ഇന്ത്യ ഇന്‍റർനാഷനൽ സ്കൂൾ സമാധാന ദിനാചരണം

ഷാർജ: ഇന്ത്യ ഇന്‍റർനാഷനൽ സ്കൂൾ അന്തർദേശീയ സമാധാന ദിനാചരണം സംഘടിപ്പിച്ചു. ശുഭ്ര വസ്ത്രധാരികളായി സ്കൂൾ ഗ്രൗണ്ടിൽ അണിനിരന്ന അധ്യാപകരും വിദ്യാർഥികളും സമാധാനം നിറഞ്ഞ ലോകം സൃഷ്ടിക്കാൻ യത്നിക്കുമെന്ന് പ്രതിജ്ഞയെടുത്തു. സ്കൂൾ പ്രിൻസിപ്പൽ ഡോ. മഞ്ജു റെജി ബലൂൺ പറത്തി ദിനാചരണം ഉദ്ഘാടനം ചെയ്തു.

പെയ്സ് ഗ്രൂപ് സീനിയൻ ഡയറക്ടർ അസീഫ് മുഹമ്മദ്, മാനേജിങ് ഡയറക്ടർ സൽമാൻ ഇബ്രാഹിം തുടങ്ങിയവർ ആശംസകൾ നേർന്നു. അസി. ഡയറക്ടർ സഫാ അസദ്, വൈസ് പ്രിൻസിപ്പൽ ഷിഫാന മുഈസ്, ഹെഡ് മിസ്ട്രസ് നാസ്നിൻ ഖാൻ തുടങ്ങിയവർ നേതൃത്വം നൽകി.