കാ​റി​ന​ടി​യി​ൽ ഒ​ളി​പ്പി​ച്ച്​ മ​നു​ഷ്യ​ക്ക​ട​ത്ത്​; ശ്ര​മം​ ത​ക​ർ​ത്ത്​ ഷാ​ർ​ജ ക​സ്റ്റം​സ്​

ഷാ​ർ​ജ: എസ്​.യു.വി കാറുകളുടെ പിന്നിലെ ബംബറിനുള്ളിൽ സ്ഥാപിച്ച രഹസ്യ അറയിൽ ചെ​റി​യ പെ​ട്ടി​ക​ളി​ൽ യു.​എ.​ഇ​യി​ലേ​ക്ക്​ ക​ട​ക്കാ​ൻ ശ്ര​മി​ച്ച ര​ണ്ടു​പേ​രെ ഷാ​ർ​ജ അ​ധി​കൃ​ത​ർ പി​ടി​കൂ​ടി. എ​ക്സ്റേ സ്കാ​ന​റു​ക​ൾ ഉ​പ​യോ​ഗി​ച്ചു​ള്ള പ​രി​ശോ​ധ​ന​യാ​ണ്​ മ​നു​ഷ്യ​ക്ക​ട​ത്ത്​ ത​ട​യാ​ൻ സ​ഹാ​യി​ച്ച​ത്. ഷാ​ർ​ജ ​പോ​ർ​ട്​​സ്, ക​സ്റ്റം​സ്​ ആ​ൻ​ഡ്​ ഫ്രീ​സോ​ൺ അ​തോ​റി​റ്റി​യാ​ണ്​ കു​റ്റ​കൃ​ത്യം ക​ണ്ടെ​ത്തി​യ​ത്. ക​ഴി​ഞ്ഞ ആ​ഴ്ച ഒ​മാ​ൻ അ​തി​ർ​ത്തി​വ​ഴി​യാ​ണ്​ നു​ഴ​ഞ്ഞു​ക​യ​റ്റ​ത്തി​ന്​ ശ്ര​മ​മു​ണ്ടാ​യ​ത്. എ​ന്നാ​ൽ, ഏ​ത്​ അ​തി​ർ​ത്തി വ​ഴി​യാ​ണെ​ന്ന്​ വെ​ളി​പ്പെ​ടു​ത്തി​യി​ട്ടി​ല്ല.

കാ​റു​ക​ളു​ടെ പി​റ​കി​ൽ ഒ​റ്റ​നോ​ട്ട​ത്തി​ൽ ശ്ര​ദ്ധ​യി​ൽ​പെ​ടാ​ത്ത രീ​തി​യി​ലാ​ണ്​ ഇ​രു​മ്പ്​ അ​റ സ്ഥാ​പി​ച്ച​ത്. സ്കാ​നി​ങ്ങി​ൽ മ​നു​ഷ്യ​സാ​ന്നി​ധ്യം ക​ണ്ടെ​ത്തി​യ​തി​നെ തു​ട​ർ​ന്ന്​ ന​ട​ത്തി​യ പ​രി​ശോ​ധ​ന​യി​ലാ​ണ്​ ഗു​രു​ത​ര കു​റ്റ​കൃ​ത്യം പി​ടി​കൂ​ടി​യ​ത്. കാ​റു​ക​ളു​ടെ എ​ക്സ്​​ഹോ​സ്റ്റ്​ പൈ​പ്പി​ന്​ മു​ക​ളി​ലാ​യാ​ണ്​ ര​ഹ​സ്യ അ​റ ക​ണ്ടെ​ത്തി​യ​ത്. അ​റ​ക​ൾ പൊ​ളി​ച്ച്​ ഒ​ളി​ച്ചി​രു​ന്ന​വ​രെ പി​ടി​കൂ​ടു​ന്ന വി​ഡി​യോ അ​ധി​കൃ​ത​ർ സ​മൂ​ഹ മാ​ധ്യ​മ​ങ്ങ​ൾ വ​ഴി പു​റ​ത്തു​വി​ട്ടു. പി​ടി​യി​ലാ​യ ര​ണ്ടു​പേ​രു​ടെ​യും കൈ​വ​ശം രേ​ഖ​ക​ളോ ഐ​ഡ​ന്‍റി​റ്റി കാ​ർ​ഡു​ക​ളോ ഉ​ണ്ടാ​യി​രു​ന്നി​ല്ല. ഇ​വ​ർ​ക്കൊ​പ്പം ര​ണ്ട്​ കാ​ർ ഡ്രൈ​വ​ർ​മാ​ർ​ക്കെ​തി​രെ​യും നി​യ​മ​ന​ട​പ​ടി​ക​ൾ​ക്കാ​യി ബ​ന്ധ​പ്പെ​ട്ട വ​കു​പ്പി​ന്​ കൈ​മാ​റി.

