വെള്ളക്കെട്ട്, കനത്തമഴ

ദു​ബൈ: ദു​ബൈ​യി​ലും വ​ട​ക്ക​ൻ എ​മി​റേ​റ്റു​ക​ളി​ലും ക​ന​ത്ത മ​ഴ​യും വെ​ള്ള​ക്കെ​ട്ടും. ചൊ​വ്വാ​ഴ്ച​ ഉ​ച്ച​യോ​ടെ​യാ​ണ്​ അ​പ്ര​തീ​ക്ഷി​ത​മാ​യി മ​ഴ​യെ​ത്തി​യ​ത്. ത​ണു​പ്പു​കാ​ലം തു​ട​ങ്ങി​യ​ശേ​ഷം ദു​ബൈ​യി​ൽ ആ​ദ്യ​മാ​യാ​ണ്​ ഇ​ത്ര വ്യാ​പ​ക​മാ​യി മ​ഴ പെ​യ്യു​ന്ന​ത്. എ​മി​റേ​റ്റി​ന്‍റെ ഭൂ​രി​പ​ക്ഷം പ്ര​ദേ​ശ​ങ്ങ​ളി​ലും മ​ഴ​യെ​ത്തി. മാ​സ​ങ്ങ​ളാ​യി തു​ട​ർ​ന്ന ചൂ​ട​ൻ കാ​ലാ​വ​സ്ഥ​യി​ൽ​നി​ന്ന്​ ആ​ശ്വാ​സ​മാ​യാ​ണ്​ മ​ഴ എ​ത്തി​യ​തെ​ങ്കി​ലും പ​ല​യി​ട​ത്തും വെ​ള്ള​ക്കെ​ട്ട്​ രൂ​പ​പ്പെ​ട്ട​ത്​ ഗ​താ​ഗ​ത​ത്തി​ന്​ ത​ട​സ്സ​മാ​യി. എ​ന്നാ​ൽ, മ​ഴ ശ​മി​ച്ച്​ മ​ണി​ക്കൂ​റു​ക​ൾ​ക്ക​കം വെ​ള്ള​ക്കെ​ട്ടൊ​ഴി​വാ​യി.

ദു​ബൈ​ക്കു​പു​റ​മെ ഉമ്മുൽഖുവൈൻ, അജ്മാൻ, ഷാ​ർ​ജ, റാ​സ​ൽ​ഖൈ​മ, ഫു​ജൈ​റ തു​ട​ങ്ങി​യ എ​മി​റേ​റ്റു​ക​ളി​ലും ക​ന​ത്ത മ​ഴ പെ​യ്തു. അ​ടു​ത്ത ദി​വ​സ​ങ്ങ​ളി​ലും അ​സ്ഥി​ര കാ​ലാ​വ​സ്ഥ​ക്ക്​ സാ​ധ്യ​ത​യു​ണ്ടെ​ന്ന്​ ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. മൂ​ട​ൽ​മ​ഞ്ഞി​ന്​ സാ​ധ്യ​ത​യു​ള്ള​തി​നാ​ൽ വാ​ഹ​ന യാ​ത്ര​ക്കാ​ർ ശ്ര​ദ്ധി​ക്ക​ണം. റാ​സ​ൽ​ഖൈ​മ​യി​ലെ മ​സാ​ഫി​യി​ൽ വാ​ദി​യി​ലൂ​ടെ വെ​ള്ളം ​കു​ത്തി​യൊ​ലി​ക്കു​ന്ന വി​ഡി​യോ​ക​ൾ കാ​ലാ​വ​സ്​​ഥ നി​രീ​ക്ഷ​ണ​ കേ​ന്ദ്രം പു​റ​ത്തു​വി​ട്ടു. കാ​ത്തി​രു​ന്നു​കി​ട്ടി​യ മ​ഴ​യെ പ്ര​വാ​സി​ക​ളും ആ​ഘോ​ഷ​മാ​ക്കി. മ​ഴ​യി​ലി​റ​ങ്ങി നൃ​ത്തം ചെ​യ്തും സ​മൂ​ഹ മാ​ധ്യ​മ​ങ്ങ​ളി​ലൂ​ടെ ചി​ത്ര​ങ്ങ​ൾ പ​ങ്കു​വെ​ച്ചു​മാ​ണ്​ പ്ര​വാ​സി​ക​ൾ ആ​ഘോ​ഷി​ച്ച​ത്. ചൊ​വ്വാ​ഴ്ച ഏ​റ്റ​വും കു​റ​വ്​ താ​പ​നി​ല രേ​ഖ​പ്പെ​ടു​ത്തി​യ​ത്​ ജ​ബ​ൽ ജെ​യ്​​സി​ലാ​ണ്​ (12 ഡി​ഗ്രി സെ​ൽ​ഷ്യ​സ്). കൂ​ടി​യ താ​പ​നി​ന​ല അ​ൽ​ഐ​നി​ലെ സ്വൈ​ഹാ​നി​ൽ (33 ഡി​ഗ്രി സെ​ൽ​ഷ്യ​സ്).