ഐ.ബി.പി.സി: യു.എ.ഇ അംബാസഡറും ഇന്ത്യൻ കോൺസുൽ ജനറലും രക്ഷാധികാരികൾ

ദുബൈ: ദുബൈയിലെ ഇന്ത്യൻ ബിസിനസ്​ ആൻഡ്​ പ്രഫഷനൽ കൗൺസിലി​െൻറ (ഐ.ബി.പി.സി) രക്ഷാധികാരികളായി ഇന്ത്യയിലെ യു.എ.ഇ അംബാസഡർ ഡോ. അഹ്​മദ്​ അൽ ബന്നയെയും ദുബൈയിലെ ഇന്ത്യൻ കോൺസുൽ ജനറൽ ഡോ. അമൻ പുരിയെയും നിയമിച്ചു.

ഇവർക്കു പുറമെ നാല്​ പുതിയ ഗവർണർമാരെയും നിയമിച്ചു. നിലവിലെ ഗവർണർമാരുടെ കാലാവധി മൂന്ന്​ വർഷം കൂടി നീട്ടി നൽകാനും തീരുമാനിച്ചു. മലയാളി സംരംഭകരായ ലുലു ഗ്രൂപ്​​ ചെയർമാൻ എം.എ. യൂസഫലി, ആസ്​റ്റർ ഡി.എം ഹെൽത്ത്​ കെയർ ചെയർമാൻ ഡോ. ആസാദ്​ മൂപ്പൻ തുടങ്ങിയവർ നിലവിലെ ഗവർണർമാരാണ്​.സിദ്ധാർഥ്​ ബാലചന്ദ്രൻ, സുരേന്ദർ സിങ്​ ഖണ്ഡാരി, പരസ്​ ഷദദ്​പുരി, സുനിൽ സിൻഹ എന്നിവരാണ്​ പുതിയ ഗവർണർമാർ.ഇന്ത്യയും യു.എ.ഇയും തമ്മിൽ വാണിജ്യ-വ്യവസായ രംഗത്ത്​ മികച്ച സഹകരണമാണെന്നും ഇന്ത്യൻ വ്യവസായ മേഖലയിലെ കുതിപ്പ്​ യു.എ.ഇക്കും ഗുണം ചെയ്യുമെന്നും അഹ്​മദ്​ അൽ ബന്ന പറഞ്ഞു.