ഐ.​ഐ.​ടി ഡ​ല്‍ഹി അ​ബൂ​ദ​ബി കാ​മ്പ​സ്; പ്ര​വേ​ശ​ന​ത്തി​ന് മികച്ച പ്ര​തി​ക​ര​ണം

അ​ബൂ​ദ​ബി: ഐ.​ഐ.​ടി ഡ​ല്‍ഹി​യു​ടെ അ​ബൂ​ദ​ബി കാ​മ്പ​സ്​​ ബി​രു​ദ​ പ്ര​വേ​ശ​ന​ത്തി​നാ​യി യു.​എ.​ഇ​യി​ൽ ന​ട​ത്തു​ന്ന കോ​മ​ൺ അ​ഡ്​​മി​ഷ​ൻ എ​ൻ​ട്ര​ൻ​സ്​ ടെ​സ്റ്റി​നാ​യു​ള്ള​ (സി.​എ.​ഇ.​ടി) അ​പേ​ക്ഷ​ക​ളി​ൽ​​ ആ​ഗോ​ള​ത​ല​ത്തി​ൽ വ​ൻ ​പ്ര​തി​ക​ര​ണം. ഫെ​ബ്രു​വ​രി 16, ഏ​​പ്രി​ൽ 13 തീ​യ​തി​ക​ളി​ലാ​യി ന​ട​ത്തു​ന്ന ടെ​സ്റ്റി​ന്​ ലോ​ക രാ​ജ്യ​ങ്ങ​ളി​ൽ​നി​ന്നു​ള്ള വി​ദ്യാ​ർ​ഥി​ക​ൾ അ​പേ​ക്ഷ സ​മ​ർ​പ്പി​ച്ച​താ​യി ഐ.​ഐ.​ടി അ​ധി​കൃ​ത​ർ അ​റി​യി​ച്ചു. അ​ബൂ​ദ​ബി കാ​മ്പ​സി​ന്​ പു​റ​മെ ദു​ബൈ, ഷാ​ർ​ജ, ന്യൂ​ഡ​ൽ​ഹി എ​ന്നി​വി​ട​ങ്ങ​ളി​ലാ​ണ്​ പ​രീ​ക്ഷ കേ​ന്ദ്ര​ങ്ങ​ൾ.

എ​ന​ര്‍ജി എ​ന്‍ജി​നീ​യ​റി​ങ്, ക​മ്പ്യൂ​ട്ട​ര്‍ സ​യ​ന്‍സ്, കെ​മി​ക്ക​ല്‍ എ​ന്‍ജി​നീ​യ​റി​ങ് എ​ന്നീ കോ​ഴ്സു​ക​ളി​ലേ​ക്കാ​ണ് മൂ​ന്നു മ​ണി​ക്കൂ​ർ നീ​ളു​ന്ന പ്ര​വേ​ശ​ന പ​രീ​ക്ഷ. വി​ദ്യാ​ർ​ഥി​ക​ൾ​ക്ക്​ ര​ണ്ട്​ പ​രീ​ക്ഷ​ക​ളി​ലും പ​​ങ്കെ​ടു​ക്കാം. ഇ​തി​ൽ ഉ​യ​ർ​ന്ന സ്​​കോ​റാ​യി​രി​ക്കും അ​വ​സാ​ന സെ​ല​ക്ഷ​നാ​യി പ​രി​ഗ​ണി​ക്കു​ക. ഇ​ന്ത്യ​യി​ല്‍ താ​മ​സി​ക്കു​ന്ന ഇ​ന്ത്യ​ന്‍ വി​ദ്യാ​ര്‍ഥി​ക​ള്‍ ജെ.​ഇ.​ഇ അ​ഡ്വാ​ന്‍സ്ഡ് പ​രീ​ക്ഷ​യാ​ണ് പ്ര​വേ​ശ​ന​ത്തി​നാ​യി പ​രി​ഗ​ണി​ക്കു​ക.ക​ഴി​ഞ്ഞ​വ​ര്‍ഷം ആ​ദ്യ​മാ​ണ് ലോ​ക​ത്തി​ലെ മു​ന്‍നി​ര എ​ന്‍ജി​നീ​യ​റി​ങ് കോ​ള​ജു​ക​ളി​ലൊ​ന്നാ​യ ഐ.​ഐ.​ടി അ​ബൂ​ദ​ബി​യി​ല്‍ ആ​ദ്യ അ​ന്താ​രാ​ഷ്ട്ര കാ​മ്പ​സി​ന് തു​ട​ക്കം കു​റി​ച്ച​ത്. 20 പേ​രെ ഉ​ള്‍ക്കൊ​ള്ളി​ച്ച് മാ​സ്റ്റേ​ഴ്സ് കോ​ഴ്സാ​ണ് 2024 ജ​നു​വ​രി​യി​ല്‍ അ​ബൂ​ദ​ബി കാ​മ്പ​സി​ല്‍ തു​ട​ങ്ങി​യ​ത്.

