ആകാശത്തും ആഴിയിലും വിജയക്കൊടി  പാറിച്ച്​ ഇമറാത്തി പെൺമ

അബൂദബി:  ദേശീയ വനിതാ ദിനത്തെ ഇമറാത്തി ജനത വരവേൽക്കുന്നത്​ ഏറെ അഭിമാനത്തോടെയാണ്​. ഭരണരംഗത്തും ഉദ്യോഗസ്​ഥ മേഖലയിലും കായിക മുന്നേറ്റത്തിലുമെല്ലാം ത​േൻറടത്തോടെ ത​​െൻറ ഇടം സ്വന്തമാക്കിയിരിക്കുകയാണ്​ ഇമറാത്തി പെൺ സമൂഹം.  സ്​കൂളുകളിലും കോളജുകളിലും 60 ശതമാനവും പെൺകുട്ടികളാണ്​. രാജ്യത്തെ 29 മന്ത്രിമാരിൽ 9 എണ്ണം സ്​ത്രീകൾ. സ്​പെയിൻ, സ്വീഡൻ, പോർച്ചുഗൽ, മിലാൻ, കെസോവോ, ഹോാങ്​കോങ്​, മോണ്ടിനിഗ്രോ എന്നിവിടങ്ങളിലെ സ്​ഥാനപതികളും 42 നയതന്ത്ര പ്രതിനിധികളും സ്​ത്രീജനങ്ങൾ. സർക്കാർ ജോലികളിൽ 66ശതമാനവും കൈയാളുന്നതും വനിതകൾ. സ്​ത്രീ പ്രാതിനിധ്യം ഉറപ്പിക്കാനായി എന്തെങ്കിലുമൊരു ജോലിയല്ല, തീരുമാനങ്ങളെടുക്കേണ്ടുന്ന സുപ്രധാന പദവിയിലാണ്​ ഇതിൽ 30 ശതമാനം പേരും. ആഗോള വ്യവസായ ഹബ്​ ആയി മാറുന്ന യു.എ.ഇയിൽ 23000 വനിതാ സംരംഭകരുമുണ്ട്​.  

അബൂദബി തുറമുഖത്തി​​െൻറ കപ്പലോട്ട പരിശീലന കേന്ദ്രത്തിൽ നിന്ന്​ ചരിത്രത്തിലാദ്യമായി മൂന്നു മിടുക്കികൾ മാസ്​റ്റർ ഒഫ്​ കോസ്​റ്റൽ വാ​േട്ടഴ്​സ്​ ബിരുദം നേടിയത്​ ഇൗ മാസമാണ്​.  ജനറൽ വിമൻസ്​ യൂനിയൻ അധ്യക്ഷയും,  ഫാമിലി ഡവലപ്​മ​െൻറ്​ ഫൗണ്ടേഷൻ സുപ്രിം ചെയർ വുമണും മാതൃശിശുക്ഷേമത്തിനുള്ള സുപ്രിം കൗൺസിൽ പ്രസിഡൻറുമായ ശൈഖ ഫാത്തിമ ബിൻത്​ മുബാറക്​ 2015ലാണ്​ ഇമറാത്തി വനിതാ ദിനത്തിന്​ തുടക്കമിട്ടത്​. 1975ൽ ജനറൽ വിമൻസ്​ യൂനിയന്​ രൂപം നൽകിയ ദിവസത്തി​​െൻറ ഒാർമയിലാണ്​ ആഗസ്​റ്റ്​ 28 തെരഞ്ഞെടുത്തത്​. യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ പ്രഖ്യാപിച്ച ദാന വർഷം പ്രമാണിച്ച്​ സ്​ത്രീകൾക്കിടയിൽ സാമൂഹിക ഉത്തരവാദിത്വം, ദേശ സേവനം, സന്നദ്ധ പ്രവർത്തനം എന്നിവക്ക്​ കൂടുതൽ പ്രചാരം നൽകാൻ ‘ദാനപ്രവർത്തനങ്ങളിൽ സ്​ത്രീകളും പങ്കാളികൾ’ എന്നതാണ്​ ഇക്കുറി ദിനാചരണ പ്രമേയം.