അപകടം കുറഞ്ഞില്ലെങ്കിൽ ഹൈവേകളിലെ വേഗപരിധി പുന:സ്​ഥാപിച്ചേക്കും

ദുബൈ: അപകട നിരക്കിൽ കുറവുണ്ടായില്ലെങ്കിൽ ഹൈവേകളിലൂടെ വാഹനങ്ങൾക്ക്​ പോകാവുന്ന വേഗ പരിധി പഴയ രീതിയിലേക്ക്​ മാറ്റാൻ സാധ്യത. അടുത്ത വർഷത്തോടെയായിരിക്കും ഇത്​ നടപ്പിൽ വരുത്തുക. മനുഷ്യ ജീവൻ സംരക്ഷിക്കുക എന്ന ഉദ്ദേശത്തോടെയാണ്​ മണിക്കൂറിൽ 120 കിലോമീറ്റർ വേഗം എന്നത്​ 110 ആക്കിക്കുറച്ചത്​. ആറ്​ മാസത്തെ സ്​ഥിതിഗതികൾ വിലയിരുത്തു​േമ്പാൾ അപകടങ്ങളിൽ കുറവുണ്ടാകുന്നില്ലെങ്കിൽ നിയന്ത്രണം പഴയ പടിയാക്കുമെന്ന്​ ദുബൈ പൊലീസ്​ ഒാപറേഷൻസ്​ കമാൻഡർ ഇൻ ചീഫും യു.എ.ഇ. ഫെഡറൽ ട്രാഫിക്​ കൗൺസിൽ തലവനുമായ മേജർ ജനറൽ മുഹമ്മദ്​ സൈഫ്​ അൽ സഫീൻ പറഞ്ഞു. മാർച്ച്​ 15 ന്​ താരതമ്യപഠനം നടത്തു​േമ്പാൾ അപകടങ്ങൾക്ക്​ കുറവൊന്നുമുണ്ടായില്ലെങ്കിൽ ആർടിഎക്ക്​ ഒപ്പം ചേർന്ന്​ വേഗപരിധി പഴയ നിലയിലാക്കുമെന്ന്​ അദ്ദേഹം വാഗ്​ദാനം ചെയ്​തു.

ദുബൈയിലെ രണ്ട്​ പ്രധാന റോഡുകളായ ശൈഖ്​ മുഹമ്മദ്​ ബിൻ സായദ്​ റോഡിലും എമിറേറ്റ്​ റോഡിലും കഴിഞ്ഞ 15 നാണ്​ നിയന്ത്രണം നിലവിൽ വന്നത്​. കഴിഞ്ഞ വർഷം ഇൗ റോഡുകളിലുണ്ടായ അപകടങ്ങളിൽ39 പേരാണ്​ മരിച്ചത്​. ഇതിൽ 60 ശതമാനവും അമിത വേഗം മൂലം സംഭവിച്ചതാണെന്ന കണ്ടെത്തലിനെ തുടർന്നാണ്​ വേഗ നിയന്ത്രണം കൊണ്ടുവന്നത്​.

ശൈഖ്​ സായദ്​ റോഡിൽ ഇൗ വർഷം ആദ്യ പകുതിയിൽ 99 അപകടങ്ങൾ ഉണ്ടായി. ഇതിൽ ആറ്​ പേർ മരിക്കുകയും 78പേർക്ക്​ പരിക്കേൽക്കുകയും ചെയ്​ തു. കഴിഞ്ഞ വർഷം 196 അപകടങ്ങളിലായി 33 പേർ മരിക്കുകയും 249 പേർക്ക്​ പരിക്കേൽക്കുകയും ചെയ്​ത റോഡാണിത്​. എമിറേറ്റ്​ റോഡിൽ ഇൗ വർഷം ആദ്യ പകുതിയിൽ 40 അപകടങ്ങളായി 10 പേർ മരിക്കുകയും 75 പേർക്ക്​ പരിക്കേൽക്കുകയും ചെയ്​തു. കഴിഞ്ഞ വർഷം 86 അപകടങ്ങളിലായി 29 പേർ മരിച്ചിരുന്നു. 147 പേർക്കാണ്​ പരിക്കേറ്റത്​.