ന്താ​രാ​ഷ്ട്ര ഡെ​ബി​റ്റ് കാ​ർ​ഡു​ക​ൾ​ക്ക് സ​മാ​ന​മാ​യി യു.​പി.​ഐ പ​ണ​മി​ട​പാ​ട്​ സം​വി​ധാ​നം യു.​എ.​ഇ​യി​ലും ഉ​പ​യോ​ഗി​ക്കാ​നു​ള്ള സാ​ധ്യ​ത​യാ​ണ്​ തു​റ​ന്നി​രി​ക്കു​ന്ന​ത്. നാ​ട്ടി​ലെ ബാ​ങ്കു​ക​ളു​ടെ കാ​ർ​ഡു​ക​ൾ യു.​എ.​ഇ​യി​ലും ഇ​വി​ട​ത്തെ ബാ​ങ്കു​ക​ളു​ടെ കാ​ർ​ഡു​ക​ൾ നാ​ട്ടി​ലും ഉ​പ​യോ​ഗി​ക്കാ​നും സാ​ധ്യ​മാ​കു​മെ​ന്ന്​ വി​ല​യി​രു​ത്ത​പ്പെ​ടു​ന്നു.

ബാ​ങ്ക്​ മെ​സേ​ജി​ങ്​ സം​വി​ധാ​നം ബ​ന്ധി​പ്പി​ക്കു​ന്ന​തി​ലൂ​ടെ നാ​ട്ടി​ലെ അ​ക്കൗ​ണ്ട്​ ഉ​പ​യോ​ഗി​ച്ചു​ള്ള ഓ​ൺ​ലൈ​ൻ ഇ​ട​പാ​ടു​ക​ൾ​ക്ക്​ യു.​എ.​ഇ​യി​ലും സാ​ധി​ക്കും. ഒ.​ടി.​പി വ​രു​ന്ന​തി​നും ഗൂ​ഗ്​​ൾ പേ ​ഉ​പ​യോ​ഗി​ക്കു​ന്ന​തി​നും അ​ട​ക്ക​മു​ള്ള ത​ട​സ്സ​ങ്ങ​ളും ഇ​തോ​ടെ നീ​ങ്ങു​മെ​ന്നും വി​ല​യി​രു​ത്ത​പ്പെ​ടു​ന്നു. വ്യാ​പാ​ര​വും പ​ണ​വി​നി​മ​യ​വും വ​ർ​ധി​ക്കു​ന്ന​ത്​ ഇ​രു രാ​ജ്യ​ങ്ങ​ളു​ടെ​യും സ​മ്പ​ദ്​​ഘ​ട​ന​ക്ക്​ മു​ത​ൽ​കൂ​ട്ടാ​വു​ക​യും ബ​ന്ധം ശ​ക്​​തി​പ്പെ​ടു​ത്തു​ക​യും ചെ​യ്യും. നി​ല​വി​ൽ 2022ൽ ​ഒ​പ്പു​വെ​ച്ച സ​മ​ഗ്ര സാ​മ്പ​ത്തി​ക സ​ഹ​ക​ര​ണ ക​രാ​ർ(​സെ​പ) വ​ഴി വ​ലി​യ രീ​തി​യി​ൽ വ്യാ​പാ​ര രം​ഗ​ത്ത്​ ഉ​ണ​ർ​വു​ണ്ട്. ഇ​ത്​ ത്വ​രി​ത​പ്പെ​ടു​ത്താ​നും എ​ളു​പ്പ​മാ​ക്കാ​നും സ​ഹാ​യി​ക്കു​ന്ന​താ​ണ്​ ക​രാ​റു​ക​ൾ.