ശ​ക്ത​മാ​യ വേ​ന​ൽ​മ​ഴ തു​ട​രു​ന്നു; അ​ൽ​ഐ​നി​ന്‍റെ വി​വി​ധ ഭാ​ഗ​ങ്ങ​ളി​ൽ ശ​നി​യാ​ഴ്ച ശ​ക്ത​മാ​യ മ​ഴ പെ​യ്തു

അ​ൽ​ഐ​ൻ: രാ​ജ്യ​ത്ത്​ അ​സ്ഥി​ര കാ​ലാ​വ​സ്ഥ തു​ട​രു​ക​യാ​ണ്. ക​ന​ത്ത വേ​ന​ൽ​ച്ചൂ​ടി​നി​ട​യി​ലും ചി​ല​യി​ട​ങ്ങ​ളി​ൽ ശ​ക്ത​മാ​യ മ​ഴ ല​ഭി​ച്ചു. അ​ൽ​ഐ​നി​ന്‍റെ വി​വി​ധ ഭാ​ഗ​ങ്ങ​ളി​ൽ ശ​നി​യാ​ഴ്ച ഉ​ച്ച​ക്കു​ ശേ​ഷം ശ​ക്ത​മാ​യ മ​ഴ രേ​ഖ​പ്പെ​ടു​ത്തി​യ​താ​യി ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം (എ​ൻ.​സി.​എം) റി​പ്പോ​ർ​ട്ട്​ ചെ​യ്തു.

സം​വ​ഹ​ന മേ​ഘ​ങ്ങ​ൾ രൂ​പ​പ്പെ​ടു​ന്ന​താ​ണ്​ ഒ​റ്റ​പ്പെ​ട്ട ഭാ​ഗ​ങ്ങ​ളി​ൽ ശ​ക്ത​മാ​യ മ​ഴ​ക്ക്​ കാ​ര​ണം. ശ​നി​യാ​ഴ്ച രാ​​ത്രി ഒ​മ്പ​തു വ​രെ പ​ല ഭാ​ഗ​ങ്ങ​ളി​ൽ ഏ​റി​യും കു​റ​ഞ്ഞും മ​ഴ ല​ഭി​ച്ചു. ഇ​തി​ന്‍റെ ദൃ​ശ്യ​ങ്ങ​ൾ എ​ൻ.​സി.​എം സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​വെ​ച്ചി​ട്ടു​ണ്ട്. ജൂ​ലൈ 28 വ​രെ മേ​ഘാ​വൃ​ത​മാ​യ കാ​ലാ​വ​സ്ഥ ​പ്ര​തീ​ക്ഷി​ക്കു​ന്ന​തി​നാ​ൽ കൂ​ടു​ത​ൽ മ​ഴ​ക്ക്​ സാ​ധ്യ​ത​യു​​ണ്ട്.

അ​തേ​സ​മ​യം, ക​ഴി​ഞ്ഞ ആ​ഴ്ച താ​പ​നി​ല നേ​രി​യ​തോ​തി​ൽ കൂ​ടി​യ​താ​യി കാ​ണാം. ഏ​റ്റ​വും കൂ​ടി​യ താ​പ​നി​ല 49 ഡി​ഗ്രി സെ​ൽ​ഷ്യ​സും കു​റ​ഞ്ഞ താ​പ​നി​ല 24 ഡി​ഗ്രി സെ​ൽ​ഷ്യ​സും ആ​ണ്. രാ​ജ്യ​ത്തു​ട​നീ​ളം ഈ​ർ​പ്പ​ത്തി​ന്‍റെ അ​ള​വും കൂ​ടി​യി​ട്ടു​ണ്ട്. ഉ​ൾ​നാ​ട​ൻ പ്ര​ദേ​ശ​ങ്ങ​ളി​ൽ ഈ​ർ​പ്പം 80 മു​ത​ൽ 85 ശ​ത​മാ​നം വ​രെ​യാ​ണ്​ രേ​ഖ​പ്പെ​ടു​ത്തി​യ​ത്. തീ​ര​പ്ര​ദേ​ശ​ങ്ങ​ളി​ൽ അ​ന്ത​രീ​ക്ഷ ഈ​ർ​പ്പം 90 ശ​ത​മാ​നം വ​രെ​യെ​ത്തി.

ര​ണ്ടാ​ഴ്ച ചു​ട്ടു​പൊ​ള്ളും

ആ​ഗ​സ്റ്റ്​ 10 വ​രെ​യു​ള്ള ര​ണ്ടാ​ഴ്ച രാ​ജ്യ​ത്ത്​ ഏ​റ്റ​വും ക​ഠി​ന​മാ​യ ചൂ​ട്​ അ​നു​ഭ​വ​പ്പെ​ടു​മെ​ന്ന്​ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം മു​ന്ന​റി​യി​പ്പു ന​ൽ​കി. ഈ ​വ​ർ​ഷം ക​ന​ത്ത​ചൂ​ടി​ന്‍റെ അ​വ​സാ​ന ഘ​ട്ട​മാ​ണി​ത്. ‘വ​ഹ്​​റ​ത്ത്​ അ​ൽ മി​ർ​സാം’ എ​ന്ന പേ​രി​ലാ​ണ്​ ഇ​ത്​ അ​റി​യ​പ്പെ​ടു​ന്ന​ത്. ജം​റ​ത്ത്​ അ​ൽ ഖ​യ്​​സ്​ എ​ന്നും ഇ​തി​നെ വി​ശേ​ഷി​പ്പി​ക്കാ​റു​ണ്ട്. ആ​ഗ​സ്റ്റ്​ 10 വ​രെ ഈ ​കാ​ലാ​വ​സ്ഥ നീ​ളു​മെ​ന്നാ​ണ്​ എ​മി​റേ​റ്റ്​​സ്​ അ​സ്​​ട്രോ​ണ​മി സൊ​സൈ​റ്റി ചെ​യ​ർ​മാ​ൻ ഇ​ബ്രാ​ഹിം അ​ൽ ജ​ർ​വാ​ൻ അ​ഭി​പ്രാ​യ​​പ്പെ​ടു​ന്ന​ത്. ആ​ഗ​സ്റ്റ്​ 10നു​ ​ശേ​ഷം ചൂ​ടി​ന്‍റെ കാ​ഠി​ന്യം പ​തി​യെ കു​റ​ഞ്ഞു​​വ​രും.