ഐ.​ഐ.​ടി ഡ​ല്‍ഹി അ​ബൂ​ദ​ബി അ​പേ​ക്ഷ ക്ഷ​ണി​ച്ചു

അ​ബൂ​ദ​ബി: ഐ.​ഐ.​ടി ഡ​ല്‍ഹി അ​ബൂ​ദ​ബി കാ​മ്പ​സി​ലേ​ക്കു​ള്ള എം.​ടെ​ക് (എ​ന​ര്‍ജി ട്രാ​ന്‍സി​ഷ​ന്‍ ആ​ന്‍ഡ് സ​സ്‌​റ്റൈ​ന​ബി​ലി​റ്റി), പി​എ​ച്ച്.​ഡി(​എ​ന​ര്‍ജി ആ​ന്‍ഡ് സ​സ്‌​റ്റൈ​ന​ബി​ലി​റ്റി) ര​ണ്ടാം ബാ​ച്ചി​ലേ​ക്ക് പ്ര​വേ​ശ​നം ക്ഷ​ണി​ച്ചു തു​ട​ങ്ങി. ഓ​ണ്‍ലൈ​നാ​യാ​ണ് അ​പേ​ക്ഷ സ​മ​ര്‍പ്പി​ക്കേ​ണ്ട​ത്. 2025 ആ​ഗ​സ്റ്റി​ലാ​ണ് ക്ലാ​സു​ക​ള്‍ ആ​രം​ഭി​ക്കു​ക. 2024 ജ​നു​വ​രി​യി​ലാ​യി​രു​ന്നു ആ​ദ്യ എം.​ടെ​ക് കോ​ഴ്സ് അ​ബൂ​ദ​ബി കാ​മ്പ​സി​ലാ​രം​ഭി​ച്ച​ത്.

ര​ണ്ടു​വ​ര്‍ഷ​ത്തെ എം.​ടെ​ക് കോ​ഴ്സി​ലേ​ക്ക് പു​തു​താ​യി ബി​രു​ദം പൂ​ര്‍ത്തി​യാ​യ​വ​ര്‍ക്കും നി​ല​വി​ല്‍ ജോ​ലി ചെ​യ്യു​ന്ന​വ​ര്‍ക്കും അ​പേ​ക്ഷി​ക്കാം.ക​ഴി​ഞ്ഞ​വ​ര്‍ഷം ആ​ദ്യ​മാ​ണ് ലോ​ക​ത്തി​ലെ മു​ന്‍നി​ര എ​ന്‍ജി​നീ​യ​റി​ങ് കോ​ള​ജു​ക​ളി​ല്‍ ഒ​ന്നാ​യ ഐ.​ഐ.​ടി അ​ബൂ​ദ​ബി​യി​ല്‍ ആ​ദ്യ അ​ന്താ​രാ​ഷ്ട്ര കാ​മ്പ​സി​ന് തു​ട​ക്കം കു​റി​ച്ച​ത്. 20 പേ​രെ ഉ​ള്‍ക്കൊ​ള്ളി​ച്ച് മാ​സ്റ്റേ​ഴ്‌​സ് കോ​ഴ്‌​സാ​ണ് 2024 ജ​നു​വ​രി​യി​ല്‍ അ​ബൂ​ദ​ബി കാ​മ്പ​സി​ല്‍ തു​ട​ങ്ങി​യ​ത്. വൈ​കാ​തെ മാ​സ്റ്റേ​ഴ്‌​സ്, ബാ​ച്ചി​ല​ര്‍ കോ​ഴ്‌​സു​ക​ളി​ലാ​യി വി​ദ്യാ​ര്‍ഥി​ക​ളു​ടെ എ​ണ്ണം 80 ആ​യി ഉ​യ​ര്‍ത്തു​ക​യും ചെ​യ്തു. ബി​രു​ദ കോ​ഴ്‌​സി​ല്‍ 13 സ്വ​ദേ​ശി​ക​ളും ബി​രു​ദാ​ന​ന്ത​ര ബി​രു​ദ കോ​ഴ്‌​സി​ല്‍ 17 സ്വ​ദേ​ശി വി​ദ്യാ​ര്‍ഥി​ക​ളു​മാ​ണ് കാ​മ്പ​സി​ല്‍ പ​ഠ​നം തു​ട​രു​ന്ന​ത്.

ഊ​ര്‍ജ, സു​സ്ഥി​ര രം​ഗ​ത്ത് പി​എ​ച്ച്.​ഡി​ക്കും ക​ഴി​ഞ്ഞ മാ​സം കാ​മ്പ​സി​ല്‍ തു​ട​ക്കം കു​റി​ച്ചു. മി​ക​ച്ച കോ​ഴ്‌​സു​ക​ളും ഗ​വേ​ഷ​ണ സൗ​ക​ര്യ​വും വാ​ഗ്ദാ​നം ചെ​യ്ത് നൂ​ത​ന ഗ​വേ​ഷ​ണ രം​ഗ​ത്തെ ആ​ഗോ​ള ഹ​ബ്ബാ​യി അ​ബൂ​ദ​ബി​യെ മാ​റ്റി​യെ​ടു​ക്കു​ക​യെ​ന്ന ല​ക്ഷ്യ​വും ഐ.​ഐ.​ടി ഡ​ല്‍ഹി അ​ബൂ​ദ​ബി കാ​മ്പ​സ് കൊ​ണ്ട് അ​ധി​കൃ​ത​ര്‍ മു​ന്നോ​ട്ടു​വെ​ക്കു​ന്നു​ണ്ട്. കാ​മ്പ​സി​ല്‍ അ​ണ്ട​ര്‍ ഗ്രാ​ജ്വേ​റ്റ് ചെ​യ്യു​ന്ന ഇ​മാ​റാ​ത്തി വി​ദ്യാ​ര്‍ഥി​ക​ള്‍ക്ക് യു.​എ.​ഇ സ​ര്‍ക്കാ​ര്‍ പ്ര​തി​മാ​സം 4000 ദി​ര്‍ഹം സ്റ്റൈ​പ​ന്‍ഡും ഇ​തി​നു പു​റ​മേ, സൗ​ജ​ന്യ പ​ഠ​ന​വു​മാ​ണ് വാ​ഗ്ദാ​നം ചെ​യ്തി​രി​ക്കു​ന്ന​ത്.