ശൈഖ്​ സായിദ്​ ഭവന പദ്ധതിക്ക്​ 90 ലക്ഷം ദിർഹം നൽകി ഇന്ത്യൻ വ്യവസായി 

ദുബൈ: താഴ്​ന്ന വരുമാനക്കാർക്കായി യു.എ.ഇ സർക്കാർ പ്രഖ്യാപിച്ച ശൈഖ്​ സായിദ്​ ഹൗസിംഗ്​ പ്രോഗ്രാമിൽ പത്തു വീടുകൾ നിർമിക്കാൻ ഇന്ത്യൻ വ്യവസായി. ​േദാഡ്​സാൽ എൻജിനീയറിങ്​ ​ഗ്രൂപ്പ്​ മേധാവി രാജൻ കിലാചന്ദ്​ 90 ലക്ഷം ദിർഹമാണ്​ ഇതിനായി നൽകിയത്​. യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാൻ ആഹ്വാനം ചെയ്​ത ദാനവർഷാചരണത്തി​​െൻറ ഭാഗമായാണ്​ ഭവന പദ്ധതി നടപ്പാക്കുന്നത്​.  

രാജ്യത്തെ പശ്​ചാത്തല സൗകര്യ വികസനത്തിലും പാർപ്പിട ആവശ്യങ്ങൾ നിറവേറ്റുന്നതിലും സ്വകാര്യ മേഖലയുടെ പങ്കാളിത്തം പരമപ്രധാനമാണെന്നും കിലാചന്ദി​​െൻറ സഹകരണം ശ്ര​േദ്ധയമാണെന്നും പശ്​ചാത്തല വികസന വകുപ്പ്​ മന്ത്രിയും ഭവന പദ്ധതി അധ്യക്ഷനുമായ ഡോ. അബ്​ദുല്ല മുഹമ്മദ്​ ബിൽ ഹൈൽ അൽ നു​െഎമി പറഞ്ഞു. ത​​െൻറ സ്വപ്​നങ്ങളെ സാക്ഷാൽക്കരിക്കാൻ ഇടം നൽകിയ ദേശമാണ്​ യു.എ.ഇയെന്നും ആവശ്യക്കാരായ മനുഷ്യർക്ക്​ പിന്തുണ എത്തിക്കുക എന്നത്​ ഒാരോ മനുഷ്യ​​െൻറയും കടമയാണെന്നും കിലാചന്ദ്​ പറഞ്ഞു.