ക​രു​ത്താ​ർ​ജി​ച്ച്​ ഇ​ന്ത്യ-​ഷാ​ർ​ജ ബ​ന്ധം

ദു​ബൈ: ഇ​ന്ത്യ​യും ഷാ​ർ​ജ​യും ത​മ്മി​ലെ ഐ​ക്യ​വും സ്​​നേ​ഹ​വും വ്യാ​പാ​ര ഇ​ട​പാ​ടും കൂ​ടു​ത​ൽ ക​രു​ത്തു​റ്റ​താ​ക്കാ​ൻ ല​ക്ഷ്യ​മി​ട്ട്​ ഇ​ന്ത്യ​യി​ലെ​ത്തി​യ ഷാ​ർ​ജ ചേം​ബ​ർ ഓ​ഫ്​ കൊ​മേ​ഴ്​​സ്​ സം​ഘ​ത്തി​ന്‍റെ പ​ര്യ​ട​നം പൂ​ർ​ത്തി​യാ​യി. ചേം​ബ​ർ ചെ​യ​ർ​മാ​ൻ അ​ബ്​​ദു​ല്ല സു​ൽ​ത്താ​ൻ അ​ൽ ഉ​വൈ​സി​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ്​ ഒ​രാ​ഴ്ച നീ​ണ്ടുനി​ന്ന പ​ര്യ​ട​നം ന​ട​ത്തി​യ​ത്. മും​ബൈ​യി​ലും ഡ​ൽ​ഹി​യി​ലു​മെ​ത്തി​യ സം​ഘം ഇ​ന്ത്യ​യി​ലെ വി​വി​ധ ബി​സി​ന​സ്​ കൂ​ട്ടാ​യ്മ​ക​ളു​മാ​യും സ​ർ​ക്കാ​ർ അ​ധി​കൃ​ത​രു​മാ​യും കൂ​ടി​ക്കാ​ഴ്ച ന​ട​ത്തി. ഇ​രു​കൂ​ട്ട​ർ​ക്കും ഉ​പ​കാ​ര​പ്പെ​ടു​ന്ന രീ​തി​യി​ലു​ള്ള പ​ദ്ധ​തി​ക​ൾ​ക്ക്​ രൂ​പം ന​ൽ​കാ​നും സം​ഘ​ത്തി​ന്​ ക​ഴി​ഞ്ഞു.

മ​ല​യാ​ളി​ക​ൾ​ക്ക്​ സ്വ​ന്തം നാ​ട്​ പോ​ലെ​യാ​ണ്​ ഷാ​ർ​ജ. ചെ​റി​യ വ​രു​മാ​ന​ത്തി​ലു​ള്ള മ​ല​യാ​ളി​ക​ൾ ഏ​റ്റ​വും കൂ​ടു​ത​ൽ തി​ങ്ങി​പ്പാ​ർ​ക്കു​ന്ന നാ​ട്​ കൂ​ടി​യാ​ണി​ത്. അ​തു​കൊ​ണ്ട്​ ത​ന്നെ, ഷാ​ർ​ജ ഭ​ര​ണാ​ധി​കാ​രി​ക​ൾ​ക്കും മ​ല​യാ​ളി​ക​ളും ഇ​ന്ത്യ​ക്കാ​രും അ​ന്യ​ര​ല്ല. ഈ ​ഐ​ക്യ​ത്തി​ന്​ ക​രു​ത്ത്​ പ​ക​രു​ന്ന​താ​യി​രു​ന്നു ചേം​ബ​റി​ന്‍റെ ഇ​ന്ത്യ സ​ന്ദ​ർ​ശ​നം. ഇ​ന്ത്യ​ക്കാ​ർ​ക്ക്​ ഷാ​ർ​ജ​യി​ൽ നി​ക്ഷേ​പം ന​ട​ത്താ​വു​ന്ന സാ​ധ്യ​ത​ക​ൾ ചൂ​ണ്ടി​ക്കാ​ണി​ച്ച സം​ഘം ഇ​മാ​റാ​ത്തി​ക​ളു​ടെ ഇ​ന്ത്യ​യി​ലെ നി​ക്ഷേ​പ സാ​ധ്യ​ത​ക​ളും ആ​രാ​ഞ്ഞു. ഡ​ൽ​ഹി​യി​ൽ ന​ട​ന്ന യു.​എ.​ഇ-​ഇ​ന്ത്യ ബി​സി​ന​സ്​ ഫോ​റ​ത്തി​ലെ പ്ര​ധാ​ന ച​ർ​ച്ച​യും ഇ​താ​യി​രു​ന്നു. ഇ​ന്ത്യ-​യു.​എ.​ഇ സ​മ​ഗ്ര സാ​മ്പ​ത്തി​ക പ​ങ്കാ​ളി​ത്ത ക​രാ​ർ (സെ​പ) യാ​ഥാ​ർ​ഥ്യ​മാ​യ പ​ശ്​​ചാ​ത്ത​ല​ത്തി​ൽ നി​ക്ഷേ​പ സാ​ധ്യ​ത​ക​ൾ വ​ർ​ധി​ച്ച​താ​യി യോ​ഗം വി​ല​യി​രു​ത്തി. മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച്​ 10 ശ​ത​മാ​നം വ​ർ​ധ​ന​നാ​ണ്​ ഇ​ക്കാ​ര്യ​ത്തി​ലു​ണ്ടാ​യ​ത്.

