ഇന്ത്യ ഫെസ്​റ്റിവൽ മൂന്നാം ദിനത്തിലേക്ക്​; വൻ ജനത്തിരക്ക്​ 

അൽ​െഎൻ: അൽ​െഎൻ ഇന്ത്യൻ സോഷ്യൽ സ​​െൻററിൽ ​(െഎ.എസ്​.സി) നടന്നുവരുന്ന ഇന്ത്യ ഫെസ്​റ്റിവൽ രണ്ടാം ദിനം പിന്നിട്ടു. സ്​കൂൾ അവധിയും വാരാന്ത്യ അവധിയും ഒരുമിച്ച്​ വന്നതിനാൽ വൻ ജനത്തിരക്കാണ്​ മേളയിൽ അനുഭവപ്പെട്ടത്​. വ്യാഴം, വെള്ളി, ദിവസങ്ങളിൽ ഇന്ത്യയിലെ വിവിധ സംസ്​ഥാനങ്ങളുടെ കലാരൂപങ്ങൾ അവതരിപ്പിക്കപ്പെട്ടു. ​െഎ.എസ്​.സി കരോക്കെ ക്ലബി​​​െൻറ ഗാനമേളയും കലാകാരന്മാരുടെ കലാപരിപാടികളും കഴിഞ്ഞ ദിവസങ്ങളിൽ നടന്നു. 

36ഒാളം സ്​റ്റാളുകൾ മേളയിലുണ്ട്​. ഭക്ഷ്യസ്​റ്റാളുകൾ ഏറെ സന്ദർശകരെ ആകർഷിക്കുന്നു. കേരളത്തി​ലെ വിവിധ ജില്ലകളുടെ രുചിക്കൂട്ടുമായി അൽ​െഎനിലെ വനിത കൂട്ടായ്​മയുടെ കീഴിൽ പ്രവർത്തിക്കുന്ന താരാട്ട്​ തട്ടുകടയും ഇൻകാസ്​ കോർണറുമാണ് കേരളീയ ഭക്ഷണങ്ങളുടെ സ്​റ്റാളുകൾ ഒരുക്കിയത്​​. മലയാളികളുടെ വൻതിരക്കാണ്​ ഇവിടെ അനുഭവപ്പെടുന്നത്​.താരാട്ട്​ തട്ടുകട ബീഫ്​ പുട്ട്​, ചിക്കൻ പുട്ട്​, കാരറ്റ്​ പുട്ട്​, റെയിൻബോ പുട്ട്​ തുടങ്ങിയ വിവിധയിനം പുട്ടുകളുടെ വൈവിധ്യം കൊണ്ട്​ ശ്രദ്ധേയമാണ്​. അപ്പം, കപ്പ ബിരിയാണി, മത്തി മുളകിട്ടത്​, ചിക്കൻ മസാല തുടങ്ങിയവയും ലഭ്യമാണ്​. വിവിധ തരം പുട്ടുകൾക്കാണ്​ ആവശ്യക്കാർ കൂടുതലെന്ന്​ താരാട്ട്​ തട്ടുകട നടത്തിപ്പുകാർ പറയുന്നു. 

ഇൻകാസ്​ കോർണർ ലെസികളുടെ രുചികൊണ്ട്​ മുന്നിട്ടുനിൽക്കുന്നു. തലിക്കുളം ലെസി, ശക്​തൻ തമ്പുരാൻ ലെസി, തൃ​ശൂർ ലെസി തുടങ്ങിയവക്കൊപ്പം കപ്പ ബിരിയാണി, അപ്പം, പനിയാരം അപ്പം തുടങ്ങിയവയും ലഭ്യമാണ്​. ഭക്ഷണങ്ങൾ പാർസലായി കൊണ്ടുപോകുന്നവരും നിരവധിയാണെന്ന്​ നടത്തിപ്പുകാർ പറയുന്നു. തമിഴ്​നാടി​​​െൻറ വിവിധ ഭക്ഷണങ്ങളും മേളയിൽ ലഭ്യമാണ്​. സ്​ത്രീകൾക്കായുള്ള വള കച്ചവടം, മാലകച്ചവടം എന്നിവിടങ്ങളിലും വൻതിരക്കാണ്​ കഴിഞ്ഞ ദിവസങ്ങളിൽ അനുഭവപ്പെട്ടത്​. ഇന്ന്​ നടക്കുന്ന സമാപന പരിപാടിയിൽ റേഡിയോ അവതാരകയുടെ കലാ പരിപാടികളും ​െഎ.എസ്​.സിയുടെ ഒന്നാം സമ്മാനമായ കാറിന്​ വേണ്ടിയുള്ള നറുക്കെടുപ്പും നടക്കുന്നതാണ്​.