'സ്​പുട്​നിക്​' വൈകാതെ എത്തുമെന്ന്​ പ്രതീക്ഷ

ദുബൈ: യു.എ.ഇ നാലാമത്തെ വാക്​സിനായുള്ള കാത്തിരിപ്പിലാണ്​. റഷ്യയുടെ സ്​പുട്​നിക്​ വാക്​സിൻ കഴിഞ്ഞ മാസം എത്തുമെന്ന്​ അറിയിച്ചിരുന്നെങ്കിലും ലഭ്യതക്കുറവ്​ മൂലം ഇതുവരെ റഷ്യയിൽ നിന്ന്​ അയച്ചിട്ടില്ല. ഈ വാക്​സിന്​ യു.എ.ഇ ആരോഗ്യമന്ത്രാലയം നേരത്തെ തന്നെ അനുമതി നൽകിയിരുന്നു. 1000 ആരോഗ്യപ്രവർത്തകർക്ക്​ നൽകി​ ഫലപ്രദമെന്ന്​ കണ്ടെത്തിയതി​െൻറ അടിസ്​ഥാനത്തിലാണ്​ അനുമതി​. നിലവിൽ ചൈനയുടെ സിനോഫോം, ഇന്ത്യയുടെ അസ്​ട്രസിനിക, അമേരിക്കയുടെ ഫൈസർ എന്നിവയാണ്​ യു.എ.ഇയിൽ വിതരണം ചെയ്യുന്നത്​.

ആദ്യ ഡോസ്​ എടുത്ത്​ 28 ദിവസത്തിന്​ ശേഷം 91.4 ശതമാനം ഫലപ്രദമാണ്​ സ്​പുട്​നിക്​ എന്നാണ്​ വിദഗ്​ദരുടെ വിലയിരുത്തൽ. 42 ദിവസം കഴിയു​േമ്പാൾ 95 ശതമാനം ഫലപ്രദമാകും. 20 ദിവസത്തി​െൻറ ഇടയിലാണ്​ രണ്ട്​ ഡോസുകൾ എടുക്കേണ്ടത്​. അബൂദബിയിൽ വാക്​സിൻ പരീക്ഷണത്തിന്​ സന്നദ്ധരായി മുന്നോട്ടുവന്ന 1000 പേർക്കാണ്​ സ്​പുട്​നിക്ക്​ നൽകിയത്​. ഇവരിൽ 995 പേർക്കും രണ്ട്​ ഡോസും നൽകി. ആറ്​ മാസം ഇവരെ നിരീക്ഷിക്കും. മാർച്ച്​ മധ്യത്തോടെ സ്​പുട്​നിക്​ എത്തി വിതരണം ചെയ്യാൻ കഴിയുമെന്നാണ്​ പ്രതീക്ഷ. ഈ സമയമാകു​േമ്പാൾ ആരോഗ്യ പ്രവർത്തകർ വാക്​സിൻ സ്വീകരിച്ച്​ 42 ദിവസം കഴിയും. അതിനാൽ, കൂടുതൽ വിശ്വാസ്യതയോടെ പൊതുജനങ്ങളിലേക്ക്​ എത്തിക്കാൻ കഴിയും. 100 കോടി ഡോസ്​ നിർമിക്കാനാണ്​ റഷ്യയുടെ പദ്ധതി. 30 രാജ്യങ്ങളിൽ സ്​പുട്​നിക്​ എത്തും. സോവിയറ്റ്​ യൂനിയൻ 1957ൽ വിക്ഷേപിച്ച ആദ്യ സാറ്റലൈറ്റായ സ്​പുട്​നികി​െൻറ പേരാണ്​ വാക്​സിന്​ നൽകിയിരിക്കുന്നത്​. യു.എ.ഇയിൽ ജനസംഖ്യയുടെ പകുതിയും വാക്​സിനെടുത്ത്​ കഴിഞ്ഞു.