Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightദുബൈ...

ദുബൈ വിമാനത്താവളത്തിലിറങ്ങാൻ െഎ.സി.എ അനുമതി വേണം

text_fields
bookmark_border
ദുബൈ വിമാനത്താവളത്തിലിറങ്ങാൻ െഎ.സി.എ അനുമതി വേണം
cancel
camera_alt

ദുബെ വിമാനത്താവളം

ദുബൈ: മറ്റ്​ രാജ്യങ്ങളിൽനിന്ന്​ ദുബെ വിമാനത്താവളത്തിലെത്തുന്ന എല്ലാവരും ഐ.സി.എ അനുമതി തേടിയിരിക്കണമെന്ന്​ ദുബൈ വിമാനത്താവളം അധികൃതർ വ്യക്​തമാക്കി.മറ്റ്​ എമിറേറ്റുകളിലുള്ളവർ ദുബൈ വിമാനത്താവളം വഴിയാണ്​ എത്തുന്നതെങ്കിൽ ഫെഡറൽ അതോറിറ്റി ഫോർ ഐഡൻറിറ്റിയുടെ (ഐ.സി.എ) അനുമതിയാണ്​ തേടേണ്ടത്​. ദുബൈ വിസക്കാർ​ ജി.ഡി.ആർ.എഫ്​.എയുടെ അനുമതി നേടണമെന്നും അധികൃതർ വ്യക്​തമാക്കി.

അനുമതിയില്ലാതെ യാത്രക്കാർ എത്തുന്നത് വിമാനത്താവളത്തിലെ നടപടിക്രമങ്ങളെ ബാധിക്കുന്ന സാഹചര്യത്തിലാണ് നിർദേശം. റെസിഡൻറ്​ വിസക്കാരുടെ മടങ്ങിവരവ് ആരംഭിച്ചപ്പോൾ തന്നെ ഈ നിബന്ധനയുണ്ടായിരുന്നു. എന്നാൽ, ദുബൈ വിമാനത്താവളത്തിൽ ഇറങ്ങുന്നവർക്ക് ചില ഇളവുകൾ ലഭിച്ചിരുന്നു. ഐ.സി.എ അനുമതിയില്ലാതെ ദുബൈ എമിറേറ്റിന് പുറത്തുള്ള റെസിഡൻറ്​ വിസക്കാർ എത്തുന്നത്​ ബുദ്ധിമുട്ടുണ്ടാക്കി.

ഇവർക്ക് എമിഗ്രേഷൻ ക്ലിയറൻസ് ലഭിച്ച് പുറത്തിറങ്ങാൻ കാലതാമസം നേരിടുന്ന സാഹചര്യത്തിലാണ് അധികൃതർ ഇക്കാര്യം കർശനമാക്കാൻ തീരുമാനിച്ചത്. ഐ.സി.എയുടെയും ജി.ഡി.ആർ.എഫ്​.എയുടെയും വെബ്സൈറ്റുകൾ വഴി അനുമതി തേടാം. ദുബൈയിൽനിന്ന്​ നാട്ടിലേക്ക്​ പോകുന്നവർക്ക്​ ഉടൻ തിരിച്ചെത്താൻ ഉദ്ദേശ്യമുണ്ടെങ്കിൽ ഇവിടെ നിന്ന്​ ജി.ഡി.ആർ.എഫ്​.എ അനുമതിക്കായി അപേക്ഷിക്കാൻ അവസരമുണ്ട്​. അടുത്ത ദിവസം തന്നെ തിരിച്ചെത്താനുള്ളവർ ഇവിടെ നിന്ന്​ അപേക്ഷിച്ചിട്ട്​ നാട്ടിലേക്ക്​ പോകുന്നതാണ്​ നല്ലത്​. എന്നാൽ, 30 ദിവസത്തിന്​ ശേഷമാണ്​ തിരിച്ചുവരാൻ ഉദ്ദേശിക്കുന്നതെങ്കിൽ നാട്ടിലെത്തിയ ശേഷം രജിസ്​റ്റർ ചെയ്​താൽ മതി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Dubai AirportICA
Next Story