വീട്ടിൽ തീപിടിത്തം: കുടുംബത്തിലെ 12 പേരെ രക്ഷപ്പെടുത്തി

ദുബൈ: തീപിടിത്തമുണ്ടായതിനെ തുടർന്ന്​ വീട്ടിനുള്ളിൽ അകപ്പെട്ട 12 പേരെ ദുബൈ സിവിൽ ഡിഫൻസ്​ രക്ഷപ്പെടുത്തി. ദുബൈ അൽ ലിസാലി പ്രദേശത്താണ്​ സംഭവം. ടെൻറിലുണ്ടായ ഷോർട്ട്​ സർക്യൂട്ടാണ്​ തീപിടിത്തത്തിനിടയാക്കിയത്​. ആർക്കും പരിക്കേറ്റില്ലെന്ന്​ സിവിൽ ഡിഫൻസ്​ അറിയിച്ചു.

ടെൻറും സമീപ​​ പ്രദേശങ്ങളും വ്യാപകമായി കത്തിനശിച്ചു. വെള്ളിയാഴ്​ച രാവിലെ 7.21നാണ്​ സിവിൽ ഡിഫൻസി​െൻറ ഓഫിസിൽ ​ഫോൺ വിളി എത്തുന്നത്​. ഏഴ്​ മിനിറ്റിനുള്ളിൽ സംഭവസ്​ഥലത്തെത്തിയ സംഘം എട്ട്​ മണിയോടെ തീ പൂർണമായും അണച്ചു.