ഹോളി ഖുർആൻ അവാർഡ്​ : അമേരിക്കൻ ഹാഫിസ്​ അഹ്​മദ്​ ബുർഹാൻ ജേതാവ്​

ദുബൈ: അമേരിക്കയിൽ നിന്നെത്തിയ അഹ്​മദ്​ ബുർഹാൻ ലോക​ത്തെ ഏറ്റവും ശ്രദ്ധേയമായ ഖുർആൻ പാരായണ മത്സരമായ ദുബൈ ഇൻറർനാഷനൽ ഹോളി ഖുർആൻ അവാർഡി​​​െൻറ 22ാം അധ്യായത്തി​ൽ ഒന്നാം സമ്മാനം നേടി.   
കാതിനും മനസിനും മധുരവും കുളിരും പെയ്യുന്ന പാരായണ മികവാണ്​  ബുർഹാനെ  രണ്ടര ലക്ഷം ദിർഹം സമ്മാനതുകയുള്ള പുരസ്​കാരത്തിന്​ അർഹനാക്കിയത്​.  ഹംസ അൽ ബഷീർ (ലിബിയ), മുഹമ്മദ്​ മആരിഫ്​ (ടുനീഷ്യ) എന്നിവർ രണ്ടാം സ്​ഥാനക്കാരായി. ഇവർക്ക്​ രണ്ടു ലക്ഷം ദിർഹം സമ്മാനം ലഭിക്കും. അഹ്​മദ്​ ഹെർക്കത്​ (അൾജീരിയ) നാലാം സ്​ഥാനവും അൽസാവി ഇ​​ബ്രാഹിം (സൗദി) അഞ്ചാം സ്​ഥാനവും നേടി. ഇന്ത്യയെ പ്രതിനിധീകരിച്ച്​ കോഴിക്കോട്​ സ്വദേശി മുഹമ്മദ്​ റോഷൻ ആണ്​ മത്സരത്തിൽ പ​െങ്കടുത്തത്​. സായിദ്​ വർഷം പ്രമാണിച്ച്​ കൂടുതൽ തിളക്കത്തോടെയാണ്​ ഇക്കുറി അവാർഡ്​ പരിപാടി ഒരുക്കിയിരുന്നത്​. ദു
യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തുമി​​​െൻറ രക്ഷകർതൃത്വത്തിൽ നടത്തി വരുന്ന ദിഹ്​ഖയുടെ സമാപന ചടങ്ങിൽ മുഹമ്മദ്​ ബിൻ റാശിദ്​ ആൽ മക്​തൂം ഫൗണ്ടേഷൻ ചെയർമാൻ   ശൈഖ്​ അഹ്​മദ്​ ബിൻ മുഹമ്മദ്​ ബിൻ റാശിദ്​ ആൽ മക്​തൂം പുരസ്​കാരം സമ്മാനിച്ചു.
ഇൗ വർഷത്തെ ഇസ്​ലാമിക വ്യക്​തിത്വ പുരസ്​കാരം   പ്രമുഖ ഇസ്​ലാമിക പണ്ഡിതനും മസ്​ജിദുന്നബവി ഇമാമുമായ   ​ൈശഖ്​ ഡോ. അലി ബിൻ അബ്​ദുറഹ്​മാൻ അൽ ഹുദൈഫി ഏറ്റുവാങ്ങി. 
ദുബൈ ഭരണാധികാരിയുടെ സാംസ്​കാരിക ഉപദേഷ്​ടാവും അവാർഡ്​ കമ്മിറ്റി മേധാവിയുമായ ഇബ്രാഹിം മുഹമ്മദ്​ ബു മിൽഹ നേതൃത്വം നൽകി.