പൈതൃകസംരക്ഷണത്തിന്​ ഹെറിറ്റേജ് അതോറിറ്റി രൂപവത്​കരിച്ചു

അ​ബൂ​ദ​ബി: യു.​എ.​ഇ​യു​ടെ പൈ​തൃ​ക​സം​ര​ക്ഷ​ണ​ത്തി​നാ​യി അ​ബൂ​ദ​ബി ഹെ​റി​റ്റേ​ജ് അ​തോ​റി​റ്റി​ക്ക് അ​ധി​കൃ​ത​ര്‍ രൂ​പം ന​ല്‍കി. എ​മി​റേ​റ്റ്സ് ഹെ​റി​റ്റേ​ജ് ക്ല​ബി​നും അ​ബൂ​ദ​ബി ക​ള്‍ച്ച​റ​ല്‍ പ്രോ​ഗ്രാം​സ് ആ​ന്‍ഡ് ഹെ​റി​റ്റേ​ജ് ഫെ​സ്റ്റി​വ​ല്‍സ് ക​മ്മി​റ്റി​ക്കും പ​ക​ര​മാ​യാ​ണ്​ പു​തി​യ അ​തോ​റി​റ്റി​ക്കു രൂ​പം ന​ല്‍കി​യി​രി​ക്കു​ന്ന​ത്. യു.​എ.​ഇ. പ്ര​സി​ഡ​ന്‍റ്​ ശൈ​ഖ് മു​ഹ​മ്മ​ദ് ബി​ൻ സാ​യി​ദ്​ ആ​ൽ ന​ഹ്​​യാ​നാ​ണ്​ ഇ​തു സം​ബ​ന്ധി​ച്ച നി​യ​മം പു​റ​പ്പെ​ടു​വി​ച്ച​ത്.

ഇ​മാ​റാ​ത്തി പൈ​തൃ​ക​വും പാ​ര​മ്പ​ര്യ​വും സം​ര​ക്ഷി​ക്കു​ന്ന​തി​നും ദേ​ശീ​യ വ്യ​ക്തി​ത്വ മൂ​ല്യ​ങ്ങ​ളും പാ​ര​മ്പ​ര്യ​വും പ്രോ​ത്സാ​ഹി​പ്പി​ക്കു​ന്ന​തി​നും പാ​ര​മ്പ​ര്യ രീ​തി​ക​ള്‍ രേ​ഖ​ക​ളാ​ക്കു​ന്ന​തി​നും സാ​ഹി​ത്യ​ത്തി​ലും പാ​ര​മ്പ​ര്യ​ത്തി​ലും ഗ​വേ​ഷ​ണ​വും പ​ഠ​ന​വും ന​ട​ത്തു​ക​യു​മാ​ണ് അ​തോ​റി​റ്റി​യു​ടെ പ്ര​ധാ​ന ക​ര്‍ത്ത​വ്യ​ങ്ങ​ള്‍. ഇ​മാ​റാ​ത്തി നാ​ട്ടു​ഭാ​ഷ​ക​ളും ക്ലാ​സി​ക്ക​ല്‍ അ​റ​ബി​ക് ക​വി​താ സം​രം​ഭ​ങ്ങ​ളെ​യും എ​മി​റേ​റ്റി​ന്‍റെ വാ​മൊ​ഴി ച​രി​ത്ര​ത്തെ കേ​ന്ദ്രീ​ക​രി​ച്ചു​ള്ള ച​രി​ത്ര​പ​ഠ​ന​ങ്ങ​ളെ​യും പ്ര​സി​ദ്ധീ​ക​ര​ണ​ങ്ങ​ളെ​യും അ​വ​ലോ​ക​നം ചെ​യ്യു​ന്ന​തും അ​ബൂ​ദ​ബി ഹെ​റി​റ്റേ​ജ് അ​തോ​റി​റ്റി രേ​ഖ​പ്പെ​ടു​ത്തും.

യു.​എ.​ഇ​യെ​യും രാ​ഷ്ട്ര​നേ​താ​ക്ക​ളെ​യും കു​റി​ച്ചു​ള്ള ക​വി​ത​ക​ളും ലേ​ഖ​ന​ക​ളും ദൃ​ശ്യ, ശ്ര​വ്യ സാ​മ​ഗ്രി​ക​ളും ഇ​തി​ലു​ള്‍പ്പെ​ടും.

എ​മി​റേ​റ്റി​ന്‍റെ അ​ക​ത്തും പു​റ​ത്തു​മു​ള്ള മേ​ള​ക​ളും പ്ര​ദ​ര്‍ശ​ന​ങ്ങ​ളും പൈ​തൃ​ക പ​രി​പാ​ടി​ക​ളു​മൊ​ക്കെ അ​തോ​റി​റ്റി സം​ഘ​ടി​പ്പി​ക്കു​ക​യും കൈ​കാ​ര്യം ചെ​യ്യു​ക​യും ചെ​യ്യും.

യു.​എ.​ഇ​യു​ടെ സ്ഥാ​പ​ക പി​താ​വ് ശൈ​ഖ് സാ​യി​ദ് ബി​ന്‍ സു​ല്‍ത്താ​ന്‍ ആ​ല്‍ ന​ഹ് യാ​ന്‍ ആ​ണ് യു.​എ.​യു​ടെ പൈ​തൃ​ക​ത്തെ പ്രോ​ത്സാ​ഹി​പ്പി​ക്കു​ന്ന​തി​നും സം​ര​ക്ഷി​ക്കു​ന്ന​തി​നു​മാ​യി എ​മി​റേ​റ്റ്സ് ഹെ​റി​റ്റേ​ജ് ക്ല​ബി​നു രൂ​പം​ന​ല്‍കി​യ​ത്.

ഇ​മാ​റാ​ത്തി സം​സ്‌​കാ​ര​ത്തെ​യും പൈ​തൃ​ക​ത്തെ​യും പ്രോ​ത്സാ​ഹി​പ്പി​ക്കു​ന്ന പ​രി​പാ​ടി​ക​ളു​ടെ ആ​തി​ഥ്യം വ​ഹി​ക്കു​ന്ന​തി​നാ​യി 2013ലാ​ണ് അ​ബൂ​ദ​ബി ക​ള്‍ച്ച​റ​ല്‍ പ്രോ​ഗ്രാം​സ് ആ​ന്‍ഡ് ഹെ​റി​റ്റേ​ജ് ഫെ​സ്റ്റി​വ​ല്‍സ് ക​മ്മി​റ്റി​ക്കു രൂ​പം ന​ല്‍കി​യ​ത്.