‘ഹുബ്ബുൽ ഇമാറാത്ത്’ പെരുന്നാൾ ആഘോഷം 27ന്

അബൂദബി: ബലി പെരുന്നാളിനോടനുബന്ധിച്ച് അബൂദബി ഇന്ത്യൻ ഇസ്​ലാമിക് സെന്‍റർ (ഐ.ഐ.സി) സംഘടിപ്പിക്കുന്ന ‘ഹുബ്ബുൽ ഇമാറാത്ത്’ എന്ന പേരിൽ ഈദുൽ അദ്ഹാ സാംസ്കാരിക പരിപാടി മേയ്​ 27ന് വൈകിട്ട് ഏഴിന്​ സെന്‍റർ മെയിൻ ഓഡിറ്റോറിയത്തിൽ നടക്കും.ഗായകൻ കണ്ണൂർ ഷെരീഫിന്‍റെ ഗാനവിരുന്നാണ് പരിപാടിയുടെ പ്രധാന ആകർഷണം.

അസിൻ വെള്ളില, കീർത്തന സബരീഷ്, സന്ധ്യ വിജയൻ എന്നിവരുള്‍പ്പെടെ നിരവധി കലാകാരൻമാരും പരിപാടിയിൽ പങ്കെടുക്കും.യു.എ.ഇയുടെ വിവിധ ഭാഗങ്ങളിൽ നിന്നായി കുടുംബങ്ങൾ, സാമൂഹിക-സാംസ്കാരിക പ്രവർത്തകർ, നേതാക്കൾ, കലാസ്വാദകർ തുടങ്ങി ആയിരത്തിലധികം പേർ പങ്കെടുക്കുമെന്നാണ് പ്രതീക്ഷ.