വാ​യു​നി​ല​വാ​രം കൂ​ട്ടി​യാ​ൽ​ പ്ര​തി​വ​ർ​ഷം ലാ​ഭം 59.6 കോ​ടി

ദു​ബൈ: ലോ​കാ​രോ​ഗ്യ സം​ഘ​ട​ന​യു​ടെ മാ​ർ​ഗ​നി​ർ​ദേ​ശ​ങ്ങ​ൾ അ​നു​സ​രി​ച്ച്​ യു.​എ.​ഇ​യി​ലെ വാ​യു ഗു​ണ​നി​ല​വാ​രം മെ​ച്ച​പ്പെ​ടു​ത്തി​യാ​ൽ രാ​ജ്യ​ത്തി​ന്​ പ്ര​തി​വ​ർ​ഷം 59.6 കോ​ടി ദി​ർ​ഹം ലാ​ഭി​ക്കാ​മെ​ന്ന്​ പ​ഠ​ന റി​പ്പോ​ർ​ട്ട്. വാ​യു​നി​ല​വാ​രം വ​ർ​ധി​പ്പി​ച്ചാ​ൽ ശ്വാ​സ​കോ​ശ സം​ബ​ന്ധ​മാ​യ അ​സു​ഖ​ങ്ങ​ൾ, ആ​ശു​പ​ത്രി അ​ഡ്​​മി​ഷ​നു​ക​ൾ, അ​കാ​ല മ​ര​ണ​ങ്ങ​ൾ എ​ന്നി​വ കു​റ​ക്കാ​ൻ സാ​ധി​ക്കും.

ഇ​തു​വ​ഴി കോ​ടി​ക​ളു​ടെ ചെ​ല​വ്​ കു​റ​ച്ച്​ കൊ​ണ്ടു​വ​രാ​ൻ ക​ഴി​യു​മെ​ന്നാ​ണ്​ റി​പ്പോ​ർ​ട്ട്​ വ്യ​ക്ത​മാ​ക്കു​ന്ന​ത്. കു​റ​ഞ്ഞ വ​രു​മാ​ന​മു​ള്ള സ​മൂ​ഹ​ങ്ങ​ൾ​ക്കാ​യി ആ​രോ​ഗ്യ ബോ​ധ​വ​ത്​​ക​ര​ണ​വും ആ​രോ​ഗ്യ വി​ദ്യാ​ഭ്യാ​സ​വും ല​ഭ്യ​മാ​ക്കു​ന്ന​തി​ലൂ​ടെ​ ജീ​വ​ൻ ര​ക്ഷി​ക്കാ​നും ഓ​രോ വ​ർ​ഷ​വും കോ​ടി​ക്ക​ണ​ക്കി​ന് ദി​ർ​ഹ​ത്തി​ന്‍റെ സാ​മ്പ​ത്തി​ക മൂ​ല്യം സൃ​ഷ്ടി​ക്കാ​നും സ​ഹാ​യി​ക്കു​മെ​ന്നും പ​ഠ​നം പ​റ​യു​ന്നു. ശ​നി​യാ​ഴ്ച ആ​ഗോ​ള ഉ​പ​ഭോ​ക്​​തൃ ആ​രോ​ഗ്യ സ്ഥാ​പ​ന​മാ​യ ഹാ​ലി​യോ​ണി​ന്‍റെ സ​ഹ​ക​ര​ണ​ത്തി​ലൂ​ടെ ഇ​ക​ണോ​മി​ക്​ ഇം​പാ​ക്ട്​ ആ​ണ്​ റി​പ്പോ​ർ​ട്ട്​ വി​ക​സി​പ്പി​ച്ചി​രി​ക്കു​ന്ന​ത്. മെ​ച്ച​പ്പെ​ട്ട ന​യ​ങ്ങ​ൾ, സം​വി​ധാ​ന​ങ്ങ​ൾ, ക​മ്യൂ​ണി​റ്റി സം​രം​ഭ​ങ്ങ​ൾ എ​ന്നി​വ​യി​ലൂ​ടെ 40 രാ​ജ്യ​ങ്ങ​ൾ​ക്ക് ന​ല്ല ആ​രോ​ഗ്യ​ത്തി​നു​ള്ള ത​ട​സ്സ​ങ്ങ​ൾ എ​ങ്ങ​നെ നീ​ക്കാ​ൻ ക​ഴി​യു​മെ​ന്നാ​ണ്​ പ​ഠ​നം വി​ല​യി​രു​ത്തി​യ​ത്. വാ​യു മ​ലി​നീ​ക​ര​ണ​മാ​ണ്​ ഏ​റ്റ​വും വ​ലി​യ ആ​രോ​ഗ്യ വെ​ല്ലു​വി​ളി​യെ​ന്ന്​ ഇ​ക​മോ​ണി​ക്​ ഇം​പാ​ക്ട്​ സീ​നി​യ​ർ ക​ൺ​സ​ൽ​ട്ട​ന്‍റ്​ ജെ​റാ​ൾ​ഡ്​ ദു​ൻ​ലീ​വി പ​റ​ഞ്ഞു.

ആ​ശു​പ​ത്രി സ​ന്ദ​ർ​ശ​ന​ങ്ങ​ൾ കു​റ​യു​ന്ന​തി​ൽ​നി​ന്ന്​​ മാ​ത്ര​മ​ല്ല, സ​മൂ​ഹ​ത്തി​ലു​ട​നീ​ള​മു​ള്ള ആ​രോ​ഗ്യ​ക​ര​വും കൂ​ടു​ത​ൽ ഉ​ൽ​പാ​ദ​ന​ക്ഷ​മ​വു​മാ​യ ജീ​വി​ത​ത്തി​ൽ​നി​ന്നാ​ണ് ഈ ​സ​മ്പാ​ദ്യം ല​ഭി​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ലോ​ക​ത്തെ 94 ശ​ത​മാ​നം മ​നു​ഷ്യ​രും​ ലോ​കാ​രോ​ഗ്യ സം​ഘ​ട​ന ശി​പാ​ർ​ശ ചെ​യ്യു​ന്ന ത​ല​ത്തി​നെ​ക്കാ​ൾ മ​ലി​ന​മാ​യ വാ​യു​വാ​ണ്​ ശ്വ​സി​ക്കു​ന്ന​ത്. ഇ​ത്​ അ​വ​രു​ടെ ആ​രോ​ഗ്യ​ത്തി​ന്​ ഹാ​നി​ക​ര​മാ​ണ്. വാ​യു മ​ലി​നീ​ക​ര​ണം കു​റ​ച്ചാ​ൽ ന​ല്ല ആ​രോ​ഗ്യ​വും സാ​മ്പ​ത്തി​ക മെ​ച്ച​ങ്ങ​ളും ല​ഭി​ക്കും. താ​ഴ്ന്ന വ​രു​മാ​ന​മു​ള്ള ജ​ന​ങ്ങ​ൾ​ക്ക്​ അ​ത്​ വ​ലി​യ നേ​ട്ട​മാ​യി​രി​ക്കു​മെ​ന്നും റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു.