ഇജാസി​െൻറ ഒാർമയിൽ ഇപ്പോഴും  മുഴങ്ങുന്നു ആ വെടിയൊച്ചകൾ 

ദുബൈ: മുംബൈ സന്ദർശിക്കുന്ന നൂറു കണക്കിന്​ സ്വദേശികൾക്കും വിദേശികൾക്കും കമനീയ  ഉപഹാരങ്ങൾ വിൽക്കുന്ന ജോലിയായിരുന്നു കണ്ണൂർ ചെറുവാൻഞ്ചേരി സ്വദേശി ഇജാസിന്​. ഒടുവിൽ ഇജാസിന്​ ദൈവം ഒരു ഉപഹാരം നൽകി^പുതു ജീവൻ. ​േലാകത്തെ നടുക്കിയ 2008ലെ മുംബൈ ഭീകരാക്രമണത്തി​​െൻറ നേർസാക്ഷിയാണ്​ ഇൗ ചെറുപ്പക്കാരൻ. മുംബൈ താജ്​ ഹോട്ടിലിനു പിറകിലെ കോസ്​വേയിലാണ്​ ഇജാസ് കോഹിനൂർ ഹാൻറി​ക്രാഫ്​റ്റ്​സ്​ എന്നു പേരിട്ട ഗിഫ്​റ്റ്​ കിയോസ്​ക്​ നടത്തിവന്നിരുന്നത്​.

ഭീകരർ അതുവഴിയാണ്​ ആർത്തലച്ച്​ വന്നത്​. കണ്ണിൽ കാണുന്നതെല്ലാം നശിപ്പിച്ച്​ കടന്നു പോയ അവർ ആരെയും തുരുതുരാ വെടിയുതിർത്തു. വലതു കൈ തണ്ടയിലും ഇടതു കൈപത്തിയിലും വെടിയേറ്റ്​ ചോരയിൽ കുളിച്ചു കിടന്ന ഇദ്ദേഹം ഏറെ നേരം ഉൗടുവഴികളിൽ ഒളിച്ചിരുന്നു. 
പിന്നീട്​  പൊലീസ്​ വണ്ടിയിൽ ആശുപത്രിയിലേക്ക്​ കൊണ്ടുപോയി. പക്ഷെ പരീക്ഷണങ്ങൾ അവസാനിച്ചിരുന്നില്ല. ഇജാസിനെ പ്രവേശിപ്പിച്ചിരുന്ന അതേ ജി.ടി. ആശുപത്രിയിലേക്ക്​ പാഞ്ഞു കയറിയ ഭീകരർ രണ്ടു ജീവനക്കാരെ കൊലപ്പെടുത്തി. ജീവനക്കാരും രോഗികളും ഡോക്​ടർമാരുമെല്ലാം കട്ടിലുകൾക്കടിയിൽ കുനിഞ്ഞു കിടന്നാണ്​ അന്ന്​ ജീവൻ രക്ഷിച്ചെടുത്തത്​. 

ചികിത്സ കഴിഞ്ഞ്​ തിരിച്ചെത്തിയപ്പോൾ അടുത്തുള്ള കടകളിൽ ജോലി ചെയ്​തിരുന്ന പല ചങ്ങാതിമാരെയും എന്നെന്നേക്കുമായി നഷ്​ടപ്പെട്ടിരുന്നു. പിന്നെയും കുറച്ചു മാസങ്ങൾ കൂടി അവിടെ കഴിഞ്ഞെങ്കിലും വൈകാതെ മുംബൈ വിടുകയായിരുന്നു. ഏതുസമയവും അക്രമങ്ങൾ പൊട്ടിപ്പുറപ്പെടുന്ന മുംബൈ വിട്ട്​ സമാധാനത്തി​​െൻറ തുരുത്തായ ദുബൈയിലേക്ക്​ ജീവിതം പറിച്ചു നട്ടു. 2010 മുതൽ ദുബൈയിൽ താമസിച്ചു വരുന്ന ഇജാസ്​ ബർദുബൈയിൽ ലേഡീസ്​ ബാഗ്​ ഷോപ്പ്​ നടത്തുകയാണ്​. ഒരു വർഷം മുൻപ്​ സഫരിയയെ ജീവിത യാത്രയിൽ ഒപ്പം കൂട്ടി. 

ആക്രമണത്തിൽ പരിക്കു പറ്റിയവർക്കുള്ള കേന്ദ്രസർക്കാർ ധനസഹായമായ ലക്ഷം രൂപ ഇജാസിനു ലഭിച്ചിരുന്നു. അര ലക്ഷം നൽകാമെന്ന അന്നത്തെ അച്യൂതാനന്ദൻ സർക്കാറി​​െൻറ ഒമ്പതു വർഷം പിന്നിട്ടിട്ടും വാക്കു പാലിച്ചില്ലെന്ന വിഷമവും ഇദ്ദേഹത്തിനുണ്ട്​.