വൈ​കാ​തെ മാ​സ്റ്റേ​ഴ്സ്, ബാ​ച്ചി​ല​ര്‍ കോ​ഴ്സു​ക​ളി​ലാ​യി വി​ദ്യാ​ര്‍ഥി​ക​ളു​ടെ എ​ണ്ണം 80 ആ​യി ഉ​യ​ര്‍ത്തു​ക​യും ചെ​യ്തു. ബി​രു​ദ കോ​ഴ്സി​ല്‍ 13 സ്വ​ദേ​ശി​ക​ളും ബി​രു​ദാ​ന​ന്ത​ര ബി​രു​ദ കോ​ഴ്സി​ല്‍ 17 സ്വ​ദേ​ശി വി​ദ്യാ​ര്‍ഥി​ക​ളു​മാ​ണ് കാ​മ്പ​സി​ല്‍ പ​ഠ​നം തു​ട​രു​ന്ന​ത്. ഊ​ര്‍ജ, സു​സ്ഥി​ര​രം​ഗ​ത്ത് പി​എ​ച്ച്.​ഡി​ക്കും ക​ഴി​ഞ്ഞ​മാ​സം കാ​മ്പ​സി​ല്‍ തു​ട​ക്കം കു​റി​ച്ചു. മി​ക​ച്ച കോ​ഴ്സു​ക​ളും ഗ​വേ​ഷ​ണ സൗ​ക​ര്യ​വു​മാ​ണ്​ അ​ബൂ​ദ​ബി കാ​മ്പ​സ്​ വാ​ഗ്ദാ​നം ചെ​യ്യു​ന്ന​ത്.

പ്ര​വേ​ശ​ന​പ​രീ​ക്ഷ​യു​ടെ അ​പേ​ക്ഷ​ക​രി​ല്‍നി​ന്ന് മി​ക​ച്ച പ്ര​തി​ക​ര​ണ​മാ​ണ് ല​ഭി​ച്ചു​വ​രു​ന്ന​താ​യും മി​ക​ച്ച അ​ന്താ​രാ​ഷ്ട്ര കാ​മ്പ​സാ​യി ഐ.​ഐ.​ടി ഡ​ല്‍ഹി അ​ബൂ​ദ​ബി​യെ മാ​റ്റി​യെ​ടു​ക്കു​ക​യാ​ണ് ത​ങ്ങ​ളു​ടെ ല​ക്ഷ്യ​മെ​ന്നും ഐ.​ഐ.​ടി ഡ​ല്‍ഹി അ​ബൂ​ദ​ബി​യു​ടെ എ​ക്സി​ക്യൂ​ട്ടി​വ് ഡ​യ​റ​ക്ട​ര്‍ ഡോ. ​ശാ​ന്ത​നു റോ​യി പ​റ​ഞ്ഞു. കാ​മ്പ​സി​ല്‍ ബി​രു​ദ കോ​ഴ്​​സു​ക​ൾ ചെ​യ്യു​ന്ന ഇ​മാ​റാ​ത്തി വി​ദ്യാ​ര്‍ഥി​ക​ള്‍ക്ക് യു.​എ.​ഇ സ​ര്‍ക്കാ​ര്‍ പ്ര​തി​മാ​സം നാ​ലാ​യി​രം ദി​ര്‍ഹം സ്‌​റ്റൈ​പ​ന്‍ഡും ഇ​തി​നു പു​റ​മേ സൗ​ജ​ന്യ പ​ഠ​ന​വു​മാ​ണ് വാ​ഗ്ദാ​നം ചെ​യ്തി​രി​ക്കു​ന്ന​ത്.