മ​നു​ഷ്യ​ക്ക​ട​ത്ത്​ ഓ​പ​റേ​ഷ​ൻ വ​ള​രെ ഗൗ​ര​വ​ത്തി​ലാ​ണ്​ ഷാ​ർ​ജ ക​സ്റ്റം​സ്​ പ​രി​ഗ​ണി​ക്കു​ന്ന​തെ​ന്ന്​ വ​കു​പ്പ്​ ഡ​യ​റ​ക്ട​ർ മു​ഹ​മ്മ​ദ്​ ഇ​ബ്രാ​ഹീം അ​ൽ റ​ഈ​സി പ​റ​ഞ്ഞു. വ​ള​രെ വേ​ഗ​ത്തി​ൽ വ​ള​രു​ന്ന ക​രു​ത്തു​റ്റ സ​മ്പ​ദ്​ വ്യ​വ​സ്ഥ​യെ​ന്ന​താ​ണ്​ യു.​എ.​ഇ​യെ ല​ക്ഷ്യ​മാ​യി ഇ​ത്ത​ര​ക്കാ​ർ കാ​ണാ​നു​ള്ള കാ​ര​ണം. രാ​ജ്യ​​ത്തി​ന​ക​ത്തേ​ക്കും പു​റ​ത്തേ​ക്കു​മു​ള്ള എ​ല്ലാ ത​ര​ത്തി​ലു​ള്ള നു​ഴ​ഞ്ഞു​ക​യ​റ്റ​വും ഒ​ഴി​വാ​ക്കു​ന്ന​തി​ന്​ ഷാ​ർ​ജ ക​സ്റ്റം​സ്​ ഏ​റ്റ​വും മി​ക​ച്ച സം​വി​ധാ​ന​ങ്ങ​ളാ​ണ്​ ഉ​പ​യോ​ഗി​ക്കു​ന്ന​ത്​ -അ​ദ്ദേ​ഹം കൂ​ട്ടി​ച്ചേ​ർ​ത്തു. സ​മൂ​ഹ​ത്തി​ന്റെ സു​ര​ക്ഷ കാ​ത്തു​സൂ​ക്ഷി​ക്കു​ന്ന​തി​നാ​യി ഷാ​ർ​ജ ക​സ്റ്റം​സ്​ കാ​ഴ്ച​വെ​ക്കു​ന്ന ക​ഴി​വി​നും ജാ​ഗ്ര​ത​ക്കും അ​ദ്ദേ​ഹം അ​ഭി​ന​ന്ദ​നം അ​റി​യി​ക്കു​ക​യും ചെ​യ്​​തു. 40ലേ​റെ പേ​രെ രാ​ജ്യ​ത്തേ​ക്ക്​ ക​ട​ത്തി​യ​താ​യി 2020ൽ ​റി​പ്പോ​ർ​ട്ട്​ പു​റ​ത്തു​വ​ന്നി​രു​ന്നു. എ​ന്നാ​ൽ, ഓ​രോ വ​ർ​ഷ​വും ഇ​ത്ത​രം സം​ഭ​വ​ങ്ങ​ളു​ടെ എ​ണ്ണം കു​റ​ഞ്ഞു​വ​രു​ക​യാ​ണ്. മ​നു​ഷ്യ​ക്ക​ട​ത്ത്​ തെ​ളി​ഞ്ഞാ​ൽ ജീ​വ​പ​ര്യ​ന്തം ത​ട​വും നാ​ടു​ക​ട​ത്ത​ലും അ​ട​ക്ക​മു​ള്ള ശി​ക്ഷ​യാ​ണ്​ ല​ഭി​ക്കു​ക.