Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഹൂതി ആക്രമണം:...

ഹൂതി ആക്രമണം: മരിച്ചവരുടെ കുടുംബത്തിന്​​ നഷ്ടപരിഹാരവും ജോലിയും നൽകും -അംബാസഡർ

text_fields
bookmark_border
ഹൂതി ആക്രമണം: മരിച്ചവരുടെ കുടുംബത്തിന്​​ നഷ്ടപരിഹാരവും ജോലിയും നൽകും -അംബാസഡർ
cancel
camera_alt

ഇന്ത്യൻ അംബാസഡർ സഞ്ജയ്​ സുധീർ

ദുബൈ: അബൂദബിയിൽ ഹൂതികളുടെ ആക്രമണത്തിൽ കൊല്ലപ്പെട്ട ഇന്ത്യക്കാരുടെ കുടുംബത്തിന്​ നഷ്ടപരിഹാരവും ജോലിയും നൽകുമെന്ന്​ അബൂദബി നാഷനൽ ഓയിൽ കമ്പനി(അഡ്​നോക്​) അറിയിച്ചതായി യു.എ.ഇയിലെ ഇന്ത്യൻ അംബാസഡർ സഞ്ജയ്​ സുധീർ. എംബസിയിൽ നടന്ന വാർത്ത സമ്മേളനത്തിലാണ്​ അംബാസഡർ ഇക്കാര്യം അറിയിച്ചത്​. സംഭവത്തിൽ മരിച്ച ഇന്ത്യയിലെ പഞ്ചാബ്​ സ്വദേശികളായ ഹർദീപ്​ സിങ്​, ഹർദേവ്​ സിങ്​ എന്നിവരുടെ കുടുംബാംഗങ്ങൾക്കാണ്​ ആനുകൂല്യം ലഭിക്കുക. ഇരുവരും മരിച്ച മറ്റൊരാളായ പാകിസ്താൻ സ്വദേശിയും അഡ്​നോഡ്​ കമ്പനി ജീവനക്കാരായിരുന്നു. ഇവരുടെ മക്കളുടെ വിദ്യാഭ്യാസ ​െചലവുകളും കമ്പനി ഏറ്റെടുക്കുമെന്ന്​ അറിയിച്ചിട്ടുണ്ട്​. ബന്ധുക്കളുടെ മരണത്തിൽ പ്രയാസപ്പെടുന്ന കുടുംബത്തിന്​ എല്ലാ ഘട്ടങ്ങളിലും അഡ്​നോകിന്‍റെയും യു.എ.ഇ സർക്കാറിന്‍റെയും സഹായം ലഭിച്ചതായും അംബാസഡർ അറിയിച്ചു. മൃതദേഹം നാട്ടിലെത്തിക്കുന്നതിന്​ എല്ലാ ​െചലവുകളും വഹിച്ചത്​ അഡ്​നോകാണ്​.

മരണപ്പെട്ടവരുടെ സേവന ആനുകൂല്യങ്ങൾ അവരുടെ കുടുംബങ്ങൾക്ക്​ എത്തിക്കുന്നതും ത്വരിതപ്പെടുത്തിയിട്ടുണ്ട്​. ഇതിനു പുറമെയാണ്​ കുടുംബങ്ങൾക്ക്​ ജോലിയും കുട്ടികളുടെ പഠനച്ചെലവുകളും ഏറ്റെടുത്തിരിക്കുന്നത്​ -അംബാസഡർ വ്യക്തമാക്കി. ആക്രമണത്തിൽ പരിക്കേറ്റ ഇന്ത്യക്കാരായ റമദാൻ മുഹമ്മദ്​ റാത്ത്​, റാം സിങ്​ സർവണൻ എന്നിവർക്ക്​ചികിത്സാസൗകര്യങ്ങളും കമ്പനി ഒരുക്കുന്നുണ്ടെന്നും യു.എ.ഇ ലോകത്തെ സുരക്ഷിത രാജ്യമാണെന്നും ആശങ്കപ്പെടേണ്ട ഒരു സാഹചര്യവുമില്ലെന്നും പറഞ്ഞു. ജനുവരി 17നാണ്​ അബൂദബിയിലെ അഡ്​നോക്​ കേന്ദ്രത്തിലുണ്ടായ ഹൂതി ആക്രമണത്തിൽ മൂന്ന്​ ഓയിൽ ടാങ്കറുകൾ പൊട്ടിത്തെറിച്ച്​ മൂന്നുപേർ കൊല്ലപ്പെട്ടത്​. അന്താരാഷ്ട്ര ​സമൂഹം ഒന്നടങ്കം അപലപിച്ച സംഭവത്തിൽ ആറുപേർക്ക്​ പരിക്കേൽക്കുകയുമുണ്ടായി.

Show Full Article
TAGS:dubai Houthi attack Compensation for families 
News Summary - Houthi attack: Compensation and jobs for families of dead - Ambassador
Next Story