സ​മൂ​ഹ​മാ​ധ്യ​മ​ങ്ങ​ളി​ൽ വേ​ട്ട​യാ​ട​പ്പെ​ടു​ന്നെ​ന്ന്​ ഹോ​ളോ​കോ​സ്റ്റ്​ ​ഇ​ര

ദു​ബൈ: നാ​സി ക്യാ​മ്പി​ൽ നേ​രി​ട്ട പീ​ഡ​ന​ങ്ങ​ൾ പ​റ​യു​മ്പോ​ൾ സ​മൂ​ഹ​മാ​ധ്യ​മ​ങ്ങ​ളി​ൽ അ​ധി​ക്ഷേ​പി​ക്ക​​പ്പെ​ടു​ന്നു​വെ​ന്ന്​ ഹോ​ളോ​കോ​സ്റ്റ്​ ഇ​ര​യാ​യ 88കാ​ര​ൻ. ദു​ബൈ​യി​ൽ ന​ട​ന്ന ച​ട​ങ്ങി​ൽ 1941-45 കാ​ല​ത്തെ അ​നു​ഭ​വ​ങ്ങ​ൾ വി​വ​രി​ച്ച​ശേ​ഷ​മാ​ണ്​ ഗൈ​ഡ​ൻ ലെ​വ്​ എ​ന്ന​യാ​ൾ ഇ​ക്കാ​ര്യം പ​റ​ഞ്ഞ​ത്. ചി​ല​ർ താ​ൻ പ​റ​യു​ന്ന​ത്​ ക​ള​വാ​ണെ​ന്നാ​ണ്​ ക​രു​തു​ന്ന​ത്. പ​ക്ഷേ, സം​ഭ​വ​ങ്ങ​ൾ നു​ണ​യാ​യി​രു​ന്നെ​ങ്കി​ൽ എ​ന്ന് ഞാ​ൻ ആ​ഗ്ര​ഹി​ക്കു​ന്നു. അ​ങ്ങ​നെ​യെ​ങ്കി​ൽ എ​നി​ക്ക്​ അ​ച്ഛ​നും മു​ത്ത​ശ്ശ​നും മു​ത്ത​ശ്ശി​യും ബ​ന്ധു​ക്ക​ളു​മെ​ല്ലാം ഉ​ണ്ടാ​കുമായി​രു​ന്നു -അ​ദ്ദേ​ഹം കൂ​ട്ടി​ച്ചേ​ർ​ത്തു.

ഹോ​ളോ​കോ​സ്റ്റ് അ​തി​ജീ​വി​ച്ച​യാ​ളെ​ന്ന നി​ല​യി​ൽ ത​ന്‍റെ ജീ​വി​തം വി​വ​രി​ക്കു​ന്ന ‘ദി ​ട്രൂ അ​ഡ്വ​ഞ്ചേ​ഴ്‌​സ് ഓ​ഫ് ഗി​ഡോ​ൺ ലെ​വി’​ന്‍റെ ര​ച​യി​താ​വ് കൂ​ടി​യാ​ണ് അ​ദ്ദേ​ഹം. സ​മാ​ധാ​ന​ത്തോ​ടെ ജീ​വി​ക്കാ​നാ​ണ്​ രാ​ജ്യം ആ​ഗ്ര​ഹി​ക്കു​ന്ന​തെ​ന്നും എ​ന്നാ​ൽ, ജൂ​ത​പൗ​ര​ന്മാ​രെ സം​ര​ക്ഷി​ക്കാ​ൻ പോ​രാ​ടു​മെ​ന്നും സ​മീ​പ​കാ​ല സം​ഘ​ർ​ഷ​ങ്ങ​ളി​ലേ​ക്ക്​ സൂ​ച​ന ന​ൽ​കി യു.​എ.​ഇ​യി​ലെ ഇ​സ്രാ​യേ​ൽ അം​ബാ​സ​ഡ​ർ അ​മീ​ർ ഹ​യേ​ക് പ​റ​ഞ്ഞു. ക്രോ​സ്‌​റോ​ഡ്‌​സ് ഓ​ഫ് സി​വി​ലൈ​സേ​ഷ​ൻ​സ് മ്യൂ​സി​യ​ത്തി​ലാ​ണ്​ പ​രി​പാ​ടി ന​ട​ന്ന​ത്. ച​ട​ങ്ങി​ൽ ജൂ​ത സ​മൂ​ഹ​ത്തി​ലെ അം​ഗ​ങ്ങ​ളും പ്ര​മു​ഖ​രാ​യ ഇ​മാ​റാ​ത്തി​ക​ളും പ​​ങ്കെ​ടു​ത്തു.

