‘ഐഡെക്‌സ്’ സമാപിച്ചു; ഒപ്പുവെച്ചത്​ കോടികളുടെ കരാറുകളില്‍

അബൂദബി: ലോ​ക​ത്തി​ലെ വ​ലി​യ പ്ര​തി​രോ​ധ എ​ക്സി​ബി​ഷ​നു​ക​ളി​ലൊ​ന്നാ​യ ഐ​ഡെ​ക്സ്, ന​വ​ഡെ​ക്സ് അ​ബൂ​ദ​ബി​യി​ല്‍ സ​മാ​പി​ച്ചു. അ​ഞ്ചു​ദി​വ​സ​ങ്ങ​ളി​ലാ​യി അ​ര​ങ്ങേ​റി​യ പ്ര​തി​രോ​ധ എ​ക്സി​ബി​ഷ​നി​ല്‍ യു.​എ.​ഇ പ്ര​തി​രോ​ധ മ​ന്ത്രാ​ല​യ​വും അ​ബൂ​ദ​ബി പൊ​ലീ​സും ത​വ​സു​ന്‍ കൗ​ണ്‍സി​ല്‍ മു​ഖേ​ന 23.34 ശ​ത​കോ​ടി ദി​ര്‍ഹ​മി​ന്‍റെ 56 ക​രാ​റു​ക​ളി​ല്‍ ഒ​പ്പു​വെ​ച്ചു.

പ്ര​ദ​ര്‍ശ​ന​ത്തി​ന്‍റെ അ​വ​സാ​ന ദി​ന​ത്തി​ല്‍ 2.25 ശ​ത​കോ​ടി ദി​ര്‍ഹ​മി​ന്‍റെ 12 ക​രാ​റു​ക​ളി​ലാ​ണ് ഒ​പ്പു​വെ​ച്ച​തെ​ന്ന് ത​വ​സു​ന്‍ കൗ​ണ്‍സി​ല്‍ ഔ​ദ്യോ​ഗി​ക വ​ക്താ​ക്ക​ളാ​യ മാ​ജി​ദ് അ​ഹ​മ്മ​ദ് അ​ല്‍ ജാ​ബി​രി, സാ​യി​ദ് സ​ഈ​ദ് അ​ല്‍ മെ​റൈ​ഖി​യും കൗ​ണ്‍സി​ല്‍ അ​ക്വി​സി​ഷ​ന്‍ മാ​നേ​ജ്മെ​ന്റ് സെ​ക്ട​ര്‍ ചീ​ഫ് അ​ഹ​മ്മ​ദ് അ​ലി അ​ല്‍ ഹ​ര്‍മൂ​ദി​യും വാ​ര്‍ത്ത​സ​മ്മേ​ള​ന​ത്തി​ല്‍ അ​റി​യി​ച്ചു. അ​വ​സാ​ന ദി​ന​ത്തി​ല്‍ 160 കോ​ടി ദി​ര്‍ഹ​മി​ന്‍റെ അ​ഞ്ച് അ​ന്താ​രാ​ഷ്ട്ര ക​രാ​റു​ക​ളി​ലാ​ണ് ത​വ​സു​ന്‍ ഒ​പ്പു​വെ​ച്ച​ത്. മു​ന്‍ വ​ര്‍ഷ​ത്തെ അ​പേ​ക്ഷി​ച്ച് 12 ശ​ത​മാ​നം വ​ള​ര്‍ച്ച കൈ​വ​രി​ക്കാ​ൻ എ​ക്സി​ബി​ഷ​നി​ലൂ​ടെ സാ​ധി​ച്ച​താ​യും വ്യ​ക്ത​മാ​ക്കി.

അ​ബൂ​ദ​ബി എ​ക്‌​സി​ക്യൂ​ട്ടി​വ് ഓ​ഫി​സ് ചെ​യ​ർ​മാ​നും അ​ബൂ​ദ​ബി എ​ക്‌​സി​ക്യൂ​ട്ടി​വ് കൗ​ൺ​സി​ൽ അം​ഗ​വു​മാ​യ ​ശൈ​ഖ്​ ഖാ​ലി​ദ്​ ബി​ൻ മു​ഹ​മ്മ​ദ്​ ആ​ൽ ന​ഹ്​​യാ​ൻ എ​ക്സി​ബി​ഷ​ൻ വെ​ള്ളി​യാ​ഴ്ച സ​ന്ദ​ർ​ശി​ച്ചു. നാ​വി​ക, വ്യോ​മ പ്ര​തി​രോ​ധ ഉ​പ​ക​ര​ണ​ങ്ങ​ൾ പ്ര​ദ​ർ​ശി​പ്പി​ക്കു​ന്ന ആ​ഭ്യ​ന്ത​ര, അ​ന്ത​ർ​ദേ​ശീ​യ ക​മ്പ​നി​ക​ളു​ടെ പ​വി​ലി​യ​നു​ക​ൾ അ​ദ്ദേ​ഹം സ​ന്ദ​ർ​ശി​ച്ചു. അ​ബൂ​ദ​ബി നാ​ഷ​ന​ൽ എ​ക്സി​ബി​ഷ​ൻ സെ​ന്‍റ​റി​ൽ അ​ഞ്ചു​ദി​വ​സ​മാ​യി ന​ട​ന്ന പ്ര​ദ​ർ​ശ​നം കാ​ണു​ന്ന​തി​ന്​ നേ​ര​ത്തെ യു.​എ.​ഇ ​പ്ര​സി​ഡ​ൻ​റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ, യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം എ​ന്നി​വ​ര​ട​ക്കം പ്ര​മു​ഖ​രും സ​ന്ദ​ർ​ശി​ച്ചി​രു​ന്നു.

ലോ​ക​മെ​മ്പാ​ടു​മു​ള്ള പ്ര​തി​രോ​ധ മേ​ഖ​ല​യി​ലെ ക​മ്പ​നി​ക​ളെ ആ​ക​ർ​ഷി​ച്ച ഐ​ഡെ​ക്‌​സി​ൽ, യു.​എ.​ഇ സാ​യു​ധ​സേ​ന​യും അ​ബൂ​ദ​ബി പൊ​ലീ​സും പ​രി​പാ​ടി​യു​ടെ ആ​ദ്യ നാ​ല് ദി​വ​സ​ങ്ങ​ളി​ൽ 21.14 ശ​ത​കോ​ടി ദി​ർ​ഹം മൂ​ല്യ​മു​ള്ള ക​രാ​റു​ക​ളി​ൽ ഒ​പ്പു​വെ​ച്ചി​രു​ന്നു.സ​മു​ദ്ര പ്ര​തി​രോ​ധ വ്യ​വ​സാ​യ​ത്തി​ലെ ഏ​റ്റ​വും പു​തി​യ നൂ​ത​ന സാ​ങ്കേ​തി​ക​വി​ദ്യ​ക​ൾ അ​വ​ത​രി​പ്പി​ച്ച പ്ര​ദ​ർ​ശ​ന​മാ​ണ്​ നാ​വ​ഡെ​ക്സ്.