യമനിൽ ഇമറാത്തി  പൈലറ്റിന്​ വീരമൃത്യു

അബൂദബി: യമനിൽ സമാധാനം പൂനസ്​ഥാപിക്കാനുള്ള ​ദൗത്യസേനയിൽ അംഗമായിരുന്ന ഇമറാത്തി പൈലറ്റി​​െൻറ വീരമൃത്യുവിൽ അനുശോചിച്ച്​ രാഷ്​ട്രം. സ​ാ​േങ്കതിക തകരാറിനെ തുടർന്ന്​ വിമാനം തകർന്നാണ്​ കാപ്​റ്റൻ ഖാലിദ്​ മുഹമ്മദ്​ അൽ ഷെഹിയുടെ ജീവൻ നഷ്​ടപ്പെട്ടതെന്ന്​ യു.എ.ഇ സായുധ സേനാ ജനറൽ കമാൻറിനെ ഉദ്ധരിച്ച്​ വാർത്താ ഏജൻസിയായ വാം റിപ്പോർട്ട്​ ചെയ്​തു. കാപ്​റ്റൻ ഷെഹിക്കു വേണ്ടിയുള്ള മയ്യിത്ത്​ നമസ്​കാരം ഫുജൈറ അൽ ഖുദ്​ഫയിലെ ഷഹീദ്​ മസ്​ജിദിൽ നടന്നു. 

31 വയസുള്ള അദ്ദേഹത്തിന്​ ഒമ്പതു മാസം പ്രായമുള്ള മകളടക്കം മൂന്ന്​ കുഞ്ഞുങ്ങളുണ്ടായിരുന്നു. വിജയമോ രക്​തസാക്ഷിത്വമോ ലഭിക്കാനായി പ്രാർഥിക്കണമെന്നായിരുന്നു കാപ്​റ്റൻ സുഹൃത്തുക്കൾക്ക് അവസാനമായി അയച്ച സന്ദേശം. കഴിഞ്ഞ മാസം നാല്​ ഇമറാത്തി സൈനികർ രക്​തസാക്ഷികളായിരുന്നു. 
രാഷ്​ട്ര പിതാവ്​ ശൈഖ്​ സായിദി​​െൻറ പേരമകൻ ശൈഖ്​ സായിദ്​ ബിൻ ഹംദാൻ ബിൻ സായിദ്​ ആൽ നഹ്​യാൻ ഉൾപ്പെടെ മൂന്നു പേർക്ക്​ പരിക്കും സംഭവിച്ചിരുന്നു.