യു​വ​തി​യി​ൽ​നി​ന്ന്​ വാ​യ്പ വാ​ങ്ങി​യ പ​ണം തി​രി​കെ ന​ൽ​കാ​ൻ വി​ധി

അ​ബൂ​ദ​ബി: യു​വ​തി​യി​ല്‍നി​ന്ന് വാ​യ്പ​യാ​യി വാ​ങ്ങി​യ നാ​ലു​ല​ക്ഷം ദി​ര്‍ഹം തി​രി​കെ കൊ​ടു​ക്കാ​ന്‍ യു​വാ​വി​ന് നി​ര്‍ദേ​ശം ന​ല്‍കി അ​ബൂ​ദ​ബി ഫാ​മി​ലി, സി​വി​ല്‍, അ​ഡ്മി​നി​സ്‌​ട്രേ​റ്റി​വ് ക്ലെ​യിം​സ് കോ​ട​തി. വി​ശ്വാ​സ​ത്തി​ന്റെ പു​റ​ത്ത് യു​വ​തി ക​ടം ന​ല്‍കി​യ പ​ണം തി​രി​കെ ന​ല്‍കാ​തി​രി​ക്കു​ക​യാ​യി​രു​ന്നു. തു​ട​ര്‍ന്നാ​ണ് യു​വ​തി കോ​ട​തി​യെ സ​മീ​പി​ച്ച​ത്.

താ​ന്‍ ന​ല്‍കി​യ നാ​ലു​ല​ക്ഷം ദി​ര്‍ഹം അ​ഞ്ചു​ശ​ത​മാ​നം പ​ലി​ശ സ​ഹി​തം തി​രി​കെ വാ​ങ്ങി ന​ല്‍ക​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു പ​രാ​തി. ര​ണ്ടു​ല​ക്ഷം ദി​ര്‍ഹം വീ​തം ര​ണ്ടു ത​വ​ണ​യാ​യാ​ണ് താ​ന്‍ യു​വാ​വി​ന് ക​ടം ന​ല്‍കി​യ​തെ​ന്നും യു​വ​തി ചൂ​ണ്ടി​ക്കാ​ട്ടു​ന്നു. പ​ണം കൈ​പ്പ​റ്റി​യ​തി​ന് യു​വാ​വ് ഒ​പ്പി​ട്ടു ന​ല്‍കി​യ ര​സീ​തും യു​വ​തി കോ​ട​തി​യി​ല്‍ സ​മ​ര്‍പ്പി​ച്ചു. യു​വ​തി ഹാ​ജ​രാ​ക്കി​യ ര​സീ​തി​ലെ ഒ​പ്പ് ത​ന്റേ​താ​ണെ​ന്ന് യു​വാ​വ് സാ​ക്ഷ്യ​പ്പെ​ടു​ത്തി. പ​ണം തി​രി​കെ ന​ല്‍കി​യെ​ന്നു തെ​ളി​യി​ക്കാ​നും യു​വാ​വി​നാ​യി​ല്ല. ഇ​തു ക​ണ​ക്കി​ലെ​ടു​ത്താ​ണ് കോ​ട​തി യു​വാ​വി​നോ​ട് പ​രാ​തി​ക്കാ​രി​യു​ടെ പ​ണം തി​രി​കെ ന​ല്‍കാ​ന്‍ ഉ​ത്ത​ര​വി​ട്ട​ത്.