ഹ്യുവായ് സാങ്കേതിക പ്രതിനിധികള് റാക് പൊലീസുമായി ചര്ച്ച നടത്തി
text_fieldsറാസല്ഖൈമ: ഹ്യുവായ് ഗ്രൂപ്പ് ടെക്നോളജി സിസ്റ്റം ആൻറ് നെറ്റ്വര്ക്സ് സാങ്കേതിക പ്രതിനിധി സംഘത്തിന് റാക് പൊലീസ് ആസ്ഥാനത്ത് സ്വീകരണം നല്കി. റാസല്ഖൈമയില് സ്ഥാപനങ്ങള്ക്ക് നിര്ബന്ധമാക്കിയ സി.സി.ടി.വി സിസ്റ്റവുമായി ബന്ധപ്പെട്ട ചര്ച്ചകള്ക്കാണ് സംഘം എത്തിയതെന്ന് ജനറല് പബ്ലിക് റിസോഴ്സ് ആൻറ് സപ്പോര്ട്ട് സര്വീസ് (ജി.ആര്.എ) ഡയറക്ടര് ബ്രിഗേഡിയര് ജമാല് അഹമ്മദ് അല് തയ്ര് വ്യക്തമാക്കി. പൊലീസ് ആസ്ഥാനത്തെ പ്രധാന ഹാളില് നടന്ന ചര്ച്ചയില് റാസല്ഖൈമയില് സ്ഥാപിച്ചിരിക്കുന്ന സുരക്ഷാ ക്യാമറകളുടെ പ്രവര്ത്തനങ്ങള് വിലയിരുത്തി. സുരക്ഷാ സംവിധാനങ്ങളുടെ നവീകരണത്തെക്കുറിച്ചും യോഗം ചര്ച്ച ചെയ്തു. വകുപ്പ് മേധാവികളും ഉദ്യോഗ്സഥരും സംബന്ധിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