ഹോ​ളോ​കോ​സ്റ്റി​ന്‍റെ ഭ​യാ​ന​ക​മാ​യ യാ​ഥാ​ർ​ഥ്യ​ങ്ങ​ൾ അം​ഗീ​ക​രി​ക്കേ​ണ്ട​ത് പ്ര​ധാ​ന​മാ​യ​തി​നാ​ലാ​ണ്​ പ​രി​പാ​ടി ഒ​രു​ക്കി​യ​തെ​ന്ന്​ മ്യൂ​സി​യം ഡ​യ​റ​ക്ട​ർ അ​ഹ​മ്മ​ദ്​ ഉ​ബൈ​ദ്​ അ​ൽ മ​ൻ​സൂ​രി പ​റ​ഞ്ഞു. ഹോ​ളോ​കോ​സ്റ്റ്​ പാ​ഠ്യ​പ​ദ്ധ​തി​യി​ൽ ഉ​ൾ​പ്പെ​ടു​ത്താ​ൻ യു.​എ.​ഇ തീ​രു​മാ​നി​ച്ച​ത്​ അ​റ​ബ്​ യു​വ​ത​യെ സം​ഭ​വ​ത്തെ പ​രി​ച​യ​പ്പെ​ടു​ത്താ​ൻ ഉ​പ​ക​രി​ക്കു​മെ​ന്ന്​ അ​ദ്ദേ​ഹം കൂ​ട്ടി​ച്ചേ​ർ​ത്തു. പ്രൈ​മ​റി, സെ​ക്ക​ൻ​ഡ​റി ക്ലാ​സു​ക​ളി​ലാ​ണ്​ ര​ണ്ടാം​ ലോ​ക​​യു​ദ്ധ കാ​ല​ത്തെ ജൂ​ത​കൂ​ട്ട​ക്കൊ​ല പ​ഠി​പ്പി​ക്കു​ക​യെ​ന്ന്​ നേ​ര​ത്തെ അ​ധി​കൃ​ത​ർ വെ​ളി​പ്പെ​ടു​ത്തി​യി​രു​ന്നു. സെ​പ്​​റ്റം​ബ​റി​ൽ ഇ​സ്രാ​യേ​ൽ സ​ന്ദ​ർ​ശി​ച്ച​പ്പോ​ൾ യു.​എ.​ഇ വി​ദേ​ശ​കാ​ര്യ, അ​ന്താ​രാ​ഷ്ട്ര സ​ഹ​ക​ര​ണ മ​ന്ത്രി ശൈ​ഖ്​ അ​ബ്​​ദു​ല്ല ബി​ൻ സാ​യി​ദ്​ ആ​ൽ ന​ഹ്​​യാ​ൻ ജ​റൂ​സ​ല​മി​ലെ ഹോ​ളോ​കാ​സ്റ്റ് മെ​​മ്മോ​റി​യ​ൽ യാ​ദ് വാ​ഷെം സ​ന്ദ​ർ​ശി​ച്ചി​രു​ന്നു. 2020 സെ​പ്റ്റം​ബ​റി​ൽ​ യു.​എ.​ഇ​യും ഇ​സ്രാ​യേ​ലും ത​മ്മി​ൽ അ​ബ്ര​ഹാം ക​രാ​റി​ൽ ഒ​പ്പു​വെ​ച്ച​തോ​ടെ​യാ​ണ്​ ന​യ​ത​ന്ത്ര, സാം​സ്കാ​രി​ക രം​ഗ​ങ്ങ​ളി​ൽ സ​ഹ​ക​രി​ച്ചു​ള്ള പ്ര​വ​ർ​ത്ത​ന​ങ്ങ​ൾ സ​ജീ​വ​മാ​യ​ത്.