രണ്ട്​ വർഷത്തിനിടെ ‘ദുബൈ കാൻ’ കുറച്ചത്​ 1.8 കോടി പ്ലാസ്റ്റിക്​ ബോട്ടിൽ

ദു​ബൈ: സു​സ്ഥി​ര​ത ല​ക്ഷ്യ​മി​ട്ട്​ ആ​രം​ഭി​ച്ച ദു​ബൈ കാ​ൻ പ​ദ്ധ​തി​യി​ലൂ​ടെ ക​ഴി​ഞ്ഞ ര​ണ്ടു വ​ർ​ഷ​ത്തി​നി​ടെ​ 1.8 കോ​ടി പ്ലാ​സ്റ്റി​ക്​ കു​പ്പി​ക​ളു​ടെ ഉ​പ​യോ​ഗം കു​റ​ച്ച​താ​യി അ​ധി​കൃ​ത​ർ അ​റി​യി​ച്ചു. ഒ​ത്ത​വ​ണ ഉ​പ​യോ​ഗി​ക്കാ​വു​ന്ന 500 മി​ല്ലി പ്ലാ​സ്റ്റി​ക്​ കു​പ്പി​ക​ളു​ടെ ഉ​പ​യോ​ഗ​ത്തി​ലാ​ണ്​ വ​ലി​യ കു​റ​വ്​ രേ​ഖ​പ്പെ​ടു​ത്തി​യ​ത്. കു​ടി​വെ​ള്ള സ്​​റ്റേ​ഷ​നു​ക​ളി​ൽ നി​ന്ന്​ പൊ​തു​ജ​ന​ങ്ങ​ൾ ഉ​പ​യോ​ഗി​ക്കു​ന്ന വെ​ള്ള​ത്തി​ന്‍റെ അ​ള​വി​നെ അ​ടി​സ്ഥാ​ന​മാ​ക്കി​യാ​ണ്​ ഏ​റ്റ​വു പു​തി​യ ക​ണ​ക്കു​ക​ൾ പു​റ​ത്തു​വി​ട്ട​ത്.

ദു​ബൈ കി​രീ​ടാ​വ​കാ​ശി​യും എ​ക്സി​ക്യു​ട്ടീ​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ നേ​തൃ​ത്വ​ത്തി​ൽ 2022 ഫെ​​ബ്രു​വ​രി​യി​ലാ​ണ്​ ദു​ബൈ കാ​ൻ പ​ദ്ധ​തി​ക്ക്​ തു​ട​ക്കം കു​റി​ച്ച​ത്.

കു​ടി​വെ​ള്ള​ത്തി​നാ​യി പു​ന​രു​പ​യോ​ഗി​ക്കു​ന്ന വെ​ള്ള​ക്കു​പ്പി​ക​ളും പൊ​തു കു​ടി​വെ​ള്ള സ്​​റ്റേ​ഷ​നു​ക​ളും ഉ​പ​യോ​ഗി​ക്കാ​ൻ ആ​ളു​​ക​ളെ പ്രോ​ത്സാ​ഹി​പ്പി​ക്കു​ക​യാ​ണ്​ ല​ക്ഷ്യം. സം​രം​ഭ​ത്തി​ന്‍റെ ഭാ​ഗ​മാ​യി സ്ഥാ​പി​ച്ച 50 കു​ടി​വെ​ള്ള സ്​​റ്റേ​ഷ​നു​ക​ളി​ലൂ​ടെ 90 ല​ക്ഷം ലി​റ്റ​ർ ജ​ല​മാ​ണ്​ വി​ത​ര​ണം ചെ​യ്ത​ത്. കൈ​റ്റ്​ ബീ​ച്ച്, ദു​ബൈ മ​റീ​ന, ജെ.​എ​ൽ.​ടി, ഡൗ​ൺ ടൗ​ൺ ദീ​ബൈ, ദു​ബൈ ഹാ​ർ​ബ​റ, മ​ദീ​ന​ത്ത്​ ജു​മൈ​റ, ദു​ബൈ ഫെ​സ്റ്റീ​വ്​ സി​റ്റി, ഖ​വാ​നീ​ജ്​ എ​ന്നി​വി​ട​ങ്ങ​ളി​ലാ​ണ്​ നി​ല​വി​ൽ കു​ടി​വെ​ള്ള സ്​​റ്റേ​ഷ​നു​ക​ൾ സ്ഥാ​പി​ച്ചി​രി​ക്കു​ന്ന​ത്. ഈ ​വ​ർ​ഷം അ​വ​സാ​ന​ത്തോ​ടെ 30 സ്​​റ്റേ​ഷ​നു​ക​ൾ കൂ​ടി സ്ഥാ​പി​ക്കാ​നാ​ണ്​ അ​ധി​കൃ​ത​രു​ടെ പ​ദ്ധ​തി. പൊ​തു ജ​ന​ങ്ങ​ളി​ൽ നി​ന്ന്​ മി​ക​ച്ച പ്ര​തി​ക​ര​ണ​മാ​ണ്​ പ​ദ്ധ​തി​ക്ക്​ ല​ഭി​ച്ചു​വ​രു​ന്ന​തെ​ന്ന്​ ഡി​പാ​ർ​ട്ട്​​മെ​ന്‍റ്​ ഓ​ഫ്​ ഇ​ക​ണോ​മി ആ​ൻ​ഡ്​ ടൂ​റി​സം വ​കു​പ്പ്​ വ്യ​ക്​​ത​മാ​ക്കി. ജ​ന​ങ്ങ​ളെ റീ​ഫി​ൽ ചെ​യ്യാ​വു​ന്ന ബോ​ട്ടി​ലു​ക​ൾ ഉ​പ​യോ​ഗി​ച്ച്​ കു​ടി​വെ​ള്ളം ശേ​ഖ​രി​ക്കു​ന്ന​ത്​ പ്രോ​ത്സാ​ഹി​പ്പി​ക്കു​ക​യാ​ണ്​ ​ദു​ബൈ കാ​നി​ന്‍റെ പ്ര​ധാ​ന ല​ക്ഷ്യ​മെ​ന്ന്​ ഡി​പാ​ർ​ട്ട്​​മെ​ന്‍റ്​ സി.​ഇ.​ഒ യൂ​സു​ഫ്​ ലൂ​ത്ത പ​റ​ഞ്ഞു.

പ്ലാ​സ്റ്റി​ക്​ ബോ​ട്ടി​ലു​ക​ളു​ടെ ഉ​പ​യോ​ഗം കു​റ​ക്കു​ന്ന​തി​ലൂ​ടെ സ​മു​ദ്ര​ത്തേ​യും പ്ര​കൃ​തി​യേ​യും വ​ന്യ ജീ​വി​ക​ളേ​യും സം​ര​ക്ഷി​ക്കു​ക​യാ​ണ്​ ല​ക്ഷ്യം. സ​ർ​ക്കാ​ർ, സ്വ​കാ​ര്യ​മേ​ഖ​ല​യി​ലെ 100ല​ധി​കം ക​മ്പ​നി​ക​ൾ ദു​ബൈ കാ​ൻ പ​ദ്ധ​തി​ക്ക്​ പി​ന്തു​ണ ന​ൽ​കു​ന്നു​ണ്ട്. പ​ദ്ധ​തി ര​ണ്ടു വ​ർ​ഷ​​മെ​ന്ന നാ​ഴി​ക​ക്ക​ല്ല്​ ആ​ഘോ​ഷി​ക്കു​ന്ന​തി​ൽ അ​ഭി​മാ​ന​മു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.