യു.​എ.​ഇ​യി​ലേ​ക്ക്​ ഇ​ന്ത്യ​യു​ടെ ക​യ​റ്റു​മ​തി 26 ശ​ത​മാ​നം വ​ർ​ധി​ച്ചു. പു​ന​ർ ക​യ​റ്റു​മ​തി​യി​ൽ 10 ശ​ത​മാ​നം വ​ർ​ധ​ന​വു​ണ്ടാ​യി. 17,500 ഇ​ന്ത്യ​ൻ സ്ഥാ​പ​ന​ങ്ങ​ളാ​ണ്​ ഷാ​ർ​ജ​യി​ൽ പ്ര​വ​ർ​ത്തി​ക്കു​ന്ന​ത്. 2022ൽ ​ഇ​ന്ത​യ​യി​ലേ​ക്ക്​ ഷാ​ർ​ജ​യി​ൽ നി​ന്ന്​ മാ​ത്രം 280 കോ​ടി ദി​ർ​ഹ​മി​ന്‍റെ ക​യ​റ്റു​മ​തി ന​ട​ന്നു. 700 ദ​ശ​ല​ക്ഷം ദി​ർ​ഹ​മി​ന്‍റെ പു​ന​ർ ക​യ​റ്റു​മ​തി​യും 250 കോ​ടി ദി​ർ​ഹ​മി​ന്‍റെ ഇ​റ​ക്കു​മ​തി​യും ന​ട​ന്നു. ഷാ​ർ​ജ കേ​ന്ദ്രീ​ക​രി​ച്ച്​ ന്യൂ ​ഇ​ന്ത്യ​ൻ പ്രൊ​ഫ​ഷ​ന​ൽ ബി​സി​ന​സ്​ കൗ​ൺ​സി​ലി​ന്​ രൂ​പം ന​ൽ​കാ​നും ക​ഴി​ഞ്ഞു. ഇ​ത്​ വ്യാ​പാ​ര, നി​ക്ഷേ​പ ഇ​ട​പാ​ടു​ക​ൾ​ക്ക്​ ക​രു​ത്ത്​ പ​ക​രു​മെ​ന്ന്​ യോ​ഗം വി​ല​യി​രു​ത്തി. 2030ഓ​ടെ ഇ​ട​പാ​ടു​ക​ൾ ഇ​ര​ട്ടി​യാ​ക്കു​ക​യാ​ണ്​ ല​ക്ഷ്യം. 19 വ്യാ​വ​സാ​യി​ക മേ​ഖ​ല, അ​ഞ്ച്​ ഫ്രീ ​സോ​ൺ, 3000 മാ​നു​ഫാ​ക്​​ച​റി​ങ്​ യൂ​നി​റ്റ്​ തു​ട​ങ്ങി​യ​വ​യെ​ല്ലാം ഷാ​ർ​ജ​യി​ലേ​ക്ക്​ ഇ​ന്ത്യ​ൻ സ്ഥാ​പ​ന​ങ്ങ​ളെ ആ​ക​ർ​ഷി​ക്കു​ന്ന ഘ​ട​ക​മാ​ണ്. ​

ഫൈ​ഡ​റേ​ഷ​ൻ ഇ​ന്ത്യ​ൻ ചേം​ബ​ർ ഓ​ഫ്​ കൊ​മേ​ഴ്​​സ്​ ആ​ൻ​ഡ്​ ഇ​ൻ​ഡ​സ്​​ട്രി (ഫി​ക്കി) നേ​താ​ക്ക​ളു​മാ​യും ഷാ​ർ​ജ ചേം​ബ​ർ സം​ഘം ച​ർ​ച്ച ന​ട​ത്തി. ഇ​ന്ത്യ​യി​ലെ ചെ​റു​കി​ട, ഇ​ട​ത്ത​രം സ്ഥാ​പ​ന​ങ്ങ​ളെ ആ​ക​ർ​ഷി​ക്കാ​ൻ ല​ക്ഷ്യ​മി​ട്ട്​ ചെ​റു​കി​ട​ക്കാ​രു​ടെ ചേം​ബ​റു​മാ​യും കൂ​ടി​ക്കാ​ഴ്ച ന​ട​ന്നു. ഷാ​ർ​ജ ചേം​ബ​ർ ഓ​ഫ്​ കൊ​മേ​ഴ്​​സ്​ സെ​ക്ക​ൻ​ഡ്​ വൈ​സ്​ ചെ​യ​ർ​മാ​ൻ വ​ലീ​ദ്​ അ​ബ്​​ദു​ൽ റ​ഹ്​​മാ​ൻ ബു​കാ​തി​ർ, ബോ​ർ​ഡ്​ അം​ഗം അ​ഹ്​​മ​ദ്​ മു​ഹ​മ്മ​ദ്​ ഉ​ബൈ​ദ്​ അ​ൽ ന​ബൂ​ദ, ഇ​ന്ത്യ​യി​ലെ യു.​എ.​ഇ എം​ബ​സി പ്ര​തി​നി​ധി മാ​ജി​ദ്​ അ​ൽ നു​ഖൂ​ലി തു​ട​ങ്ങി​യ​വ​രും സം​ഘ​ത്തി​ലു​ണ്ടാ​യി​രു​ന്നു.