അഭ്യൂഹം പ്രചരിപ്പിച്ചാൽ തടവും പിഴയും ശിക്ഷ

ദുബൈ: വിവരങ്ങളും വാർത്തകളും കൈമാറാൻ സമൂഹമാധ്യമങ്ങൾ ഉപയോഗിക്കാത്തവരില്ല. എന്നാൽ, ഓൺലൈനിൽ കാണുന്നതെല്ലാം ഫോർവേഡ്​ ചെയ്​താൽ കനത്ത വില കൊടുക്കേണ്ടിവരുമെന്നാണ്​ ദുബൈ പബ്ലിക്​ പ്രോസിക്യൂട്ടർ മുന്നറിയിപ്പ്​ നൽകിയിരിക്കുന്നത്​. തെറ്റായ വാർത്തകളും അഭ്യൂഹങ്ങളും പ്രചരിപ്പിക്കുന്നത്​ യു.എ.ഇ പീനൽ കോഡ്​ പ്രകാരം ശിക്ഷാർഹമാണ്​. മനപ്പൂർവം തെറ്റായതും മോശമായതുമായ വാർത്തകൾ, വിവരങ്ങൾ അല്ലെങ്കിൽ, കിംവദന്തികൾ പ്രചരിപ്പിക്കുകയോ പ്രകോപനപരമായ പ്രചാരണം നടത്തുകയോ ചെയ്യുന്നവർക്കാണ്​ പീനൽ കോഡി​െൻറ 198ാം ആർടിക്കി​ൾ പ്രകാരം തടവുശിക്ഷ ലഭിക്കുക. 2012ൽ പുതുക്കിയ സൈബർ ​ക്രൈമുമായി ബന്ധപ്പെട്ട നിയമമന​ുസരിച്ച്​ അഭ്യൂഹങ്ങൾ പടച്ചുവിട്ടാൽ തടവും 10 ലക്ഷം ദിർഹംവരെ പിഴയും ലഭിക്കും. ഇന്ത്യൻ പി.സി.സി ലഭിക്കാൻ 105 ദിർഹമും യു.എ.ഇ പി.സി.സി കിട്ടാൻ 220 ദിർഹമും ചെലവായിരുന്നു. വാർത്തകൾ ഔദ്യോഗിക കേന്ദ്രങ്ങളിൽനിന്ന്​ ഉറപ്പുവരുത്തിയശേഷം മാത്രമേ പ്രചരിപ്പിക്കാൻ പാടുള്ളൂ എന്നും പബ്ലിക്​ പ്രോസിക്യൂട്ടർ വ്യക്​തമാക്കിയിട്ടുണ്ട്​.