മുസ്​ലിം സമൂഹ ആഗോള സമിതി യഥാർഥ മുസ്​ലിം  അവസ്​ഥകൾ പ്രതിഫലിപ്പിക്കും –ശൈഖ്​ നഹ്​യാൻ

അബൂദബി: അബൂദബി ആസ്​ഥാനമായി ഇൗയിടെ രൂപവത്​കരിച്ച മുസ്​ലിം സമൂഹ ആഗോള സമിതി ലോകത്തി​​​െൻറ വിവിധ ഭാഗങ്ങളിലെ യഥാർഥ മുസ്​ലിം അവസ്​ഥകൾ പ്രതിഫലിപ്പിക്കുമെന്നും 50ഒാളം രാജ്യങ്ങളിൽ ഭൂരിപക്ഷവും മറ്റു രാജ്യങ്ങളിൽ ന്യൂനപക്ഷവുമായ മുസ്​ലിംകളെ പ്രതിനിധീകരിക്കുമെന്നും പ്രത്യാശിക്കുന്നതായി യു.എ.ഇ സഹിഷ്ണുതാ കാര്യ മന്ത്രി ശൈഖ് നഹ്​യാൻ ബിൻ മുബാറക് ആൽ നഹ്​യാൻ. പ്രഥമ അന്താരാഷ്​ട്ര മുസ്​ലിം സമൂഹ സമ്മേളനം അബൂദബിയിൽ ഉദ്​ഘാടനം ചെയ്യുകയായിരുന്നു അദ്ദേഹം.

ലോകത്തി​​​െൻറ വിവിധ ഭാഗങ്ങളിലുള്ള മുസ്​ലിംകൾ അനുഭവിക്കുന്ന ദാരിദ്ര്യം, നിരക്ഷരത, അടിച്ചമർത്തൽ തുടങ്ങിയ വെല്ലുവിളികൾ നേരിടുന്നതിന്​ സമിതി ആവശ്യമായ ഗവേഷണം നടത്തുമെന്നും എല്ലാ സമൂഹങ്ങൾക്കും മാന്യമായ ജീവിതം ഉറപ്പാക്കുന്ന ദേശീയ^അന്തർദേശീയ സഖ്യം രൂപപ്പെടുത്തുന്നതിനുള്ള കാര്യക്ഷമായ വേദിയാകും  അന്താരാഷ്​ട്ര മുസ്​ലിം സമൂഹ സമ്മേളനമെന്നും പ്രതീക്ഷിക്കുന്നതായി ശൈഖ്​ നഹ്​യാൻ പറഞ്ഞു. വെല്ലുവിളികളെയും പ്രശ്​നങ്ങളെയും നേരിടാനുള്ള നവീന ആശയങ്ങൾ സൃഷ്​ടിക്കുന്നതിന്​ അന്താരാഷ്​ട്ര മുസ്​ലിം സമൂഹ സമ്മേളനം കാര്യക്ഷമമായ ധർമം നിർവഹിക്കുമെന്ന്​ അദ്ദേഹം പ്രത്യാശിച്ചു.  എല്ലാ മാനവ സമൂഹങ്ങളും വൈചാത്യങ്ങളാലും സാംസ്​കാരിക ​ൈവവിധ്യങ്ങളാലും സവിശേഷമാണ്​. സാമൂഹിക^സാംസ്​കാരിക ​ൈവചാത്യങ്ങളെയും ബഹുത്വത്തെയും അഭിമുഖീകരിക്കുന്നത്​ ഇൗ കാലത്ത്​ പ്രധാന വെല്ലുവിളികളിൽ ഒന്നായി തീർന്നിട്ടുണ്ട്​. ഇൗ സാംസ്​കാരിക^വംശീയ വൈവിധ്യങ്ങളെയും ബഹുത്വത്തെയും അഭിമുഖീകരിക്കുന്നതിൽ പരാജയപ്പെട്ടാൽ നിർബന്ധിത പലായനം, വിധ്വംസക ആശയങ്ങളുടെ വ്യാപനം തുടങ്ങി ഗുരുതരമായ പ്രത്യാഘാതങ്ങളായിരിക്കും ഉണ്ടാവുക. സമാധാനം, സുരക്ഷിതത്വം, സുസ്​ഥിരത, ജീവിക്കുന്ന നാടിനോടുള്ള കൂറ്​ എന്നിവയുള്ളിടത്തേ വിജയമുള്ള സമൂഹമുണ്ടാവുകയുള്ളൂ.  

യു.എ.ഇയുടെ സഹിഷ്​ണുതാ മാതൃക  ഒരു കൂട്ടം ഘടകങ്ങളുമായി ബന്ധപ്പെട്ടാണിരിക്കു​ന്നത്​. ഇതിൽ ഏറ്റവും പ്രധാനപ്പെട്ടത്​ വിവേകമുള്ള നേതൃത്വവും ഇസ്​ലാമിക അധ്യാപനങ്ങളിൽ ബോധവും സമർപ്പണവുമുള്ള ജനങ്ങളുമാണ്​. വിദ്യാഭ്യാസ^മാധ്യമ സ്​ഥാപനങ്ങൾ മുൻവിധികളില്ലാതെയും രാജ്യത്തെ വിവിധ വകുപ്പുകൾ തീവ്രവാദത്തി​​​െൻറയും മതഭ്രാന്തി​​​െൻറയും നാശത്തിൽനിന്ന്​ സമൂഹത്തെ സംരക്ഷിച്ചും സമൂഹത്തിലെ എല്ലാ വിഭാഗങ്ങളിലും മാനുഷിക മൂല്യങ്ങൾ പ്രോത്സാഹിപ്പിച്ചും അവരവരുടെ ധർമം നിർവഹിക്കുന്നതും രാജ്യത്തി​​​െൻറ സഹിഷ്​ണുതക്ക്​ നിദാനമാണ്​. 
അൽബേനിയ മുൻ പ്രസിഡൻറ്​ റെക്​സിപ്​ മീദനി, യൂറോപ്യൻ കൗൺസിൽ ലോക്കൽ^റീജനൽ അതോറിറ്റീസ്​ സെക്രട്ടറി ജനറൽ ഡോ. ആൻഡ്രിയാസ്​ കീഫർ തുടങ്ങിയവർ സമ്മേളനത്തിൽ പ​െങ്കടുക്കുന്നുണ്ട്​. ബുധനാഴ്​ച സമാപിക്കുന്ന സമ്മേളനത്തിൽ 140 രാജ്യങ്ങളിൽനിന്ന്​ 500ലധികം പ്രതിനിധികളാണുള്ളത്​. കേരളത്തിൽനിന്ന്​ ആൾ ഇന്ത്യ മുസ്​ലിം സ്​കോളേഴ്​സ്​ അസോസിയേഷൻ സെക്രട്ടറി ​ജനറൽ കാന്തപുരം എ.പി. അബൂബക്കർ മുസ്​ലിയാർ, പാണക്കാട്​ മുനവറലി ശിഹാബ്​ തങ്ങൾ, ഡോ. എ.പി. അബ്​ദുൽ ഹകീം അസ്​ഹരി എന്നിവർ പ​െങ്കടുന്നുണ്ട്​.